رواية ليل الفريد الفصل الثاني 2 - بقلم جنى ابراهيم

ليل صحت الصبح، اتوضت وصّلت، وجت تلبس هدومها. شافت صورها هي وآدم، مسكت الصور كسرتها ورمتها. ليل بانهيار: انت متستحقش إن يكون ليك ذكرى في بالي. على قد ما حبيتك يا آدم، كرهتك. عشان أنت مكسرتش لعبتي، أنت كسرت قلبي. قلبي اللي حبك وخلاك أهم شخص في حياتي. بكرهك يا آدم، وبكره اليوم اللي حبيتك فيه. ليل بدأت تكسر في كل حاجة حواليها. في الوقت ده، رن جرس الباب. عند مريم:

مريم صحت الصبح، اتوضت وصلّت ولبست هدومها. فستان لونه أسود وعليه طرحة أوف وايت. مريم: صباح الخير يا ماما. أم مريم واسمها فاطمة: صباح النور يا حبيبتي، تعالي عشان تفطري. مريم: لا يا ماما، عشان الحق أعدي على ليل. فاطمة: يعني هتروحي الشغل من غير ما تفطري؟ مريم: هبقى أفطر مع ليل. يلا مع السلامة. فاطمة: ماشي يا حبيبتي، ابقي سلميلي على ليل لما تشوفيها. مريم: من عينيا، يوصل. باي.

مريم نزلت من الباب وركبت تاكسي وراحت لبيت ليل. رنت الجرس. ليل فتحت الباب ولقت مريم. حضنتها جامد وعيطت. مريم دخلت البيت وتفاجأت إن كل حاجة متكسرة. قعدت تهدّي ليل. مريم: ممكن تهدّي وتقوليلي ليه كل حاجة متكسرة؟ ليل بدموع: أنا تعبانة يا مريم، مش قادرة أصدق إزاي آدم يعمل فيا كده. أنا حبيته من كل قلبي، أنا سلمتله أغلى حاجة، قلبي. مريم بغضب وحزن على صحبتها الوحيدة:

أنتي اللي ما كنتيش شايفة حقيقته. أنتِ ناسيه لما كنتي بتشتكيلي منه؟ لما كنتي بتقوليلي إنك أنتِ اللي بتفتحي معاه نقاش، وأنتِ اللي بتتكلمي وهو مكانش بيرد؟ ولما كان بيرد عليكِ، كان بينتقدك ويقلل منك. فاكرة ساعة ما كنتي بتقوليلي إنه أيام يرد عليكي ويهتم بيكي ويخليكي طايرة في السما، وأيام تانية ميردش ومعبركيش؟

وكان بيقولك حجج فارغة. ده إنسان مؤذي. مكنش بيحبك. اللي زيه دول ما يعرفوش يحبوا. ده كان معاكي مجرد تسلية، كلعبة هيلعب بيها وبعدين يرميها. أنا كنت دايماً بحذرك منه، لكن أنتِ كنتي بتزعلي مني. المهم دلوقتي إنك خلصتي منه. لازم تركزي دلوقتي في حياتك وفي شغلك وتنسيه. الحب ده شيء سامي، واللي بينك وبين آدم مكنش حب. يمكن أنتِ حبتيه، لكن هو محبكيش. كنتي أنتِ الطرف اللي بيدي من غير ما ياخد. هو كان بياخد منك بس، لكن مبيديكيش. وفي أي علاقة حب لازم يكون الطرفين بيدوا لبعض العاطفة والحب، مش طرف يدي وطرف ياخد. دي كده علاقة حب من دون حب.

ليل: أنتِ صح، أنا لازم أركز في حياتي وأنساه. مريم بمرح: طب يلا عشان نفطر. أنا مرضتش إني أفطر مع فطوم عشان أفطر معاكي. جيت لقيتك قلبها مناحة. ليل: تيجي نفطر على الكورنيش زي ما عملنا امبارح، وبالمرة أحكيلك إيه اللي حصلي وأنا راجعة امبارح من الكورنيش. مريم: ماشي، يلا. ليل دخلت غيرت لبسها، ولبست بنطلون أسود وسويت شيرت لونه وردي، ولبست طرحة لونها أسود. ليل ومريم راحوا الكورنيش، وليلى حكتلها اللي حصلها امبارح بالليل. مريم:

كل ده حصل معاكي؟ ليل: أيوه. مريم: طيب عرفتي مين هو اللي أنقذك؟ ليل: لا، معرفوش. ويلا بينا نروح. مريم: ماشي، يلا بينا. ليل ومريم ركبوا تاكسي وراحوا المستشفى. في قصر فريد الهواري: فريد صحى، اتوضى وصلى ولبس هدومه، وبعدين راح لأوضة جدته. فريد الهواري صاحب شركات الهواري، شعره بني، ورياضي، وعيونه لونها أزرق. باباه ومامته ماتوا في حادثة عربية. له أخ وأخت. جدته هي اللي ربتهم. وعنده 32 سنة. فريد: صباح الخير يا جدتي.

جدة فريد واسمها كوثر: صباح النور يا حبيبي. فريد: حمزة وفريدة صحوا؟ (إخواته) كوثر: أيوه يا حبيبي، ومستنينك عشان نفطر. فريد: تمام، يلا ننزلهم. فريد وكوثر نزلوا عشان يفطروا. فريد: صباح الخير. فريدة وحمزة: صباح النور يا أبيه. فريد: هتخلصوا محاضراتكم إمتى؟ فريدة وحمزة: الساعة واحدة يا أبيه. فريدة وحمزة توأم، شعرهم لونه كستنائي وعنيهم لونها أزرق. فريد راح الشركة. فريد: الصفقة دي لازم أنا اللي آخدها. معاذ:

متقلقش يا كينج، هنخدها يعني هنخدها. صاحب فريد من زمان وشغال معاه في نفس الشركة. شعره أسود وعينه لونها أخضر. بيحب فريدة، لكن مش عارف يعترف لها بسبب عقدة قديمة عنده. هنعرفها بعدين. فريد: تمام، يلا نروح المستشفى. معاذ بغباء: هنروح المستشفى ليه؟ حد تعبان؟ فريد: لا يا ذكي، هنروح المستشفى اللي اشتريتها. معاذ: آه صح، يلا بينا. معاذ وفريد راحوا المستشفى. في المستشفى، كان الكل بيتكلم عن المالك الجديد للمستشفى. الدكتور أحمد:

أكيد هييجي النهارده. الدكتور محمد: أيوه، ده مجاش من ساعة ما المستشفى اتباعت. الممرضة: محتاجين الدكتورة ليل في حالة. ليل: تمام، جايه. ليل خلصت الكشف وخبطت في حد. ليل: أنت! أنتِ بتشتغلي هنا؟