رواية ليلة يزن الفصل الأول 1 - بقلم شهد احمد

كنت راجعة البيت مبسوطة بسبب خبر حملي. قولت أروح البيت وأعمل مفاجأة لجوزي وأقوله إني حامل. ومن حسن حظي لقيته في البيت. أول ما دخلت قربت منه وحضنته. وقولتله بصوت هامس وكله رقة وأنا مبسوطة: حبيبي أنا حامل وهيكون عندنا بيبي صغير وهنكون بابا وماما. ضحكت، واستنيت جوزي يديني أي رد فعل بس مفيش. قولت يمكن مصدوم من الفرحة وأنه هيكون عندنا بيبي. بس فجأة لقيته زقني وبعدني عنه وقالي: البيبي ده لازم ينزل. برقت من الصدمة وقولت:

انت بتقول إيه يايزن؟ ده ابننا ونتيجة لحبنا وعلاقتنا مع بعض. يزن: وأنا قولت إن البيبي ده لازم ينزل. ليلة: هو الموضوع جد بقى؟ لأ مش هينزل يايزن. يزن: يبقى فيها طلاقك ياليلة، وانتي قرري. أنا وعلاقتنا مع بعض ولا البيبي اللي في بطنك. ليلة بدموع: ليه كده يايزن؟ انت ليه مش عايز يكون عندنا أولاد؟ يزن: علشان مينفعش ياليلة يكون عندي أولاد منك. ليلة بعصبية: ليه يايزن؟ فهمني ليه مش عايز أولاد مني؟ يزن:

علشان أنا متجوز ياليلة وعندي تؤام من مراتي الأولى وعندهم 3 سنين. ياليلة وأنا كنت متجوزك كده تقضية مزاج حاجة يعني تروق عليا. علشان بعد ما مراتي خلفت تميم وتيمام بقت مشغولة بيهم طول الوقت وسيباني كده لوحدي وبقت مش مهتمية بيا زي الأول وكل حاجة عندها الأولاد وبس. فأنا مش عايز تكون علاقتنا كده ولا عايز أولاد. خلي علاقتنا كلها حب واهتمام وبلاش أولاد، علشان لو خلفتي هتعملي زيها ياليلة. ليلة:

كنت بسمع وأنا مصدومة. يعني إيه متجوز؟ يعني إيه مخلف؟ يعني إيه أولاده عندهم 3 سنين؟ وأنا كنت فين ومعرفش ليه؟ وليه مقلش إنه متجوز؟ أنا لو كنت أعرف إنه متجوز كنت مستحيل أوافق عليه. ليه يخدعني بالشكل ده؟ يزن: أنا عارف إنك مصدومة بس دي الحقيقة ولازم تتقبليها. وتنزلي الولد اللي في بطنك ده علشان نعرف نكمل مع بعض. ليلة: