رواية ليس العمر حاجز الفصل الحادي عشر 11 - بقلم جنات بدر

دخلت جنه الحمام وهي متوترة. بعد مرور 10 دقائق، خرجت جنه. كان يونس قاعد على السرير وباصص للفراغ. قعدت جنبه على السرير وقربت منه. طبعت قبله خفيفة على خده الشمال وقالت بدموع وسعادة لا توصف: "يونس، أنا حامل." خدها في حضنه وحوّط رقبتها بذراعه وطبع قبلة على شعرها وقال: "الحمد لله، الحمد لله." رفعت عينيها ليه وبصت في عيونه وقالت: "يونس، أنا مبسوطة قوي مش مصدقة إنو أنا هكون أم." ابتسم على سعادتها وقال:

"ألف مبروك يا قلبي، ربنا يتمملك على خير." تنهد وقال: "انتي عارفة إيه أكتر حاجة مفرحاني؟ بصت ليه بإبتسامة وقالت: "إيه؟ قال: "الفرحة اللي شايفة في عينيك دي خلتني أسعد إنسان في الدنيا. ربنا يسعدك وأشوفك ديما مبسوطة." حوطت إيديها على وسطه وقالت: "أنا أسعد إنسانة عشان أنت معايا وفي حياتي." وبعدين وقفت وقالت: "يلاه ننزل نخبر الكل، أكيد الكل هينبسط." مسك إيدها وقال:

"مش دلوقتي، الوقت اتأخر، خليها لي الصبح. واه صحيح، مفيش شغل في البيت ومفيش مجهود." قالت: "بس يا يونس." قال بنبرة أمر: "جنه، أنا قولت مفيش شغل في البيت ومفيش قيام بدري تاني، انتي لازمك راحة على الأقل 3 شهور الأولانية." حضنته جنه وقالت: "طيب، يلاه ننام وبكرة يحلها حال." مسح على ضهرها وقال: "طيب." قالت جنه بعدم فهم: "إيه؟ قال يونس: "عايز أبركلك بطريقتي." وبعدين بصّلها بـ رغبة. ضحكت جنه ودفنت وجهها في صدره وقالت:

"نام يا يونس، نام يا حبيبي." أشرقت الشمس الصباح. الكل صاحي ما عدا جنه ويونس. قالت جبرية بغضب: "أمال ست الحسن والجمال فين؟ مش كفاية بقالها 3 شهور مش بتحط أيدها في حاجة؟ ولاهي خدت على الراحة؟ أمال مش لقيت حد يخدمها؟ قالت جليلة: "اكيد تعبانة يابت أبوي، سيبيها." قالت جبرية بغضب: "أسيبها إيه؟ ماهما حريم أولادك الاتنين وكمان بتك حامل ونزلة." نزل يونس بغضب وقال: "إيه الصوت العالي ده؟

مش عارفين إنو في زفت رجل نايم ولا خلاص مابقش في احترام؟ قالت جبرية بغضب: "لما انت رجل وليك كلمة، فين حكمك على مراتك اللي مبقتش تعمل حاجة في البيت زي سلايفها؟ قال يونس: "جنه مش هتعمل حاجة في البيت. مش هتمد يدها في أي حاجة." قالت جبرية: "واه أنت بتكرني وبتخلي بت عايشة تمشي عليك؟ وكمان بتصغر أمك؟ مسح يونس على وجهه بغضب وقال:

"أمي، جنه مش هتعمل أي حاجة في البيت. أظن عملت كتير قبل سابق، وده وقت إنها ترتاح على الأقل الـ 3 شهور الأولانية من الحمل لغاية ما الجنين يتخلق." معالم الصدمة والفرحة على وجوه الكل. قالت عايشة بفرحة وبصت لـ جنه: "حمل يعني جنه حامل؟ ابتسم يونس وقال: "أيوة يا مرات عمي، جنه حامل. كنا هنقولكم دلوقتى." زغرطت عايشة بفرحة وحضنت جنه وقالت: "يانهار أبيض! ألف مبروك! ألف مبروك يا قلبي، ربنا يتمملك على خير."

طبطبت على كتفه يونس وقالت: "ألف مبروك يا ولدي." الكل بارك لـ جنه ويونس وكانوا مبسوطين. ما عدا جبرية كانت واقفة مصدومة ومش مستوعبة الخبر. بص يونس عليها وقال: "إيه يا أمي، مش هتبركي لـ جنه وليا ولا إيه؟ بصت ليه جبرية وقالت: "ها؟ لا." وبعدين حضنته وقالت: "ألف مبروك يا ولدي، معلش خدتني الفرحة، ألف مبروك." وبعدين قالت: "ألف مبروك يا جنه، انتي من النهاردة ترتاحي ومفيش مجهود." كان الكل مبسوط بالخبر.

راحوا جنه ويونس لـ الدكتورة وقالت حامل وطمنتهم. كان الحمل لسه شهر. كتبت ليها فيتامينات. عدوا عشر أيام بعد زيارة الدكتورة. وفي يوم، جنه قاعدة وحست بحاجة بتجري في رجليها. وقفت بسرعة وبصت على هدومها. اتصدمت لما لقت دم. الكل اتصدم وأولهم جنه وبقت تبكي و...