رواية ليس العمر حاجز الفصل العاشر 10 - بقلم جنات بدر

قالت جبريه بغضب: أيوه أنا السبب ولو طولت، هكسر رقبتك. قال يونس: أمي. تصدمت جبريه من صوت يونس، الدم وقف في عروقه. بلعت ريقها بتوتر ومش عارفه تقول إيه. قال يونس: أمي، واقفة ليه؟ اقعدي. قالت جبريه بتوتر: لا، أنا ماشية. كنت جاية أطمن على جنه بس. ابتسم يونس وأخذ جنه في حضنه وقال: جنه زي الفل، اطمني. غمزت ليها جنه بمعنى إنك خوفتي. بصت ليها جبريه بغضب وخرجت. وبعدين دخلوا الكل يطمن على جنه. عايشه حضنتها وقالت:

طمنيني عليكي يا قلبي، حصرتي قلبي عليكي. ابتسمت جنه وقالت: أنا الحمدلله بخير، متقلقيش عليا. قال حسن: الحمدلله إنك بخير يا بتي، ما عليكي غير العافية. ابتسمت جنه وقالت: ربنا يخليك لينا يا جدي. حضنتها سهر وبقت تعيط وتقول: سلامتك يا روحي، ألف السلامة عليكي. إن شاء الله عدوينك. ابتسمت جنه وقالت: اهدّي يا حبيبتي، أنا كويسة الحمدلله بخير. قالت نواره: سلامتك يا جنه، ربنا يعجلك الشفاء. والكل تمنى ليها الشفاء العاجل وخرجوا.

جاب يونس الأكل على السرير وقال: يلاه عشان تاكلي. وبدأ يأكلها بإيديه. ابتسمت جنه بحب وقالت: أنا رجلي المكسورة، أكيد هعرف آكل بإيدي. ضحك يونس وقال: بس أنا حابب أوكلك بإيدي، ولا مينفعش ولا مش من حقي؟ ابتسمت وقالت: ينفع ونص، وأنا كلي ملكك وحقك. بص ليها برغبة وتنهد بصوت مسموع وقال: يوبوي، أعمل إيه فيكي دلوقتي. ضحكت جنه وقالت ببراءة: أنا كلمتك ولا قربت منك. ضحك يونس وقال: يصبر أيوب. في غرفة جبريه، كانت

رايحة جاية بغضب وقالت: بقى أنا، بت عايشه تمسك عليا ذلة؟ وكمان دلوقتي بتنافسني؟ طيب شوفي هعمل إيه. عدة الأيام ويونس بيهتم بجنه، وكل واحد حياته ماشية تمام. خلص الشهر والنهارده يوم زيارة الدكتور. كان يونس بيجهز جنه وقال: بس كده، كله تمام. ابتسمت جنه وقالت بحب: بحبك. بص ليها يونس بهيمان وقال: وأنا بعشقك ياروحي. يلاه بقى عشان نشوف الجبس ده هيتفك النهارده ولا إيه. وحاملها بين إديه. قالت جنه بزهق:

ياريت يكون النهارده عشان أنا زهقت بجد من قلة الحركة. غمز ليها بطرف عينه وقال: فكي الجبس وأنا هخليكي تتحركي براحتك. ضر.بته على صدره وقالت: سا.فل! أنا قصدي مش متعودة على القعدة، زهقت. قالت سهر: أهو عصفير الحب نزلوا. ابتسمت عايشه وقالت: ربنا يخليهم لبعض. قالت سهر: حد قدك يا جنه، انتي محظوظة عشان ربنا كرمك بيونس. شوفي باقي لك شهر متجبس وهو جنبك وبيعتني بيكي. كيف العيلة الصغيرة. وضعت رأسها على صدره وقالت:

يونس أجمل هدايا ربنا ليا، ربنا يخليه ليا وميحرمنيش منه. وبعدين بصت لي جبريه وقالت بكيد: شكراً يا مرات عمي عشان جبتيلي أحسن وأحن رجل في الدنيا. بصت ليها جبريه بحقد وقالت: مفيش داعي للشكر، انتي تستاهلي كل خير يا جنه. قالت بكيد: ويونس هو الخير والسعادة لحياتي وقلبي. قالت عايشه: خلاص بقى، العين تاخد فيكم وبعدين تتناكد. وضحك يونس وقال: سيبيها يا مرات عمي تدلع عشان ده آخر يوم. يلاه عن إذنكم. قال رضوان: لحظة، هاجي معاكم.

قال يونس: لا، خليك. ملهوش لزوم. خرجوا جنه ويونس. ابتسمت عايشه وقالت: ربنا يكفيكم شر العين والحسد يارب ويسعدكم ويرزقكم الذرية الصالحة يارب. حضنها رضوان وقال: آمين. وصلوا المستشفى والدكتور فك الجبس. وبقت كويسة. خرجت هي ويونس وهي ماشية على رجلها. وكانت ماشية تطنطط زي الأطفال وتلف حولين نفسها وتقول: يوبوي، أنا بمشي! مش مصدقة! أنا نسيت المشي في الشهر ده. ضحك يونس وقال: خلاص، الناس بتبص عليكي. هقولوا عنك مجنونة.

ضحكت وقالت: أنا مجنونة بحبك. تمسكها من إيدها وقال: انتي ملاحظة من ساعة ما وقعتي وانتي بقيتي رومانسية زيادة. قالت بزعل: يعني مش عاجبك؟ خلاص أنا هرجع جنه القديمة. قال: أنا بموت فيكي بكل الحالات ياروحي، بس بعشقك وانتي كده رومانسية وبتعبري عن حبك ليا. ابتسمت وقالت: يونس. بص ليها بحب وقال: قلب يونس وعمره. ابتسمت وقالت وهمس: بشويش على قلبي، قلبي الصغير لا يتحمل. ضحك وحط إيده على رقبته وقال:

طيب يلاه نرجع البيت بسرعة يامه، هنتمسك في الشارع بفعل فاضح. وخدها وركبوا العربية… بعد مرور شهر كمان. جنه رجعت لنفس النقطة، كانت ماسكة في إيدها تست الحمل. قال يونس بزعل: بلاش يا جنه، بلاش. قالت بإصرار: المرة دي بس يا يونس، آخر مرة عشان خاطري. تنهد يونس وقال: براحتك يا جنه، اللي انتي شايفاه. دخلت جنه الحمام وهي متوترة. وبعد مرور 10 دقايق، خرجت جنه و…