رواية ليل الفريد الفصل الأول 1 - بقلم جنى ابراهيم

ليل:يعني إيه عايز تفركش الخطوبة؟ ده الفرح بعد شهرين. آدم ببرود:مبقتش مرتاح معاكي، وبصراحة أنا اتعرفت على واحدة معايا في الشغل وهنتجوز. ليل بدموع:ليه؟ خنتني؟ أنا حبيتك جداً. أنا اعتبرتك أهم شخص في حياتي، وفي الآخر تبعد عني وتخوني قبل الفرح؟ أنا وقفت معاك واستنيتك تشتغل وتبني نفسك. أنا كل صحابي حذروني منك، فعلاً طلع معاهم حق. إنت إنسان حيوان. آدم:أنا مضربتكيش على إيدك عشان تساعديني وتقفي معايا. ليل وهي بتقوم

علشان تمشي من الكافيه:إنت صح. مع السلامة، وألف مبروك. ليل بنت جميلة عندها ٢٦ سنة، اتخرجت من كلية طب. بابها ومامتها متوفين، كانت عايشة مع جدتها. وبعد ما جدتها ماتت، محدش من أقاربها رضى يخليها تعيش عنده. فعشت لوحدها في شقة بابها ومامتها. عيونها بني وشعرها كيرلي ولونه أسود وهي محجبة. ليل بعد ما رجعت البيت انهارت من العياط وفضلت تفتكر ذكرياتهم مع بعض وقد إيه كان بيقولها إنه مستحيل يسيبها. رنت على صحبتها مريم.

ليل:ارجوكي يا مريم تعاليلي بسرعة. مريم:مالك يا حبيبتي؟ بتعيطي ليه؟ ليل:آدم سابني. مريم:إزاي؟ ده انتوا فرحكوا بعد شهرين. ليل:مش قادرة أتكلم، ارجوكي تعاليلي. أنا محتاجاكي. مريم:حاضر يا حبيبتي. جرس الباب رن، قامت ليل تفتح لمريم. وأول ما شافتها حضنتها. مريم قعدت على الكنبة وقعدت ليل. مريم:ممكن تفهميني إيه اللي حصل؟ ليل:قال لي إنه عايز يفركش الخطوبة، وقالي إنه اتعرف على واحدة معاه في الشغل وهيتجوزوها.

مريم بغضب:ده واحد ميستهلش دمعة من عينيك. أنا ياما قولتلك إنه مبيحبكيش وهيسيبك، مصدقتنيش. ليل بدموع:ارجوكي، أنا مش قادرة أتكلم في الموضوع ده. مريم بحزن على صحبتها:خلاص يا حبيبتي، نامي وارتاحي. وأنا هاخدلك إجازة من المستشفى. ليل:لا، أنا هروح الشغل بكرة. لازم أنسى ومأعطلش حياتي عشان حد. مريم:هو ده الصح. أنا هبات معاكي النهارده. ليل:خلاص، ماشي. مريم تبقى صاحبة ليل الوحيدة، شبه ليل لكن هي رفيعة وشعرها ناعم.

صحت ليل ومريم الصبح، اتوضوا وصلوا ولبسوا هدومهم. مريم:تحبي أعملك سندوتشات إيه؟ ليل بحزن:مش قادرة آكل. مريم:مش احنا اتفقنا امبارح إنك هتعيشي حياتك ومش هتفكري فيه؟ ليل:آه. مريم:يبقى أعملك معايا سندوتشات وناخدها ونروح ناكلها على الكورنيش. ليل:تمام، ماشي. ليل ومريم راحوا الكورنيش وفطروا، وبعديها راحوا المستشفى. الدكتور أحمد:عرفتوا إن المستشفى اتباعت؟ ليل:مين اللي اشتراها؟ الدكتور محمد:واحد اسمه فريد الهواري.

مريم:مش ده صاحب شركات الهواري؟ الدكتور محمد:آه. ليل ومريم خلصوا شغلهم، وبعديها مريم راحت بيتها. وليل اتمشت شوية على الكورنيش وتفتكر ذكرياتها مع آدم. وهي راجعة قابلت شباب بيعاكسوها وفضلوا يجروا وراها. وفجأة جه راجل جه وضرب الشباب وقال لهم:اللي يقرب منها هموته. واللي ميعرفنيش فأنا الكينج، واللي يتحداني يبقى خسران. الشباب هربوا من قدامه. ليل:شكراً جداً لحضرتك إنك أنقذتني.

:لشكر على واجب. وبعد كده متبقيش تمشي بالليل لوحدك. ليل:حضرتك معاك حق، وشكراً مرة تانية. مع السلامة.