رواية ليلة رأس السنة الفصل الثاني عشر 12 - بقلم جنى حمادة

دكتور عزت: هاه خلاص هنسافر بكرة الصبح. السواق جاي عند الفيلا الساعة ٦. ياريت تبلغي علا عشان تجهز والسواق يجي ياخدها. رنا: حاضر يا بابا. دكتور عزت: مش عايز تأخير. أنا سمحتلك إنك تسافري عشان ترفعي معنويات شهد. لولا كده ما كنتش خليتك تسافري بدري. رنا: عارفة يا بابا وأنا فخورة بيك دايماً عشان انت أحن وأطيب قلب في الدنيا. ربنا يخليك ليا. في الصباح في فيلا دكتور عزت....... دكتور عزت: مع السلامة يا رنا. خدي بالك من نفسك.

رنا: حاضر يا بابا. مع السلامة. مع السلامة يا ماما. مامت رنا: مع السلامة يا حبيبتي. وصلت العربية عند علا. علا: مع السلامة يا ماما. أم علا: مع السلامة يا علا. خدي بالك من نفسك. وسلميلي على شهد. علا: حاضر. يلا مع السلامة. في العربية. علا: إزيك يا رنا؟ عاملة إيه؟ رنا: بخير. وانتي يا علا؟ ******************** في أسيوط في قصر زين......... عند الحاجة.........

الحاجة: يلا يا أم رُزق جهزي كل اللي قولتلك عليه. يلا همي الناس زمانهم على وصول. أم رُزق: حاضر يا حاجة. ملك: مالك يا حجة؟ فيه إيه؟ جاينا ضيوف ولا إيه؟ الحاجة بدر: آه يا بنتي. صحبات شهد جايين يشوفوها ويقعدوا معاها كام يوم. ملك: هو ده اللي ناقص. مش كفاية هي، لآ وكمان صحباتها. الحاجة: عيب كده. كفاية كده حديت ماسخ. زين: وبعدهالك يا ملك. مش ناوية تجبيها البر ولا إيه؟

ملك: لآ يا زين. مش قصدي. سامحني. سامحني إني آسفة. مش ها أعمل حاجة تاني. شهد: صباح الخير عليكم كلكم. كلهم ما عدا ملك: صباح النور. الحاجة: يلا يا بنتي عشان تستقبلي ضيوفك. شهد: بجد مش عارفة أقول إيه. خايفة أكون بتقل عليكم. مش كفاية أنا، لآ وكمان صحابي. زين: وبعدين معاكي يا دكتورة. إنتي صاحبة مكان. مش غريبة. البيت بيتك. ابتسمت شهد لزين. قلبه دق بطريقة غريبة. ابتسم زين. زين: إيه يا حاجة؟ فين الفطور؟

بعد كام ساعة. جت رنا وعلا في القصر. أم رُزق: يا أهلاً يا أهلاً يا مرحبا يا مرحبا. ست شهد يا ست شهد. شهد: خير يا أم رُزق؟ أم رُزق: صحباتك جم. شهد: بجد؟ أنا نازلة حالا. الحاجة: أهلاً وسهلاً. نورتوا البلد كلها. رنا وعلا: أهلاً يا طنط. شهد: رنا! علا! حبايبي. وسلموا على شهد بكل حب. شهد: عاملين إيه يا رنا إنتي وعلا؟ رنا: بخير. مش ناقص غير وجودك معانا. دخل زين بكل وسامته وهيبته. زين: أهلاً وسهلاً. رنا وعلا: أهلاً بحضرتك.

علا: إيه يا شهد القمر؟ إيه ده؟ هو فيه كده؟ يخرابي ده الواد قمر. هو في الصعيد في كده؟ أصلك قاعدة مبلطة. شهد: هههههه. زي ما انتي عمرك ما هتتغيري أبدا. زين: يلا يا حاجة فين الوكل؟ زمان الجماعة جاعوا من السكة. علا: آه جوعنا قوي يا أستاذ والله. الحاجة: يلا يلا. كله على السفرة. يا أم رُزق نادي على ملك تيجي تقعد معانا. أم رُزق: حاضر. الكل متجمع على السفرة. علا: إيه كل ده يا طنط؟ تعبناكي معانا.

الحاجة: لآ يا بنتي. تعبك راحة. تعالي إنتي بس كل يوم تنوري. علا: لآ على كده أنا هسكن هنا. كلهم ضحكوا على علا. رنا: عاملة إيه يا شهد في المستشفى مع دكتور محمد؟ شهد: الحمد لله يا رنا. كله كويس. رنا: هو بيشكر فيكي. بيقول لبابا بكرة شهد تبقى دكتورة شاطرة كبيرة. شهد: تسلمي. هو اللي دكتور جميل والشغل معاه ممتع جدا. غضب زين من كلام شهد على الدكتور. زين بحدة: أم رُزق. هاتلي القهوة على المكتب. بعد إذنكم. البيت بيتكم.

ملك: وإنتوا كمان زي شهد كده؟ علا: آه. إحنا كنا في كلية واحدة. بس منه لله اللي كان السبب فرقنا عن بعض. ملك: ومين اللي كان السبب؟ شهد: مفيش حاجة يا ملك. ده موضوع وراح لحاله. يلا يا بنات على فوق ارتاحوا شوية. بعد إذنك يا ماما الحاجة. الحاجة: إذنك معاكي. ملك في نفسها: يا ترى مخبية إيه يا ست شهد؟ مبقاش ملك إلا لما أعرف. أما مشيتك مبقاش أنا ملك. ******************************** عند شهد في الأوضة.

