رواية ليس العمر حاجز الفصل الثالث 3 - بقلم جنات بدر

دخلت جنه غرفتها وبعدين راحت الحمام وبصت لي نفسها في المرايا وافتكرت كلام جبريه وبقيت تبكي جامد. كانت تبكي وتعض ايدها عشان يونس مايصحش أويسمع صوته، لكن يونس سمع صوت أنينها قام مفزوع ودخل الحمام بسرعه. اتصدم من منظر جنه وحس قلبه اتقسم نصين من الحاله اللي هي فيها. جري يونس عليها ومسك ايدها اللي بتعضها وقال بخوف ورعب: "جنه في ايه مالك يا حبيبتي بتعيطي ليه؟ مردتش عليه جنه ومازالت منهاره وبتعيط جامد.

حضنها يونس وخدها ناحية الدش وشغل المياه وبقي يمسح وجهها من الدموع. "ايه حصل ياقلب يونس؟ كنتي نازله زينة، حصل ايه وخلاكي في الحاله دي؟ متقلقنيش." جنه مازالت ساكته ومفيش غير دموعها نازله. فضل يونس حضنها لغاية ماحس إنها هديت. خدها يونس وخرج من الحمام وجنه مازالت ساكته. قرب يونس وقال: "جنه مش هتقولي ايه اللي حصل وخلاكي في الحاله دي؟ عشان خاطري قولي في ايه. يما أنزل واشوف بنفسي حصل ايه ووقتها مش هرحم حد."

ولسه هيقوم وقفه صوت جنه: "طلقني." لف ليها وقال: "بتقولي ايه يا جنه؟ قالت: "زي ما سمعت طلقني طلقني يايونس انا مش عايزه أعيش معاكم." مسح يونس على وجهه بغضب مكتوم وقال بهدوء عكس اللي بيحس بيه: "جنه ياحبيبتي هو الموضوع ده مش اتقفل وقولت بلاش تجيبي سيرة الطلاق على لسانك قولت ولا لا؟ قالت من بين شهقاتها: "طلقني يايونس عشان انا وانتي مينفعش نكون مع بعض." وقالت بحرقة ووجع:

"عشان انا أرض بور لا تصلح لي شي وأنا هكون أنانيه لما هظلمك معي." وبقيت تعيط بحرقة. تنهد يونس ونزل على ركبته ومسك ايدها بين أديه وطبع عليها قبله خفيفه. "جنه هو إحنا مش اتفقنا إنو كلام الناس ماياثرش علينا ولا علي حياتنا، وإحنا راضيين بقضاء الله عشان ربنا شايل لينا الخير. ليه تعملي كده في نفسك وفي قلبي؟ خليتي قلبي يتحرق حر..ق وانتي مقطعه نفسك من العياط. ينفع اللي بتعمليه ده؟ قالت جنه: "يونس بردو انا عايزه اط.....

قطع كلامها لما التهم شف٠تيها بق٠بله تدل على غضبه منها وكمان عشان يسكتها. حاولت جنه تبتعد عنه، لكن كان مسكها جامد. وبعدين بعد عنها عشان كانت بحاجه لي التنفس. لمست جنه شفت.يها بألم ونظرة له بغيظ. بص ليها هو بعيد وقال: "المره دي جات سليمه وشوية ورم وهيخفو، لكن ياجنه مش هقرر كلامي تاني. هتجيبي سيرة الطلاق انتي حره واحذري من غضب يونس." بصت ليه بدموع وقالت: "انا هكلم جدي. كلامي مش معاك." يونس ضغط على سنانه وقال:

"اللهم طولك ياروح. بس فكري تروحي لي جدي ولا حد تاني ساعتها هقطع لسانك عشان متعوديش تنطقي تاني. وارجع الاقيكي علي سنجت عشره ومستنياني بوش بشوش زي الخلق." وطلع ورزع الباب وراءه جامد. نامت جنه على السرير وبقيت تبكي. خرج يونس بغضب لدرجة فهد نده عليه ومسمعش. قال فهد: "ماله ده؟ قام رضوان وقال: "أنا طلع واشوف ماله." دخلت عايشه غرفة جنه. "جنه مالك يابتي في ايه؟ اتعدلت جنه وحضنتها وقالت بعياط:

"أنا تعبت ياأمي والله قلبي معاد حامل وجع تاني." ربتت عايشه على ضهرها وقالت: "في ايه يونس مد يده عليكي ولا ايه؟ هزت رأسها بالا. قالت عايشه بخوف: "عيرك بـ... " وبعدين سكتت. قالت جنه بدموع: "بردو لع يامي معيرنيش يونس بالخلفه." قالت عايشه بقلق: "امال في ايه؟ خوفتني وانتي مقطعه نفسك من العياط كده." قالت بوجع: "يونس رفض يطلقني." شهقت عايشه بصدمه وخبطت ب ايديها الاتنين على صدره وقالت:

"يامصيبتي اللي ماورده على حد ياخيبتك ياعايشه في بتك اللي متكدش ابدا. اتجنيتي ياجنه ولا جرالك ايه يابت حرام عليكي." قالت جنه: "ايه ياما عاد؟ قالت عايشه: "عايزه تسيبي زوجك اللي بيحبك وشريكي ده بيدلعك كيف العيله اللي يرفض النعمه تزول من وشه. حرام عليكي استهدي بالله." قالت جنه بحزن: "طيب والوضع اللي أنا فيه يسر حد ياأمي عجبك كلام مرات عمي اللي بيكسر قلبي على طول وديما كاسره خاطري وانا مش عايزه أظلم يونس معايا."

