رواية ليلة بكى فيها الحاضرون الفصل الحادي والعشرون 21 - بقلم محمد طه

خلاص ما بقاش فيه أي فرصة. راح لسهام وقرب منها، وقام ضاربها بالقلم وفضل يضرب فيها ضربات متتالية، بس مش بالقوة اللي تأذيها. لحد ما أخيراً سمعوا صوت من برا. "واحد من الاتنين اللي واقفين ع الباب... فيه ناس برا يا باشا ومعاهم سلاح." سليم بسرعة راح لبس قميصه، وراح لنعمان ومراته. "يلا يا باشا خد المدام واهربوا من الباب اللي ورا." "هدي وهيا بتنزف... فك البت دي وهاتها معانا."

"يا هانم البت دي متدربة كويس، ولو فكتها وراحت معاكم، هتعملكم مشاكل وإحتمال تأذيكم. أنا هساوم بيها الناس اللي برا لحد ما تبعدوا من هنا، وأوعد حضرتك يا هانم إني هجبهالك تحت رجليكي، تعملي فيها اللي إنتي عايزاه." سليم كمل: "يلا يا باشا مفيش وقت." سليم خرجهم وخرج اتنين من الرجالة، يمشوا مع الباشا. وتبقي أربع رجالة مركزين على الناس اللي برا. بعد كده سليم فك سهام وديلها سلاح، وبعدين وجه سلاحه على الرجالة اللي معاهم.

ولسه هيضرب عليهم، سهام رفعت إيده لفوق ومنعته. "مش عايزين دم." "بس دول رجالة الباشا، وأنا مليش سلطة عليهم." "أنا هتعامل معاهم، وإنت أهرب ورا الباشا، وأقنعه إن حصل ضرب نار والرجالة اللي كانوا معاك ماتوا، وإنت هربت بصعوبة. ومتنساش تبقي تخليني أعلمك لغة حركة الشفايف. يلا أهرب قبل ما حد من الرجالة ياخد باله." سليم خرج ورا الباشا وهو بيكلم نفسه. "لغة حركة الشفايف، دي اللي هيا إزاي دي. وهتعلمهاني إزاي، هتعلمهاني إزاي."

بعد كده سهام راحت للرجالة، وهما مش واخدين بالهم منها. راحت حاضنة واحد من ضهره بحيث إنها تتحامي فيه، وحطت المسدس في راسه. "وقفوا ضرب نار ونزلوا السلاح، كل واحد يرمي سلاحه ع الأرض." الرجالة رموا السلاح ع الأرض، وواقفين مصدومين. دي إتفكت إزاي، ونعمان باشا والمدام وسليم راحوا فين. "إرجعوا ورا وضُموا على بعض." واللي كانوا برا دخلوا سامر وعادل وضحي. "إنتي كويسة." "متقلقش تلميذتك." "هما راحوا فين."

"هربوا، بس هيروحوا مني فين." وتوجهت كلامها لعادل. "أي عربيات برا؟ فضي هوا عجلة واحدة من كل عربية." وتوجهت كلامها لضحي. "ضحي فتشيهم، أي تلفون أو سلاح خديه، وخذي كل السلاح اللي ع الأرض ده." "إحنا مش هنأذي حد فيكم، بس لو إتحركتوا ورانا هنأذيكم." ويبدأوا يتحركوا. سامر وسهام ركبوا العربية. وعادل ركب ورا ضحي الموتوسيكل وحضنها. "مبتصدق إنك تلاقي أي فرصة عشان تتحرش بيا." "أتحرش بيكي إيه؟ هوا إنتي فيكي حاجة؟

دا أنا باخد ذنوب عالفاضي." ضحي لبست الخوذة وضربته في وشه بالخوذة بغل. "طب كفر عن ذنوبك بقي، وإتلم عشان إحنا على طريق عام." عادل يتألم من الضربة. "يا بنت المجنونة." (في العربية سامر وسهام) سامر بص على وشها، لقى آثار ضرب. "إيه اللي في وشك ده؟ في حد مد إيده عليكي؟ "سليم." "وسليم يمد إيده عليكي ليه؟ ويضربك ليه؟ سهام تستفزه. "دا كان هيغتصبني." سامر داس فرامل ووقف العربية. "إنتي بتقولي إيه؟

"الباشا والهانم أمروا إنه يغتصبني، فقال يضربني ويضيع في وقت لحد ما إنتوا تيجوا. بس سليم دا ناقصه حاجات كتير في التدريب. أنا قولتله هعلمك لغة حركة الشفايف، دا لو كان فاهمها كنت قولتله يعمل إيه، وكنا خلصنا الليلة دي أنا وهوا، ومكناش تعبناكم." سامر بغضب وغيره. "تعلميه لغة حركة الشفايف؟ ويبقي عنيه وتركيزه على شفايفك؟ سهام تقرب منه. "إيه؟ بتغير عليا؟ وبعدين إنت نسيت إن أنا اللي علمتك اللغة دي."

سامر فرمل ووقف العربية وبكل غضب. "وما نسيتش اللي كان بيحصل وقت تعليمها." ويطلع مسدسه ويشد الأجزاء ويحطه في راسها. "حاجة واحدة عايز أعرفها قبل ما أقتلك... إزاي نعمان قدر يفكك."