رواية ليلة الاسد الفصل السادس 6 - بقلم دنيا محمد

ليل بتخرج وتحت عينيها في كدمات وإيديها مزرقة. وتجري على حضن مامتها وتعيط. أسد كان منتظرها بابتسامة، وفجأة تتحول لصدمة بعد ما شاف وشها وإيديها. ليل بعياط: شفتي يا مامي اللي حصلي. أسد بصدمة: إزاي حصلك كده؟ انتي كنتي كويسة قبل ما مامتك تيجي؟ ليل: شايفة يا مامي، كمان عامل نفسه مش فاهم. ااه يا مامي، إيدي وجعاني أوي. أسد بجنون: يا بنتي أنا هعمل فيكي كده ليه؟ علا: إيه اللي انت عملته فيها ده يا أسد؟

هي دي اللي في عينيك وهتحافظ عليها؟ أسد بيمسك ليل من إيديها ويشيلها من حضن مامتها. أسد: يعني أنا اللي عملت فيكي كل ده؟ متأكدة؟ ليل بخوف: شايفة يا مامي، بيشيلني إزاي؟ انتي لازم تاخديني معاكي البيت، أنا معرفش ممكن يعمل فيا إيه بعد ما تمشي. أسد بيسيبها وينظر على إيده يلاقي لون أزرق على صوابعه. أسد بابتسامة: مش قولتلك يا مرات عمي، هتعمل أي حجة عشان متسافريش. ويرفع صوابعه قدام عيونها. علا: لي عملتي كده يا ليل؟

كنت حاسة إنك بتكدبي عليا. ليل: أكدب إيه يا مامي، ما انتي شايباني أهو. علا بمجالدة: يا سلام! يعني اللي في وشك ده مش ميك اب اللي جبتهولك مع هدومك يعني؟ ليل بإحراج: ماشي، ما ضربنيش. أنا مش عايزة أسافر معاه. علا: معلش يا أسد، سيبني معاها شوية وأنا هتكلم معاها. علا: وانتي روحي اغسلي اللي في وشك ده. ليل: مامي، أنا مش هسيبك لوحدك هنا. هو لو عايز يسافر يروح لوحده، لاكن أنا لا، مش هروح لمكان.

علا: مينفعش يروح عند أهله من غيرك يا ليل. خليكي عاقلة واسمعي الكلام بقى. مش هتقعدي هناك كتير، هتيجي هنا تاني. ليل بنفاذ صبر: ماشي، موافقة. علا: شاطرة يا حبيبتي. ليل: بس بشرط، أول ما أرجع هنا هتطلق من الكائن ده. علا بخيبة أمل: ماشي، اللي تشوفيه ساعتها يا ليل. غزال: أيوا، عرفت كلمته وقالي. فيروز: يخربيتك، هو ده التقل؟ غزال بحزن: ماهو مش بيكلمني. فيروز: طب تكلميه انتي. غزال: أومال أعمل إيه؟

فيروز بثقة: يا بنتي، ده أخويا وأنا عارفاه وفاهم. اتقلي عليه زي ما بقولك، بس هو لما يلاقي اتغيرتي معاه ومبقتيش تسألي، هيسأل هو وهيفكر فيكي. بس طول ما انتي غبية وفي اليوم بتكلميه حوالي 5 مرات، هيزهق منك. انتي حتى مش مدياه وقت عشان يوحتش فيه. غزال: أصلاً أخوكي بيحبني، ملوش لازمة الكلام ده بقى. فيروز بضحك: ما أنا عارفة، وكمان متجوزاه ومخلفة منه عيال في خيالك. غزال بخجل: بس يا باردة. أسد بسخرية: شكلك طلعتي وحشة قدامنا.

ليل بغيظ: انت مالكش دعوة بيا، ماشي. أسد بتحذير: بقولك إيه، من قبل ما نتحرك من هنا، قلة أدبك دي مشوفهاش هناك، ولسانك الطويل اللي فرحانة بيه ده يتلم، بدل ما أنا اللي ألمه وألمك معاه، مفهوم؟ ليل بزهق: ماشي. أسد: يلا اركبي العربية. ليل لسه هتقعد. ليل: انت هتقعد جنبي؟ ما تقعد جنب السواق. أسد: لا. ليل: خلاص، هقعد جنبه أنا. وبتروح عشان تقعد. أسد بيشدها ويرجعها لورا. ليل تنظر له بعدم فهم: إيه؟ مش هقعد جنبك إن...

وبيقاطعهم نعيم. نعيم وهو بيقعد جنب السواق: يلا يا ولاد. ليل بإحراج وتننظر للأرض: احم، ماشي خلاص. بعد ساعات. بيكونوا وصلوا. السواق: يا فندم. السواق بتوتر: اصحي يا فندم، إحنا وصلنا. نعيم بيلبس نضارته: هو أنا نمت كتير؟ وينظر على أسد ولي. ويلقى أسد نايم و... نعيم بصدمة: هي فين ليل؟