رواية ليلة رأس السنة الفصل الحادي عشر 11 - بقلم جنى حمادة

ملك: اتلمي وعيشي يا بنت بطني وحاولي تصلحي اللي انكسر. عند شهد. عمالة تعيط وهي بتصلي وبتدعي ربنا إنه يفك كربها ويريح بالها ويعوضها خير على اللي حصل ويصبر قلبها على فراق أمها. في صباح يوم جديد. شهد: صباح الخير يا ماما الحاجة. كانت نازلة شهد ومعاها شنطة في إيدها فيها هدومها. الحاجة: خبر إيه يا شهد، إنتي هتخدي على كلام ملك ولا إيه؟ دي بت مخها طاجج. عجلِ يا بتي، هتروحي فين وإنتي ملكيش حد يا بنتي؟ اغزي الشيطان.

نزل زين من على السلم. زين: خبر إيه يا دكتورة؟ البيت بيتك وإنتي أكده بتعملي مشاكل. لو مشيتي يبقى ملك جابلك جولتي إيه؟ وصلها زين المستشفى، وشهد نسيت كيس كان معاها. دخل زين بهيبته المستشفى وكل البنات عمالة تبص عليه. سأل فين دكتورة شهد في الدور الثاني. حضرت بنت من الاستقبال: إيه الجمر ده؟ أول مرة حد يسأل عليها، يا ترى مين ده؟ بنت تانية: ده زين بيه من أعيان الصعيد، حد ما يعرفوش. بنت الاستقبال: أول مرة أشوفه، ده حلو جوي.

فضل ماشي في الممر وشاف شهد واقفة مع واحد، اتضايق جداً والغيرة أكلت قلبه وحس بنار في صدره. شهد بعفوية: زين، خير إيه جابك؟ زين: نسيتي الكيس بتاعك. شهد: تعبت نفسك، شكراً. كنت سبتها في الاستقبال وهما كانوا جابوها ليا. زين: مين ده يا شهد؟ شهد: ده دكتور سعد زميلي هنا. دكتور سعد، ده زين. دكتور سعد: أهلاً وسهلاً، زين باشا غني عن التعريف. زين: أهلاً يا دكتور، أهلاً بحضرتك. عن إذنكم، ياريت متتأخريش بالليل. شهد: حاضر.

في مكان تاني. ملك: آخ، أنا زهجت خالص. مش عارفة من إيه هرتاح. حاجة تخنُج. أما أقوم أنزل تحت. ملك: صباح الخير يا مرت عمي. الحاجة بدر: صباح الخير يا بتي. ملك: يا رزج، يا زفت، تعالي اهنه. الحاجة بدر: خبر إيه يا بتي؟ عيب أكده، دي جد أمك. ملك: جرى إيه يا مرت عمي؟ هو أنا كل ما أكلم حد يقول لي كأني وماني؟ هو أنا مليش كلمة هنا؟ إني صاحبة الكلمة الجولة والأخيرة هنا.

الحاجة بدر: الزمي حدودك يا ملك، عيب. مفيش حد صاحب البيت هنا. الكلمة الجولة والأخيرة لولدي، صاحب الدار دي كلها. سامعة؟ ويجعل حسه في الدنيا دايماً يارب. وإنتي لما تعوزي حاجة، اخدمي نفسك بنفسك. سامعة عاد؟ ومش عايزة كتر حديث ماسخ. عند زين في الشركة. زين: إسراء، إسراء. إسراء السكرتيرة: نعم يا زين بيه. زين: عايز تليفون لآنسة أحدث حاجة، هاتيه ليا. إسراء: حاضر يا زين بيه. عند مالك. مالك: إيه أخبار المناقصة؟ مين داخل معانا؟

لازم نقدم مناقصة جامدة ومزينية مفتوحة. لازم أكسب المناقصة، مش عايز حد غيري. فاهم يا أسر؟ كفاية المنقصتين اللي فاتوا. أسر: حاضر يا مالك. إنت بس خليك معايا وركز الأيام دي. مالك: طب تمام، فين الورق اللي عايز إمضتي؟ هاتيه، وخلي السكرتيرة الزفت دي تجيب قهوة، لحسن دماغي هتنفجر. أسر: خف سهر وشرب يا مالك، كفاية لحد كده يا صاحبي. عند زين. إسراء: زين بيه، اتفضل التليفون. زين: شكراً يا إسراء.

