رواية ليلة بكى فيها الحاضرون الفصل الخامس 5 - بقلم محمد طه

عند سهام في الفيلا. تأتي رسالة على تلفون سهام محتواها: (تم تشغيل الطرد بنجاح) ترسل له رسالة محتواها: (والغزالة تراود الذئب والخرفان) من داخل قصر في ولاية بريطانيا يسكنه العزيزي باشا، 50 سنة، ملياردير. يأتيه تلفون من السكرتيرة. العزيزي: أيوه يا نسرين. نسرين: فيه عندنا مشكلة يا باشا. العزيزي: خير يا نسرين. نسرين: البضاعة اللي في المخازن نصها فاسد وغير صالح للاستخدام. العزيزي: البضاعة كلها تدخل المفرمة وتهلك.

نسرين: يا باشا كده الخساير هتبقى كتير. نهلك النص الفاسد والنص التاني... العزيزي يقاطعها: البضاعة كلها تدخل المفرمة. ولو خلتيني أكرر كلامي تاني هدخلك المفرمة عشان أرتاح منك. نسرين: وأهون عليك يا باشا. العزيزي: بصفتك السكرتيرة تهوني، إنما بصفتك بنتي طبعاً ما تهونيش. استحملك وأمري لله. نسرين: عالعموم أنا جزيت كل اللي اتسبب في فساد البضاعة. العزيزي: الخصم اللي نزلته تخليه النص.

نسرين: يا بابا، انته كده هتخلي الموضوع ده يتكرر تاني وتالت. العزيزي: يا بابا اللي قولتيها دي فيها خصم. تحبي أنزلك خصم عشان ما تتكررش تاني وتالت. نسرين: لأ. خصم إيه، انته هتعوض خسارتك من مرتبي. بقولك إيه أخبار الدكتورة إيه؟ العزيزي: الدكتورة ما يتخافش عليها. يلا سلام. في الفيلا عند سهام. بعد ما غيرت الفستان ولبست حاجة من عند أخت سامر، بدأت تفتش في الفيلا.

شافت باب صغير وشكله غريب، فتحته طلع باب خروج عادي بيطلع للجنينة اللي في ضهر الفيلا. قعدت في الجنينة وجالها تلفون من رقم مجهول. فتحت الخط ومتكلمتش، سابته هو اللي يتكلم الأول. مجهول: انتي بتحفري قبرك بإيديكي. سهام تبتسم لأنها عرفت مين اللي بيتكلم: طب ما تيجي تساعدني. مجهول: حصل وبعتلك اللي يساعدك. سهام: اتأخر وأنا مستعجلة عايزة أنام. مجهول: أنا مستعجل أكتر منك. قوليلي نفسك في حاجة. سهام: نفسي في حاجتين.

مجهول: المفروض تبقى حاجة واحدة، بس أنا كريم واللي نفسك فيه هتلاقيه. سهام: ليه انته اللي ما جيتش تخلص؟ إيه خايف ولا كبرت وعجزت؟ والحاجة التانية، ليه كشفتلي نفسك؟ مش يمكن أطلع زي القطط بـ 7 أرواح. مجهول: أنا عملتها مرة وأخدت عهد على نفسي ما أكررهاش تاني. أما بالنسبة للقطة أم 7 أرواح، فالمرسال اللي أنا باعته يسوق كتيبة قدامه، مش هيعرف يفعص حشرة زيك. سهام بكل ثقة: أوعدك إن الحشرة دي هتعملك صداع انت مش قده.