رواية ليل الفهد الفصل الخامس 5 - بقلم هاجر مصطفي

حازم دخل الأوضة على زين. حازم: إزيك يا... ينهاركم أسود. ملاك كانت نايمة على رجل زين وهو بيلعب في شعرها. ملاك بتقوم بسرعة: عمي حازم، أهلاً، نورت. عن إذنكم، عندي مذاكرة. حازم: اتفضلي ياختي. زين بزمجرة: يا بوي مش قولت ميت مرة محدش يدخل من غير ما يخبط على الباب. حازم بحدة: ما أنا خبطت يا نحنوح، وأنت مكنتش فاضي. زين: آسف يا حج. حازم دخل وقعد جنبه على السرير وأخده بحضنه. حازم: عامل إيه دلوقتي؟

زين: الحمد لله كويس. حسيت بتغيير بعد أول جلسة علاج. حازم: ربنا يتمم شفاك على خير. زين: إن شاء الله. حازم: مش ناوي تتجوز بقى يا بني؟ زين: لو عليا أنا موافق، بس مش عارف. مش عايز أخليها تقضي بقية عمرها مع واحد مش بيمشي. حازم: خد رقيقها برضه، شايفها مسبتكش من يوم الحادثة. متخسرش قلب طيب حبك. زين: نفسي والله يا حج. فهد خبط ودخل. فهد: إيه الندالة دي، من غيري كمان؟ حازم بضحك: تعالى يا عريس.

فهد دخل وحازم حضنه من الناحية التانية. زين بصدمة: عريس! حازم: أخوك هيتجوز الدكتورة. زين: هو لحق؟ حازم خبطه في كتفه. فهد: عقبالك يا زين. حازم: هو هيتكلم مع ملاك بنت عمه، وأنا هطلبها من أبوها. وإن شاء الله لو تمت على خير، أنتوا الاتنين في يوم واحد هيكون فرحكم. فهد: إن شاء الله يا حج. يا ريت والله، بدل ما مهما مقضينها أخوات كده. زين ضحك بحرج: أما نشوف الأخ اللي هيتجوز هيعمل إيه. فهد: أحسن منك يا أخويا. زين: آآآه.

حازم حضنهم وبيضحك. ناموا على وضعهم ده. ملاك في الأوضة عند ليل. ملاك: يعني حضرتك هتتجوزي أبيه فهد؟ أنا فرحانة أوي. ليل: قوليلي ليل عادي، زي ما أنا بقولك يا ملاك. ملاك: حاضر. ليل: هو ليه أنتي وزين متجوزتوش لحد دلوقتي؟ باين إنكم بتحبوا بعض أوي. ملاك: زين خايف إني أكون مش عايزاه من بعد ما عمل الحادثة، بس أنا اللي همني إني أكون معاه، بس هو اللي مربيني. وأبيه فهد كان مهتم بيا أنا وفاطمة. ليل: واضح إنكم حب قديم.

ملاك بسرحان: كان، ولسه بيخاف عليا من كل حاجة. لسه لحد النهاردة بيجبلي اللي أنا عايزاه، بالرغم من إنه مش بيخرج من الأوضة. ببقى مرتاحة أوي وأنا معاه. المهم إنه جنبي، وأنا سنده في الحياة. ليل: اممم، كملي يا عشقان. ملاك: كده يا ليل، خليتيني أسرح وأحكي. يلا علشان قدامك حاجات كتير أوي. ليل بإستغراب: حاجات إيه؟ ملاك: عندنا هنا عادات لازم تتعمل في الفرح. هقولك على كل حاجة واحدة واحدة. ليل: ماشي يا ستي.

فاطمة بتتكلم في التليفون: هقتلها يا أمي.