رواية ليس العمر حاجز الفصل الخامس والعشرون 25 - بقلم جنات بدر

نزل جري. كان رضوان وفهد ووليد مستنينو في العربية. يونس نزل وفجأة رصاصة تخترق صدر يونس. الكوباية وقعت من جنه أول ما سمعت صوت الرصاصة. نزلت زي حبات الرمل وقلبها اتقبض. نزلت جري على السلم. والكل جري لبره. كان يونس غرقان في دمه. جريوا عليه الشباب. جنه قلبها وقف وخطواتها بعد ما كانت سريعة بقت بطيئة. الكل كان بصوت على يونس. قربت جنه. كان فهد شيله على رجله. "يونس أنت سمعني."

قال رضوان "إحنا مش هنستنا الإسعاف، يلاه نخدو في العربية." رفعوا فهد ورضوان. جنه جريت وراهم. حطو يونس من وراء وجنه نيمته على رجلها. جنه بدموع "يونس أنت سمعني." مكنش في رد. "عشان خاطري رد عليا، يونس ماتخوفنيش عليك." فتح يونس عيونه ببطء وتعب. قالت "يونس أنت سمعني، رد عليا طمن قلبي." قال بصوت ضعيف "جنه بحبك." قالت "بتقول ايه؟ عالي صوتك." "بحبك." وغاب عن الوعي. صرخت جنه "يونس يونس أنت سمعني." بص فهد لورا.

وقال "اهدي يا جنه، هو اغمي عليه بسبب النزيف. زود السرعة يا رضوان." وصلوا المستشفى ودخل يونس غرفة العمليات. الكل كان منتظرين بخوف وقلق. وحسن اللي ظاهر عليه التعب. قال رضوان "اهدي يا جدي، يونس اكيد بخير، اهدي أنت عشان صحتك وقلبك ضعيف." قال حسن بخوف "يونس لو جرا ليه حاجة أنا ممكن أموت." "بعيد الشر عنك يا جدي، ان شاء الله بخير، متخافش." قال حسن "يونس مش حفيدي ده ولدي." كان عز بيتكلم بغضب في الموبايل.

"معاك ساعة واحدة بس وتعرف مين اللي عمل كده في ابني." وفصل بغضب. "فهد اهدي يا عمي وأنا هعرف مين عمل أكده بس نطمن على يونس." كانت جنه منهاره من العياط وهي في حضن عايشه. "يابتي اهدي، هو كويس ومفيهوش حاجة ان شاء الله." قالت جنه بدموع "قلبي هيوقف ياما، مش قادرة، أنا هموت من الخوف عليه." "اهدي، هو كويس بإذن الله مفيش حاجة تخوف." عدت 3 ساعات على الكل بخوف وقلق على يونس. خرج الدكتور من غرفة العمليات.

"طمني يا دكتور، حفيدي كيفه؟ هو بخير؟ قال الدكتور "الحمد لله هو بخير، مفيش حاجة تقلق. شلنا الرصاصة، هي كانت في مكان مش خطر وحالته مستقرة. هيقعد كام ساعة بس تحت المراقبة وبعدين هننقله غرفة عادية." قالت جنه بلهفة "ممكن أدخل أشوفه يا دكتور؟ قال الدكتور "بس ممنوع الزيارات." "خمس دقايق بس يا دكتور، مش هزعجه." قال الدكتور "تمام ادخلي." "وعليه العافية." وسابهم ومشي.

دخلت جنه الغرفة وكانت دقات قلبها سريعة لدرجة قلبها كان هيخرج من بين ضلوعها. مكنتش عارفه ده حب ولا خوف على يونس. كانت بتقرب منه ببطء. كان يونس تحت تأثير البنج والأجهزة على جسده. بصت عليه ونزلت دموعها تجري وقربت منه ومسكت إيده. وبقت تبوس إيده. وافتكرت كلام الصبح وبقت تعيط أكتر. هو فعلاً ممكن يسيب الدنيا في أي لحظة؟ معقول يبعد عنها بعد القرب ده؟ وأنها هي فعلاً ظالماه معاها على الرغم إنو بيحبها.

نفضت الأفكار دي من دماغها وقالت بصوت مسموع "لا لا أنت مش هتسيبني يايونس بسهولة دي، إحنا لسه قدامنا مشوار طويل." وقالت بعياط "يهون عليك تسيب جنه لوحدها؟ جنه هتكون يتيمة من غيرك." وبعدين اتنهد وافتكرت وهو بيقولها "بحبك." ابتسمت وقالت "وأنا كمان." وبعدين قالت بخفوت "بحبك." ابتسمت وقالت بكسوف "بحبك يا يونس... أنت ملكت قلبي." "ويونس كمان بيحبك يا قلب يونس." سابت إيده وقالت "إنت فوقت امتى؟

قال بتعب "من لما جنه هتكون يتيمة من غيرك." قالت بارتباك "يعني سمعتني؟ ابتسم يونس وقال "للحظ، أيوه." سكتت جنه. قال بتعب "ده أجمل يوم في حياتي على الرغم كنت هموت. إنتي عارفه أنا لو شفت اللي عمل كده هخده بالحضن وهبوسه كمان." ضربته جنه بغيظ على كتفه المصاب. "آه يامجنون كتفي اللي تعبني." قالت "أسفة بس إنت اللي مش محترم." دخل الدكتور. قال "أنت فوقت وبدأ يفحص يونس ويطمن على حالته." "حمدلله على سلامتك يا يونس بيه."

"الله يسلمك يا دكتور." قال الدكتور "الحمد لله حالتك مستقرة وتمام بس هننقلك لي غرفة عادية." قال يونس "لا أنا هروح البيت اكتبلي على خروج." "بس حضرتك لازم تقعد عشان المراقبة ونطمن على جرحك." "وأنا كويس وهكون أحسن في البيت." "الدكتور تمام اللي تشوفه حضرتك بس الجرح عايز عناية." "تمام يا دكتور." "المقدم بره وعايز ياخد افادتك." "يونس تمام خليه يدخل." بعد فتره خرج المقدم ودخلت كل العيلة. حسن بلهفة "كيفك يا ولدي طمني عليك."

ابتسم يونس وقال "متخافش على حفيدك أسد يا جدي." قالت عايشه "خوفتنا عليك يا ولدي." قالت سهر "أخوي حبيبي أنت بخير." وليد "كده يايونس خليتنا قطعنا الخلف يارجل." قال عز بحنان "إنت كويس يا ولدي، والله في سماه مش هسيب اللي عمل فيك كده لا اخليه يندم على اليوم اللي اتولد فيه." قال فهد بتوعد "إحنا مسكنا اللي اوصو عليك وهعرف مين اللي بعتهم." قال يونس "أنا عارف مين اللي عمل كده." الكل اتصدم.