رواية ليل الفهد الفصل الثالث 3 - بقلم هاجر مصطفي

ليل بصدمه: نعم انت شارب ولا إيه فهد بحدة: إيه هدي أعصابي، إيه شارب دي أنا بطلب منك نتجوز. ليل بهدوء: ليه؟ أنا ممكن أعالجه ومش هتجوزك. فهد: مش هينفع، لأن لينا أعداء كتير ولو حد عرف إن فيه دكتورة جت عشان تعالجه هيبقى فيه خطر على حياة البيت كله، بما فيهم إنتي يا دكتورة. ليل: وأنا مالي؟ إيه علاقتي بحياتكم؟ أنا جاية أعالج مريض بس مش أكتر. فهد: طالما دخلتي البيت ده، حضرتك دخلتي مرحلة الخطر.

ليل لفت وشها عنه، بتبص على الأرض الزراعية قدامها. ليل بتفكير: سيبني أفكر. فهد: معاكي لحد بكرة. ليل: طيب. تركها فهد وخرج. بعد فترة ليل بردوا خرجت. ليل نزلت المطبخ ولقت فاطمة وخديجة وملاك جوه. ليل: سلام عليكم. خديجة بإبتسامة: عليكم السلام يا قمر، نورتي. فاطمة: ده على أساس إننا مش منورين يا مرات عمي. ليل تجاهلتها وقعدت جمب خديجة. ليل: حضرتك بتعملي إيه يا حجة؟ خديجة بضحك: والنبي حلوة كلمة حجة دي منك يا بتي.

ليل: الله يخليكيم. ملاك: هو أنتِ متجوزة؟ ليل: لا مش متجوزة. ملاك: ااه طيب. قامت ملاك وجت تطلع، ليل وقفتها. ليل: آنسة ملاك ممكن أتكلم معاكي شوية. ملاك بتفكير: ااه ممكن. ليل: طيب ممكن برا البيت. ملاك: بيه فهد هيزعق لو خرجنا، بس مش هيزعق لو فضلنا برة في الجنينة. ليل: طيب مش مشكلة، أي مكان. ملاك: نعم حضرتك عايزني في إيه؟ ليل: أنا عارفة إنك بتحبي أستاذ زين، حسيت بده في طريقة كلامك وتعاملِك معاه، صح؟ ملاك بتوتر: إيه؟

لا طبعًا عادي، إحنا أخوات. ليل: متخافيش، أنا بس حبيت أطمنك إنّي مش من الناس اللي عينها زايغة ومش بفكر في الجواز. حسيت كرهتيني لما دخلت عليكم. ملاك: الصراحة أنا غيرت، بس بس اتطمنتلك. أصلًا حضرتك أول واحدة بيه فهد يتعامل معاكي كويس. ليل بإستغراب: إزاي كويس؟ ملاك: أصل بيه فهد كل ما تيجي دكتورة أو دكتور يعالج زين بيبقى طمعان في الفلوس، فبيطرده من أول يوم. أصلًا إنتي الوحيدة اللي أكرمك. ليل بإبتسامة: إن شاء الله خير.

ملاك: قوليلي هو لون شعرك إيه؟ ليل بضحك: اشمعنا؟ ملاك: لا عادي، أصل عندي فضول. قعدت ليل وملاك مع بعض فترة يتكلموا لحد بليل. بليل فهد رجع من الشغل ودخل لأمه. فهد: عاملة إيه يا خديجة؟ خديجة بابتسامة: الحمد لله يا روح خديجة. حازم بحدة: إيه روح أمك؟ متتلم وتتكلم عدل ياض. خديجة: أخص عليك يا حازم، سيب يدلعني. حازم: وه هو كده بيدلعك؟ طب متسيبك إنتي من الدلع الماسخ ده وتعالي أدلعك أنا يا قلبي.

فهد: أنا لازم أتجوز، مش هينفع كده. حازم: اطلع برة ياض. فهد: طيب تمام يا حج، شكرًا على التسليمة دي. خرج فهد وترك خديجة وحازم يحبوا في بعض. ملاك: بيه فهد، بيه فهد. فهد: أيوه يا ملاك، محتاجة حاجة؟ ملاك: بس كنت عايزة أقولك إن شعرها بني. فهد بخبث: هي مين؟ ملاك بخجل: معرفش، مليش دعوة. هسيبك أنا وأروح لزين. فهد بضحك: ماشي. ملاك: زين، إنت كويس؟ زين بملامح حزينة: أيوه يا ملاك كويس. ملاك والدمعة في عينها: يا حبيبي مالك؟

أول مرة متقوليش يا ملاكي. زين بخبث: تعالي يا ملاك جمبي، عايزك في حاجة. ملاك راحت قعدت جمبه على السرير. زين طلع شوكولاتة من تحت المخدة على السرير. زين: غمضي عينك. ملاك غمضت عينيها وهي بتدمع. زين قرب وباسها من على عينيها الاتنين. ملاك بخجل: إنت كل مرة تضحك عليا كده؟ زين: مقدرش أزعل من ملاكي ومديهاش الحاجة اللي بتحبها. وادالها الشوكولاتة اللي أخدتها بحضنها علطول. ملاك: وطبعًا لازم تاخد المقابل كل مرة.

زين: امم، دا إنتي اتعودتي بقا. ملاك ضربته على كتفه وخرجت بسرعة رجعت أوضتها. ليل كانت لابسة إزدال أسمر وواقفة في البلكونة بتسمع أم كلثوم وبتشرب قهوة. فهد في البلكونة اللي جنبها واقف، بس هي ما خدتش باله منه. بعد ما الأغنية خلصت. فهد: مكنتش أعرف إن مزاجك عالي أوي كده. ليل بخضة: الله يسامحك، خضتني. فهد: آسف، فكرتك مش سرحانة. ليل: كنت بفكر في عرض الجواز الغريب بتاعك. فهد: وقرارك إيه يا دكتورة؟ ليل بحزم: أنا مش موافقة.