رواية ليلة الاسد الفصل الثاني والعشرون 22 - بقلم دنيا محمد

غزال: بعد ما تشربي كوبايتك هتقولي كلام تندمي عليه يا مدام ليل وساعتها خالتو وعمو نعيم هيضايقو منك أوي. ياعيني صعبتي عليا بجد. *** أسد باستغراب: ليل انتي كويسة؟ ليل وهي فاقدة اتزانها وتصرخ في وجهه: أنا كويسة، انت كويس؟ أسد بضحك: والله؟ اومال مالك بتتطوحي كده لي؟ انتي شاربة يانسون مش حاجة يعني. ليل وتسند نفسها بإنها تحاوط ايديها على رقبة أسد. ليل بحزن وعدم وعي: هو انت هتطلقني؟

عارف أنا مكنتش عايزة أتطلق قبل ما أشوف الصور. أسد بعدم فهم: إيه الصور دي؟ ليل بتفكير: صور إيه؟ أسد: اللي انتي لسه قايلة عليه. ليل: مش عارفة. ليل بعلو الصوت: أنا عايزة أناااام. لأ أنا عايزة مامي. وتكمل بحزن: بس مامي مبتحبنيش. أسد: لي بتقولي كده؟ ليل بتكشيرة: عشان هي مبتحبش تشوفني مضايقة وخلتني أتجوزك وأنت بتضايقني. أسد: وأنا ضايقتك في إيه؟ ليل: امم... مش عارفة. لأ، أنت كويس معايا. أسد بزعيق وجنون: يا ليل! مالك!

انتيييي عاملة لييي كدههه؟ ليل بخوف ودموع. أسد بنفاذ صبر: بتعيطي لي دلوقتي؟ ليل ببراءة: عشان زعقتلي. أنا بزعل أوي لما بتزعقلي. متزعقليش تاني. أسد بابتسامة: حاضر. ويشيدها من ايديها لحد السرير ويسند راسها على المخدة. ليل بتمسك إيده بإيديها الاتنين وتشيده عليه. ليل: أنت رايح فين وسايبني لوحدي؟ أسد ويبتسم وهو مستغرب من اللي حصل. أسد: خليكي لحظة هجيب حاجة وجاي تاني. ليل بعدم وعي: لأ لأ خليك جنبي. أسد: يابنتي سيبيني!

هشوف حاجة تصحصحك. انتي ضايعة خالص. *** فيروز بصوت منخفض: قولت لأسد يجيب ليل ويجي بس ليل شكلها تعبانة أوي. خلاص يا ماما مش مهم ليل تشوف خالتو دلوقتي. دولت: طيب يا بنتي. *** ليل بعياط: لأ مش هاخدها. أسد: يا ربي أنا معرفش إيه اللي حصلك فجأة كده. ليل بخوف: لأ لأ ابعدها، أنا مبحبش الإبر. أسد: مش انتي قولتي إن بطنك كانت وجعاكي؟ ياله خديها عشان تخفي يا ليل. ليل: لأ خفيت. بطني مش بتوجعني دلوقتي.

أسد ويلاغيها: طيب قوليلي انتي كنتي حاسة بإيه؟ ليل بصُداع وتغمض عيونها: مش فاكرة. أسد بيمسك ايديها ويديها الإبرة بكل خفة. ليل بتروح في النوم بعدها. *** ياسر بآلام: أنا لازم أهرب قبل ما حد يشوفني ويقول لزين حاجة. ويتحرك خطوة ويقف من شدة الألم. *** بعد 3 ساعات. ليل وتبلع ريقها بصعوبة: إيه! حااامل!