رواية ليلة الاسد الفصل العاشر 10 - بقلم دنيا محمد

ليل بخوف وترجي: أسد في حد جاي، ابعد والنبي، شكلي هبقى وحش أوي، ابعد. أسد مردش. ليل وتبعدوا عنها وتفشل. ليل: ينهار أسود، أنت نمت ولا إيه؟ وبيقاطعها صوت حد. بيقول: هو ده اللي مبتحبوش بعض؟ ليل وتنظر للبيتكلم. ليل بإحراج: بصي متفهميش غلط، أنا معرفش ماله ده، شكله نام، تعالي أسنديه معايا بدل ما أنتي بصالي كده. فيروز بضحك: طيب. ويخرجو من الأوضة. فيروز: أسد من النوع اللي لما بيغمض عينه بيروح في النوم على طول.

ليل بصوت منخفض: سيبك منه. وتكمل بحماس: كنتي هتفرجيني على البيت؟ فيروز: ماشي، على ما ماما تعمل الغدا، عارفة ماما نفسها في الأكل أي ما أقولكشي، بصي أنتِ هتدوقي بنفسك. ليل وملامحها باينة حزينة. فيروز بقلق: مالك يا ليل؟ ليل: مامي وحشتني أوي. فيروز: هو إحنا مش أهلك برضه يا ليل؟ ومامتي هي مامتك، متخافيش مش بغير عليها عادي. ليل وتبتسم ليها. غزال بغيظ: هي هتفضل تلف زي النحلة في البيت كده؟ دولت: عيب يا بت يا غزال.

غزال: والله عيب!! ولا العيب إنك تعدي الموضوع ده كده. دولت: والله مش أنا اللي جوزتهم، وبعدين هو مش أسد قالك السبب؟ غزال: مش داخل دماغي بصراحة. دولت: جتك ضربة في دماغك يا غزال. غزال بتكشيرة: ليه يا خالتو بس؟ دولت: ما أنتِ كنتِ قدامه على طول، معرفتيش تعلقيه بيكي ليه؟ غزال وتربع إيديها وتسند على التلاجة. غزال بخيبة أمل: ابنك شايفني صديقته وبس، وأنا عملت كل حاجة عشان يتجوزني، بس هي جت اتجوزته من غير حتى ما تعمل حاجة.

دولت: بت ده أنتِ أحلى والله. غزال بسرحان: طب أعمله عمل طب. دولت بعدم فهم: تعملي لمين؟ غزال: ابنك. دولت: غوري يا بت من قدامي، قال عمل قال، ده أنا أقطع رقبتك. ليل: شركة إيه دي؟ فيروز: شركة أدوية. ليل: بجد؟ فيروز بإبتسامة: أيوا، بابا وأسد دكاترة، هو أنتِ متعرفيش؟ ليل: عشان كده كان فيه تعابين في الدولاب. فيروز بندم وتضحك: يلاهوي، أنتِ شوفتيهم؟ معلش نسيت أشيلهم من مكاني، بس إيه علاقة التعابين بإنو دكتور؟

ليل: مش بيشرحوا الحاجات المقذذة دي؟ فيروز بضحك: لا مش بيشرحوا الحاجات المقذذة دي، هو أسد بس اللي بيحبهم. وتكمل بتفكير: أو ممكن يكون مفيش تعابين في حياته، فا اشتري. في المصنع. سيلمان بتلميح: عارف يا ياسر أكتر حاجة نعيم بيه بيكرهها في الشغل هي إيه؟ ياسر: إيه؟ سيلمان ويعد على صوابعه: الغش والخيانة والاستهتار في الشغل. ياسر وبدأ جسمه يسخن ويعرق: عايز إيه يا سيلمان؟

سيلمان: 10 آلاف جنيه، مش بس كده، لا وقت ما أعوز فلوس تاني هاجي آخدها منك. ياسر: هيكونوا عندك، بس لو نعيم بيه شم خبر بالموضوع ده، محدش هيرحمك مني. سيلمان: ماشي، صح عندي ليك خبر. ياسر: إيه هو؟ سيلمان: أسد اتجوز ليل بنت عمه وجابها تعيش معاهم هنا. سيلمان: تخيل نعيم بيه وليل يعرفوا، ساعتها هتروح في سكة اللي يروح ميرجعش. ياسر بزعيق ويخنقو: أنت ناوي تقولهم ولا إيه؟ سيلمان بخنقة: مش هقول، سيبني يا غبي، هموت في إيدك.

ياسر بيسيبه. ياسر في ذهنه: هعمل إيه في المصيبة دي، يعني ملاقيش غيرها ويتجوزها.