رواية ليلة بكى فيها الحاضرون الفصل الرابع والعشرون 24 - بقلم محمد طه

وراح نعمان ومراته وراحوا ورا الفيلا. عند الباب الخلفي للفيلا، ونعمان نط من فوق الباب. ودخل الفيلا ومن غير ما سهام وضحى يحسوا بيه. يقدر يوصل للفلوس والدهب. وأخد منهم على قد ما قدر. وخرج من غير ما حد يشوفه. (في الفيلا) ضحى: طيب ليه يا ريسه؟ ما إحنا شايفينه، ليه سبناه يدخل ويخرج وياخد اللي هو عايزه؟ كنا مسكناه وقلعناه ملط هو كمان.

سهام بهدوء: اتعلمي يا ضحى. إحنا نكسب جولة، وهو يكسب جولة. بس الجولة اللي هو يكسبها، تبقى تحت عنينا وبرضانا. وبعدين هو دلوقتي زي المدبوح اللي بيفرفر، وإحنا لو دوسنا عليه روحه هتطلع، وإحنا مش عايزين روحه تطلع دلوقتي. المهم دلوقتي إحنا عايزين نجهز ونستعد لحفلة الليلة، عشان خلاص وقت الهزار خلص والجد هيبدأ. (عند سامر) (مخبأ سري) سامر: عادل، تروح تراقب الكباريه من بعيد لبعيد، وتخليك على إشارة من سهام أو ضحى.

عادل: أوامرك يا رياسة. أخيراً الحفلة هتبدأ. سامر: هتبدأ، وكل واحد هياخد حقه. والشحاتين هيرجعوا لأصلهم من تاني. واللّيلة هتكون أول ليلة في ليالي الحساب. اللّيلة ليلتك يا وليد باشا. عادل: أنا مش عارف يا رياسة، إنت كنت عايش وسط الناس دي إزاي. سامر: كنت أعمى، ما كنتش شايف غير الجانب الحلو اللي هما عايزيني أشوفه وبس. كنت طيب زيادة عن اللزوم. كنت فاكر إنهم بيحبوني، كنت مصدق إنهم أهلي. (في الفيلا) (سهام وضحى)

ضحى: مش كنتي تنامي شوية وتريحي نفسك، عشان الليلة هتبقى صباحي. سهام: ما فيش وقت للنوم يا ضحى. إنتي مش شايفة اللي بيحضر لنا في جيش؟ إحنا لازم نكون سابقين. ضحى: يا ريسة، ده لو حضر جيوش مش جيش واحد، ولا هيعرف يعمل حاجة. سهام: أوعي تستهيني بعدوك، ولازم تعملي له ألف حساب. واللي زي نعمان دا غبي وغشيم، والنوعية دي لازم تعملي لها ألف حساب وأنتي بتتعاملي معاها. ضحى: وربنا يا ريسة، إنتي مدرسة. سهام

وهيا بتدي لها التليفون: طب خدي اتصلي بعريس الليلة عشان يجهز لنا نفسه. (ضحى تاخد التليفون وتتصل بـ وليد) ضحى: وليد معاكي يا ريسة. سهام بدلع: ليده، فاضي الليلة؟ وليد لسه مش مجمع مين اللي بيتكلم: مين معايا؟ سهام بدلع: إيه يا ليده؟ إنت مش عزمتني على سهرة عندك في الكباريه؟ ولا إنت رجعت في كلامك؟ وليد بفرحة: لأ، رجعت في كلامي إيه؟

ده الكباريه وصاحب الكباريه تحت أمر حضرتك. ده الليلة هتتكتب في تاريخ الكباريه، ده حضرتك هتنورني. سهام بكل دلع: الليلة ليلتك يا ليده. وليد بسعادة: أنا هسهرك سهرة العمر، إنتي بس سيبِيلي نفسك. سهام بدلع: كل واحد يسيب للتاني نفسه، ونشوف مين اللي هيقدر عليا أنا يا ليده. وليد: أنا الليلة هتتفتح لي طاقة القدر، أنا الليلة هتولد من جديد. الليلة هتبقى من ليالي ألف ليلة وليلة.

سهام: إنت كلامك كتير يا ليده، وخد بالك أنا بصدع بسرعة، فمتخلينيش أصدع منك من أول ليلة. يلا بقى جهز نفسك واستعد، أنا عايزاك تفاجئني. باي يا ليده. (في بريطانيا) (قصر العزيزي باشا) نسرين: طمني يا بابا على سهام. العزيزي: اطمني، سامر وصل ليها وأنقذها. نسرين: الحمد لله. خليها بقى ترجع وهما يكملوا.

العزيزي: مش هينفع. يا يكملوا كلهم مع بعض، يا يرجعوا كلهم مع بعض. وخلاص بعد خطف سهام ما بقاش ينفع يرجعوا. لازم يكملوا ويخلصوا الليلة دي. نسرين: ربنا يستر بقى وتخلص على خير. أنا مش عارفة إزاي قلبك سابها تسافر في مهمة زي دي. العزيزي بثقة: سهام ما يتخافش عليها. نسرين: ولما هي ما يتخافش عليها، إزاي اتخطفت؟ العزيزي بغضب: موضوع خطفها ده مش هعديه لنعمان بالساهل. وعشان كده أنا هسافر له أحاسبه بنفسي.