قالت عايشه بهدوء: "مالتقولو تقولو مش بكلام حد يابتي سيبيها آخر ما هتزهق هتسكت لوحدها. وبعدين ظلم ايه اللي بتظلميه لي يونس؟ قالت جنه بحزن: "إنو يكون اب العمر بيجري ياأمه خليه يشوف حياته." اتنهدت عايشه وقالت: "ربنا هيكرمه بالذريه الصالحه ومنك انتي. هو انتي كبرتي؟

كله 35 سنه مش بتشوفي كلثوم جارتنا عندها 45 سنه وخلفت مع مرات ابنها. وبعدين ربتت على كتفها وقالت وانتي لسه صغيره متصعبيش حياتك يابتي ومتنكديش عليكي وعلى زوجك. قومي يابتي ربنا يهديكي قومي استحمي وجهزي نفسك لي زوجك عشان لما يرجع تطيبي بخاطره وربنا يكرمكم بالذريه الصالحه يارب." حضنتها جنه وقالت: "ربنا يخليكي ليا يا أمي." يونس قعد في الجنينه بغضب وهو عامل ينفخ ويفش. قرب رضوان وقال: "مالك يا ريس؟

عمل ننده عليك وانت ولا هنا." قال يونس بغضب: "لو في شي يخص الشغل خليها لي بكره عشان مليش خلق اتكلم في حاجه." قال رضوان: "مالك بس إيه إللي حصل؟ قال يونس بغضب: "هو في غير أختك إللي منشفه ريقي وتعبة قلبي معاها وكل شويه تقول طلقني يايونس." لغاية يونس ماغلب معاها. قال رضوان بهدوء:

"اعذرها يا يونس. لتمس ليها الأعذار بلاش تجي عليها أنت كمان. جنه بين نارين إنها بتحبك وأنا عايزاك تكون اب وخلف كل ده كلام أمك يايونس إللي زي السم وانت متعرفش عنه حاجة. جنه بتحبك بس مش عايزه تظلمك معاها." تنهد يونس بتعب وقال: "وأنا بحبها وراضي بالمكتوب والله معنديش مشكلة في حكاية الخلفه عشان دي حاجة في ايد ربنا. أنا كل همي تكون سعيده ومرتاحه." قال رضوان:

"خلاص بعد اسبوع يوسف خدها معاك القاهرة وبي المرة اكشفلها عند دكتورة كويسه وبالمرة تغيروا جو." قال يونس: "هو ده اللي هيحصل. أنت اخبارك ايه أنت ونواره؟ أنا عارف نواره كلامها دبش بس قلبها ابيض." ابتسم رضوان وقال: "ده اللي بيخليني احبها إنها قلبها طيب." ابتسم يونس وقال: "ربنا يسعدكم." "حبيبي إحنا وأنت يارب." "تمام أنا هطلع أنا عشان بكره هيكون مشاغله كتير. قوم أنت كمان ريح شوية." ابتسم رضوان وقال:

"أطلع أنت أنا مستني بابا وماما جايين في الطريق." يونس: "خلاص أنا هقعد معاك أشوف حد جو يعمل حجر معسل." بعد فتره رجع يونس واتجمع كل من فهد وانس ووليد معاهم. محدش كان بيشرب شيشه غير فهد ويونس. قال وليد: "يا رجل ده موضوع الخلفه صداع." ضحك فهد وكل: "أمال انت فاكر حاجه سهله ولا ايه؟ قال وليد بزعل: "تتخيل إنو انا مش عارف بنام ولا لا." قال رضوان بضحك: "كده أنا في نعمه ومريح دماغي." قال يونس: "استغفر الله إيه اللي بتقولو ده؟

دي الأطفال اللي نعمه. بطل هبل يارجل." قال رضوان: "مش قصدي حاجة. أنا قصدي إنو سلطان بنام براحتي بدلع براحتي." قال وليد بشماته: "هيجي اللي ياخد راحتك ياخوي قريب." قال أنس: "ياشباب أنا عايز اتجوز." الكل بص له باستغراب. قال: "مالك؟ هو أنا قولت حاجه غريبه؟ شايفكم كلكم مدلعين." حط ايده على رأسه من الخلف وقال: "وأنا بصراحة عايز أدلع." قال يونس: "أنت كبرت امتى ياد؟ رفع حاجبه وقال: "ليه أنت شايفني عيل ولا ايه؟ قال فهد:

"لا رجل وسيد الرجاله وعروستك عندي وهي تباهي." ضحكوا وليد ويونس جامد وقال وليد: "فعلا اختيارك صح يافهود." قال أنس بغضب: "الله يقطع فقرك اللهي مراتك تنكد عليك اسبوع باحله." قال رضوان: "هي تباهي مش حلوه؟ الكل ضحك. قال وليد: "دي لوحدها قمر دي حتى كانت عينها من فهد بس مرات اخوي سرقت منها." ضحك فهد وقال: "وعينها منك بس النصيب غلاب." قال رضوان: "هو إنتو بتتكلم بالالغاز ليه؟ مالها تباهي يا أنس مش عاجبك ليه؟ قال أنس:

"استغفر الله العظيم مش بعيب على خلقت ربنا بس هي وحدها الله يسترها علينا وعلي الجميع. روح يافهد يعكنن عليك يابعيد. صديت نفسي." ولسه هيمشي وقف لما سمع صوت الفرامل في عربيه وقفت. ابتسم وبص وراء.