إسراء: أستاذ محمود المحامي برة عايز حضرتك. زين: خليه يدخل. إسراء: أستاذ محمود، اتفضل. محمود: السلام عليكم، إزيك يا زين بيه؟ عامل إيه؟ كله بخير الحمد لله. زين: الحمد لله. ها، إيه الأخبار؟ المحامي: أنا بحاول أجمع كل السيولة اللي إنت محتاجها الفترة اللي جاية. زين: مش عايزك تضغط على العملاء، إنت خبير. كيف حال البلد والناس لازما تعذر.

المحامي: فاهم وعارف، بس لازم أضغط عشان أقدر أكمل السيولة اللي إحنا محتاجينها للفترة دي، وإلا هيبقى فيه تقصير. زين: اللي يديك خده، واللي مديهولكش متضغطش. فاهم يا أستاذ محمود؟ المحامي: حاضر يا زين بيه. استأذن أنا. على فكرة، كنا محتاجينك أول الشهر في الشركة الأم في القاهرة، في ورق يامه محتاج إمضتك. زين: طب ابعته مع جاسر، أكيد نفسه ييجي البلد. أكيد أهله وحشوه. أنا متجول عليه الفترة دي وبقاله كام شهر معوضش أهله.

المحامي: حاضر. وانت مش هتيجي ليه؟ زين: مش فاضي. في المستشفى عند شهد. دكتور سعد: شهد، بجد إنتي شاطرة جداً. ليكي مستقبل جميل. شهد بكسوف: شكراً يا دكتور. أنا أفتخر إني تلميذتك وبتعلم على إيدك. سعد: أنا اللي أفتخر إني عندي تلميذة زيك. ربنا يوفقك. في القصر عند الحاجة. الحاجة بدر: البت شهد غابت جوي يا أم رزج. والله بقيت أقلق عليها كيف بت من بناتي. بجد هي بنت حلال، ربنا يسعدها يارب.

أم رزج: آه يا حاجة، دي طيبة جوي. مش كان أخدها سي زين بدل العجربة ملك. الحاجة بدر: عندكِ حق، بس نجول إيه؟ كله جسمة ونصيب. شهد: السلام عليكم. الحاجة: وعليكم السلام يا بتي. شهد: عاملة إيه يا حجة؟ الحاجة: بخير يا بتي، وإنتي كيفك؟ شهد: بخير يا ماما الحاجة. الحاجة: طب يا بتي، اطلعي غيري عقبال ما ييجي زين ونتعشى سوا. شهد: حاضر يا ماما الحاجة. شهد وهي طالعة على السلم. ملك: أهلاً ياه، لسه جاعدة؟ ممشيتيش إنتي؟ إيه مفيش دم؟

إني صاحبة البيت وبقولك مش عيزاكي فيه. خلي عندك شوية احمر وحسي على دمك. جه زين من وراها: صاحبة بيت مين إنتي هنا؟ زيك زي أم رزج، بل بالعكس أم رزج ليها أكتر منكِ. إنتي كيفك كيف الكرسي ملوش أي لازمة، شاغلة مكان على الفاضي. وأنا حذرتك قبل كده، ملكيش صالح بالدكتورة. سمعت ملك بغيظ: حاضر يا زين. ★★★★★★★★★★★★ عند ملك. بتكلم أمها في التليفون.

ملك: يا ماما، بجد أنا مش قادرة أستحمل ده. فظيع، ده حتى البت اللي جايبها مش عارفة منين. عليا يا ماما، أنا خلاص همشي واللي يحصل يحصل. أمها: لحد إمتى هتفضلي كده؟ بقولك أبوكي حالف عليا يمين طلاق يوم ما تعودي يوم طلاقي. إنتي عايزاه الناس تشمت فينا. ملك: خلاص، أنا زهقت. إنتي مش شايفة بيعملوني كيف الخدامة؟ لحد إمتى؟ أمها: إنتي السبب في كل حاجة. ربنا ينتقم منك. ربنا ينتقم منك. عند زين. زين: عمي، عامل إيه؟

عمه: بخير يا ولدي، كيفك؟ فيك الخير تسأل عليا بعد كل اللي بنتي عملته فيك؟ وشي منك في الأرض يا ولدي. زين: متقولش كده يا عمي، إنت كيف أبويا. ربنا عالم. عمه: عارف يا ولدي، عارف. زين: اعذرني يا عمي على إني طلقتها غصب عني، يعني اللي بتك عملته ميتتغفرش. عمه: عندك حق يا ولدي، بس ياما نفسي أعرف غلطت مع مين؟ بنت الـ... عمه: وأنا أجيبه وأشرب من دمه وأخليه عبرة، عبرة.

زين: متشلش هم يا عمي، بكرة كل حاجة تبان، وأنا هعرف كل حاجة. اطمن يا عمي ومتشلش هم. ربنا موجود. عمه بتنهيدة: ياربي.