رواية ليل وفرح الفصل التاسع 9 - بقلم فيروزة

خايف عليكي كأنك الحياة. أنتِ منقذي وملجأي وقت ضعفي. فرح: انت هتعمل إيه؟ ابعد عني، ابعد عني. المجهول وهو بيقرب منها وابتدى يقطع هدوم فرح وهي بتصرخ بأعلى صوت عندها. فرح: ياربي... ابعد عني أبوس إيدك... ياربي. ليل: اه قلبي وجعني أوي، حاسس إنه هيقف من كتر الوجع. يارب... أنا خايف على فرح. ليث: مالك يا ليل؟ في إيه؟ ليل: مفيش، أنا كويس. قول لي وائل عمل إيه في نمرة الفون، قدر يحدد مكان فرح ولا لأ؟

ليث: أيوه، حدد المكان. بس مالك؟ أنت مش كويس خلاص، مالك يا ابني في إيه؟ ليل: فين المكان ده؟ ليث: في مصنع مهجور على الطريق السريع. ليل: طيب يلا على هناك بسرعة. ليث: أهدى طيب وقول لي مالك؟ أنا قلقان عليك. ليل: أنا ماشي وأنا كويس، متخافش. ليث: استنى، أنا جاي معاك. ليل: يلا. هدي: الحقني يا معتز، أنا حامل. أعمل إيه؟ معتز: نزلي الحمل. نروح بكرة للدكتور. هدي: أنا مصدومة فيك بجد، إزاي أنزل الحمل؟

مش أنت قلت هتتجوزني أول ما المشروع بتاعك يكبر والشركة بتاعتك بقت واقفة على رجليها؟ إيه بقى اللي يمنعك من إنك تتجوزني؟ معتز: هههههه، هتفضلي طول عمرك غبية. أنتِ كنتِ مجرد تسلية ليه مش أكتر، وخلاص معتش تلزميني. هدي: أنت بتتكلم جد يا معتز ولا بتهزر؟ رد عليا وقول إنك بتهزر. رد عليا. وهي بتعيط. معتز: بقولك إيه، أنا مش ناقص وجع دماغ، فاهمة؟ ويلا برا من هنا. هدي: أنت بتقول إيه؟ رد عليا، مش أنا حبيبتك؟ مش أنت قلت لي كده؟

قربت منه بكل أمل عشان يقول لي إنه بيكذب عليا، بس للأسف ما كانش بيكذب. معتز قام وجرني على برا. هدي: سيبني يا معتز، والله لعرفك مين هي هدي هانم. أنت نسيت نفسك يا سواق أنت؟ كنت مجرد سواق الهانم. معتز: كفاية غرور بقى، ارحمي نفسك ويلا برا، مش عايز أشوف وشك تاني، فاهمة؟ زقني برا وأنا الدموع في عيني. هعمل إيه أنا؟ ضيعت نفسي. أنا عملت إيه في نفسي يارب؟ منصور لو عرف هيموتني. ورد: الفون بيرن يا ماما، ده الكابتن يمكن عرف حاجة.

ماما زينب: يلا ردي يا قلبي بسرعة. ورد: ألو... ليث: أيوه يا ورد. ورد: عملت إيه يا كابتن؟ طمني. ليث: خير إن شاء الله. إحنا عرفنا المكان ورايحين دلوقتي على هناك. ورد: الحمد لله. أنا كنت هموت من الخوف. ليث: بعد الشر عليكي يا قلبي، ماتخفيش. ورد: قلبك... ها؟ بتقول إيه؟ ليث: هههه، ضحكتيني في وقت ماينفعش فيه، بس أيوه قلبي. ورد بتحاول تغير الموضوع: طمنّي بس على فرح.

ليث: عارف إنك بتوهي، بس هعديها المرة دي. أيوه، رايحين ولو في أي خبر هكلمك أطمنك. ورد: طيب، خد بالك من نفسك. سلام. ليث: سلام. ماما زينب: قال لك إيه يا ورد؟ ورد: بيقول إنهم عرفوا المكان ورايحين دلوقتي. ماما زينب: الحمد لله يارب. أنا هقوم أصلي وأدعي ربنا. ورد: وأنا كمان. يارب. منصور: أيوه كده، تصدق حبيت دماغك. فرح: يارب رحمتك يارب، مليش غيرك.

فرح أصبح اللي بيغطي جسمها القليل من الملابس، بس من اللي بيعمله فيها الوحش البشري ده. فرح: ابعد عني، ابعد حرام عليك، ابعد عني، ابعد عني. كل ده وفرح بتصرخ. فجأة فرح سكتت من.