رواية ليلة الاسد الفصل السابع 7 - بقلم دنيا محمد

نعيم بيلبس نظارته: هو أنا نمت كتير. وينظر على أسد وليل. ويلاقي أسد نايم ول.. نعيم بصدمة: هي فين ليل؟؟؟ السواق: أهي يا فندم مستنياكو برا. نعيم بطمأنينة: آآه ماشي. ويخرج ليها. نعيم بلطف: عجبك البيت. ليل بانبهار: تحفة ده كمان أحلى من بيتنا اللي في إسكندرية. نعيم بيضحك على ردها اللي كله حماس. نعيم: طب روحي صحي أسد على ما أدخل أعرفهم على جوازتكم. ليل بابتسامة مزيفة: حاضر. أسد بنعاس: خلاص بقا يا غزال.

ليل بقلق وتنحني ليه: أهييه هو أنت عشان اسمك أسد هتشوفني غزالة ولا إيه!! أسد بيفتح عيونه ويلاقيها ليل. أسد بيفرك في عينه ويضحك: يخربيتك هو أنتِ. ليل بتسرع: أيوة يالا. وتسحبه من إيديه. ليل بحماس: عايزة أدخل جوا. وتشاور على الفيلا. أسد باستغراب: وإيه الحماس ده؟؟ ليل بتفكير: يعني معاكو عربيات وفيلا اللي طمعانين فينا كده!! أسد بنفاذ صبر ويسيبها ويجيب الشنطة. ليل بتجاهل: خلاص مش مهم. أسد: يالا.

_الدكتورة: احنا كده هنبدأ الجلسة الأولى بكرة حضرتك جاهزة. عُلا بقلق وتهز راسها بنعم. الدكتورة بابتسامة: متقلقيش يا مدام عُلا أنا هبذل كل جهدي عشان تكوني كويسة. _دولت بحب: دي إيه المفاجأة الحلوة دي عاملة إيه يا ليل يا حبيبتي. ليل ونظراتها كلها على كل مكان في البيت. ليل بابتسامة: أنا كويسة الحمد لله. فيروز بتحضنها بحب: يخربيت حلاوتك يا بت يا ليل زي ما توقعتك. الكل ضحك على صراحتها. ليل بجرأة: أنا عايزة أتفرج على البيت.

فيروز بابتسامة: ياسلام يالا تعالي أفرجك. أسد بيمسك إيديها. أسد: بعدين يا فيروز سيبيها دلوقتي ترتاح. بيقاطعهم غزال وتجري على حضن أسد بفرحة. غزال بتستوعب اللي عملتو وتبعد عنه. فيروز وتنظر ليها بحذر. غزال بإحراج: أحم ماكنش قصدي من الفرحة بس إتسرعت. وتغير الموضوع. غزال بابتسامة وتنظر لليل باستغراب: هي مين دي؟؟