رواية ليل الفريد الفصل السادس 6 - بقلم جنى ابراهيم

ليل صحت واستحمت وصلت ولبست قميص لونه أزرق وجيبة لونها أسود، ضيقة من فوق وواسعة من تحت، وعليها طرحة لونها أسود. وبعديها راحت تصحى مريم. ليل: يا مريم اصحي بقى، هنتاخر على معاد الشغل. نومك تقيل أوي. طب لو مصحتيش هكب عليكي مايه، يلا قومي. مريم بنوم: لا متكبّيش عليا مايه، خلاص هقوم. ليل: صباح الخير يا قمر. مريم: صباح النور يا قلبي. أنا هقوم استحى وأتوضى وأصلي وبعديها نفطر.

ليل: ماشي يا ستي. أنا هحضر شوية شغل على اللاب توب لحد ما تخلصي. مريم اتوضت وصلت ولبست قميص لونه أحمر وبنطلون أسود، وعليه طرحة لونها أسود. ليل: إيه القمر ده يا قلبي. مريم: انتي اللي قمر. ويلا بينا علشان نفطر، زمان فاطمة محضرة لنا أحلى فطار. ليل: ماشي يلا بينا. ليل: صباح الخير يا طنط. فاطمة: صباح النور يا عيون طنط. يلا علشان تفطري. مريم: يا عيني عليا، محدش معبرني ولا حتى قال لي صباح الخير.

فاطمة: صباح النور يا أختي. لسانك ده إيه؟ ها، مبيسكتش أبداً. مريم: والله يا ماما، لفيت على كل الدكاترة اللي في مصر، قالوا لي إن طول اللسان ده وراثة وملوش علاج. فاطمة: قصدك إيه يا قليلة الأدب؟ طب والله لأضربك. ليل: خلاص يا طنط، متضربيهش عشان خاطري. فاطمة: خلاص يا حبيبتي، مش هضربها عشان خاطرك. مريم وليلى فطروا، وكانت القعدة كلها هزار وضحك. ليل متعرفش ليه في الوقت ده افتكرت فريد وقعدتهم مع بعض، وابتسمت تلقائي.

فاطمة: الجميلة سرحانة في إيه؟ مريم: سبيها يا ماما، أحسن ما تلاقيها بتفكر في حبيب القلب. ليل بغضب: أنا مبفكرش فريد. أنا بفكر في حاجة تانية. مريم: اعترفتي بلسانك أهو. هو أنا قولت فريد؟ فاطمة: سبيها في حالها يا مريم، وملكيش دعوة بيها. مريم وليلى خلصوا فطار ونزلوا المستشفى. عند فريد. صحى الصبح، استحمى واتوضى وصلى، وبعديها نزل لأوضة جدته. فريد: صباح الخير يا أحلى وأجمل جدة في الدنيا.

كوثر: صباح النور يا حبيبي. يلا بينا نروح نفطر علشان أخواتك مستنينا تحت. فريد وكوثر نزلوا علشان يفطروا. فريد: صباح الخير يا حبايبي. فريدة وحمزة: صباح النور يا أبيه. فريد: فريدة، من بعد إذنك، متتوصليش مع معاذ تاني. فريدة: ليه يا أبيه؟ فريد بصرامة: اللي قولته يتنفذ. فريدة بحزن ودموع محبوسة: حاضر يا أبيه. فريد راح الشركة. فريد: هات لي قهوة سادة، وقول لبشمهندس معاذ يجي لي المكتب. السكرتيرة واسمها فيروز: حاضر يا فريد بيه.

فيروز مامتها ماتت وهي صغيرة، وباباها اتجوز واحدة تانية كانت بتعملها وحش، فراحت عاشت مع جدتها. وبعد ما جدتها ماتت اضطرت تشتغل علشان تكمل تعليمها. عيونها شبه اسمها، زرقا تميل للخضرة، وجسمها كيرفي، وشعرها بني وناعم وقصير، وهي محجبة. معاذ راح لفريد المكتب. معاذ بحزن: صباح الخير يا بشمهندس فريد. فريد: صباح النور يا معاذ. خلينا دلوقتي نتكلم من غير ألقاب. بما إنك بتحب أختي، ليه مدخلتش البيت من بابه؟

معاذ: أنا مش عايز أتجوّز. مش عايز أعمل في مراتى نفس اللي أبويا عمله مع أمي. فريد: لكن انت مش زي أبوك. وأنا هساعدك عشان تتخلص من العقدة اللي عندك. لكن لحد دلوقتي، ملكش دعوة بفريدة. معاذ بحزن: حاضر يا فريد، اللي انت عاوزه. لكن هتساعدني إزاي؟ فريد: هحجز لك عند دكتور نفساني. الحجز هيكون بكرة. معاذ: ماشي. فريد: يلا بينا نخلص ورق الصفقة قبل ما نروح المستشفى. معاذ بخبث: انت مش ملاحظ إن مروحك للمستشفى بقى كتير؟

ده انت لما اشتريتها قولت إنك مش هتروحها غير يومين بس. ده انت بقيت تخلص شغلك هنا بسرعة وتطلع على المستشفى. فريد بغضب: قصدك إيه يعني؟ معاذ بخبث: قصدي إنه فيه حاجة قمر وتكة كده بتروح عشانها المستشفى. فريد قام ضرب معاذ بوكس في وشه. فريد بغيرة: إياك أسمعك تقول على ليل كده. والله لأضربك يا معاذ لحد ما أشبعك ضرب. وغير كده، أنا بروح المستشفى عشان شغل، مش عشان ليل. معاذ بخبث: هو أنا قولت ليل؟

ما فيه كذا بنت قمر في المستشفى. لكن بان إن الصنارة غمزت. فريد: مش عارف يا معاذ. لما ببقى معاها بحس بفرحة كبيرة. بحس إني أعرفها من زمان. بحس إن أرواحنا اتلاقت من زمان. بحس إني محتاج تكون جنبي في كل وقت. معاذ: ما هو ده الحب. اسألني أنا. فريد بجدية: نرجع للشغل بقى. معاذ: ماشي يا كينج. معاذ وفريد خلصوا شغلهم وراحوا المستشفى. فريد بحب: ازيك يا ليل، عاملة إيه؟ ليل بخجل: الحمد لله يا بشمهندس فريد. وحضرتك عامل إيه؟

فريد: طول ما انتي كويسة، أنا هبقى كويس. دكتور محمد: محتاجين حضرتك في حاجة مهمة. فريد راح مع الدكتور محمد. ليل تليفونها رن. ليل: ازيك يا سليم. سليم: الحمد لله إن حظي حلو علشان رقمك لسه متغيرش. المهم، أنا كنت عايز أعزمك على الغدا، يعني بمناسبة صداقتنا. ليل: ماشي. لكن بمناسبة صداقتنا وبس. سليم: ماشي. العزومة هتبقى على الساعة ٧. موافقة؟ ليل: موافقة. : كنتي بتكلمي مين؟