رواية ليل الفريد الفصل الخامس 5 - بقلم جنى ابراهيم

عند فريد وليل في المستشفى. فريد: أولًا أنا عايز أشوف غرف العمليات. ليل: تمام، حضرتك اتفضل من هنا. ليل ورّت كل حاجة لفريد في المستشفى. فريد: ممكن أعزمك على غدا يعني كشكر على تعبك معايا. ليل: ولا تعب ولا حاجة يا بشمهندس. فريد: امم، ده معناه إنك موافقة أعزمك على الغدا. ليل بحياء: آه موافقة. فريد بفرحة مش عارف يفسر سببها: تمام، يلا بينا عشان متتأخريش على معاد الشغل، الاستراحة قربت تخلص. ليل: ماشي، يلا.

ليل وفريد راحوا يتغدوا في مطعم جنب المستشفى. ليل: ما كانش له لازمة تعب حضرتك. فريد: لا تعب ولا حاجة، مش أنا اللي هطبخ، وغير كده أنا قولتلك إنه شكر على تعبك معايا. ليل: شكرًا يا بشمهندس. فريد: بره المستشفى قولي فريد من غير بشمهندس. ليل: ماشي يافريد. مقاطعة: يا إيه؟ ليل بضحك: يا فريد. فريد: بالظبط كده. ليل وفريد اتغدوا وكانت القعدة كلها ضحك وهزار، وبعديها رجعوا المستشفى. وفريد راح لمالك ومعاذ.

فريد: إيه اللي أنتو بتقولوه ده. مالك: اصبر يا فريد وأنا هفهمك. فريد بغضب: تفهمني إيه، والله لأموتك في إيدي. فريد راح لمعاذ وضربه بوكس: كده تخون ثقتي فيك، ده أنا دخلتك بيتي. مالك بعد فريد عن معاذ: اهدى يا فريد، أنت فاهم غلط، معاذ بيحب أختك وعاوز يتجوزها، لكن أنت زي ما سمعت كده هو خايف من الجواز. فريد: كل ده أنا مليش دعوة بيه، يا أما يتجوز أختي يا ما يجيش أبدًا ولا يجي عندنا البيت. معاذ: تمام، أنا موافق.

فريد: أنا راجع البيت. فريد روح البيت وكان حاسس في الوقت ده إنه محتاج يتكلم مع ليل. عند فريدة. فريدة كانت قاعدة بتذاكر وفجأة افتكرت معاذ. فريدة: وحشتني يا معاذ، امتى بقى هتحس بيا وتحبني زي ما أنا ما بحبك، نفسي اليوم اللي تعترفلي بحبك فيه ييجي بقى. ليل قابلت مريم. مريم: تيجي تباتي عندي النهارده. ليل: ماشي. ليل ومريم راحوا بيت مريم. ليل: إزيك حضرتك يا طنط. فاطمة: الحمد لله يا قلب طنط، تعالوا ادخلوا وأنا هحضر لكم العشا.

مريم: ماشي يا بطوط، لكن بسرعة ها. فاطمة: بطوط إيه بطوط دي يا بت قلة أدب. مريم: بسرعة بقى يا بطوط، إحنا جعانين. مريم وليل غيروا لبسهم وأكلوا. ليل: أحكيلك بقى إيه اللي حصل مع سامي. مريم حكت كل حاجة لليل. ليل: يعني مالك هو اللي أنقذك من سامر. مريم: أيوه. ليل: أنا بقى فريد قالي أفرجه على المستشفى وبعديها عزمني على الغدا. مريم: أوه، لعبت معاك يا معلم. ليل: بطلي بقى يا مريم، طب تيجي نتفرج على فيلم وناكل فشار.

مريم: ماشي، يلا، لكن هنتفرج على فيلم إيه. ليل: اممم، ممكن نتفرج على فيلم حب البنات. مريم: يلا نروح نعمل فشار. ليل ومريم عملوا فشار وقعدوا يتفرجوا عليه، وبعديها ناموا.