علا: إيه يا بت العز ده كله؟ رنا: يابت اتلمي. فضحتنا. يقولوا علينا إيه؟ شهد: هههههه. هما لسة هيقولوا؟ ما قالوا وخلاص. البنات: هههههه. شهد: وحشتوني قوي يا بنات. القاعدة من غيركم وحشة. رنا: معلش. كله هيعدي. قولي يارب. شهد: يارب. مليش غيره. ملك في نفسها: هو إيه اللي هيعدي؟ شكلك حكايتك حكاية يا ست شهد. ************** عند زين........ زين في نفسه: مالك يا زين؟ فيك إيه؟ أعجل كده. دي أمانة. وأنا عمرك ما خنت الأمانة.

الحاجة خبطت ودخلت. الحاجة: زين يا ولدي. انت فاضي؟ زين: تعالي يا حاجة. ادخلي. الحاجة: بجولك يا ولدي. ما تاخد مراتك وتروح تغير جو شوية في أي حتة. زين: بتجولي إيه يا حاجة؟ مرات مين؟ إنتي ناسيه ولا إيه؟ الحاجة: يا ولدي أبداً. معاها حياة جديدة. هي غلطت وعرفت غلطها. ومهما كان دي بت عمك وأختك. عندهم. وأنا شايفة البت غلطت يا ولدي وندمت. زين: بتجولي إيه بس يا حاجة؟

استحالة. دي واحدة ولا عندها دين ولا أخلاق. إزاي أأمنها على شرفي وولادي ومالي؟ استحالة يا أمي. إنتي قلبك أبيض. فاكرة الناس كلها زيك. لآ يا أمي. دي عجربة. بكرة تلدغ وتجري. الحاجة: يا ولدي. نفسي أفرح بيك وبولادك قبل ما أقابل وجه كريم. زين: بعد الشر عليكي يا أمي. ربنا يديكِ الصحة وطولت العمر. الحاجة: العمر بيجري يا ولدي. وإنت بتكبر. كان مشكلتك إخواتك البنات. وأهم اتجوزوا بجالهم فترة. شوف حالك يا ولدي. زين: حاضر يا أمي.

الحاجة: يريح بالك يا ولدي. تصبح على خير. زين: تلاقي الخير. ****************** عند شهد......... علا: بس إيه يا بت يا شهد؟ المزة اللي تحت دي؟ إيه ده؟ قمر يا بت. مش لازم تفوتيه. مال وجمال. شهد: يا علا اتنيلى. أنا في إيه ولا في إيه؟ وبعدين ده متجوز. ملك اللي كانت قاعدة معانا. صحيح يا علا. أوعي تغلطي معاها في حاجة. هي متعرفش عني حاجة خالص. ومش طايقة وجودي هنا.

علا: شكلها يا بت يا شهد غيرانة منك على جوزها. الصراحة قمر. لو أنا منها. يلهوي! ما خليتكِ تقعدي ساعة معاه. شهد: هههههه. طب يلا كفاية كده عشان ما تتتعبيش من السفر. رنا: عايزة أنام. يلا يا شهد طفي النور. دي فاضية. شهد: طب تصبحوا على خير. علا: رايحة فين؟ شهد: على أوضتي. علا: يا حلاوة! أنا شايفة البيت بيتك. شهد حدفتها بالمخدة: اتخمدي إنتي. إيه مبتتغيريش.

خرجت شهد من عندهم راحت الجنينة. ودي أول مرة تقعد في الجنينة من ساعت ما جت. وهي كانت بتكسف. قعدت على كرسي في الجنينة. شهد: الجو حلو قوي. اتنهدت بصوت عالي. لقت صوت من وراها. زين: مالك يا دكتورة؟ إيه اللي مسهرك؟ شهد: زين! خضتني. زين: إني آسف. شهد: لآ ولا يهمك. أصل أول مرة أقعد في الجنينة. بس تعرف أنا كان نفسي آجي كتير. الجنينة تحفة. زين: طب أستأذن أنا. وأسيبك تستمتعي بالجو الحلو. شهد: لآ أبداً. خليك. وجودك بيطمني.

زين بعفوية: بجد؟ شهد ابتسمت: بجد. أنا مش عارفة أرد جميلك إزاي. إنك صدقتني ووقفت جنبي ومتخلتش عني. كان واحد تاني قال أنا مالي. بس إنت إنسان شهم ونبيل وجدع. فرح زين بكلامها جداً وحس إنه عايز يحضنها. زين: متقوليش كده. دي أقل حاجة. إنتي بنت ناس. وكان باين على شكلك. وزي مالك ما يعرفش يعني إيه بنت ناس. كل همه اللي عايزها وبس. شهد: بجد يا زين؟ أنا مش عارفة. هو عايز إيه مني؟ إيه؟

تعرف أنا قلبي وجعني قوي قوي. مش عارفة أفوق. مش قادرة أستوعب ليه يحصل معايا كده؟ ليه؟ أنا عملت إيه لكل ده؟ كل ده عشان دافعت عن نفسي؟ ليه دايماً الغلبان مداس عليه قوي؟ وبجد نفسي أنتقم منه. لأنه دمر حياتي. ضيع مستقبلي. حرمني من أغلى حاجة في حياتي. أمي. وقعدت تعيط بحرقة.

زين: خلاص يا دكتورة. ربنا موجود. وإنتي أقوى منه بكتير. خلاص كفاية بوكا. كل واحد جواه وجع. بس بيختلف. وجعك عن وجعي. لأن كل واحد وليه ظروف. فسبيها على الله. شهد: ونعم بالله. طب إنت وجعك إيه؟ مالك؟ زين بتنهيدة: يعني مش انتي عارفة؟ يلا أسيبك تطلعي لأصحابك. تصبحي على خير. شهد: تلاقي الخير.