رواية ليس ذنبي الفصل العاشر 10 - بقلم ريم يوسف

عند ياسمين قاعدة بتأكل ابنها، ودلوقتي بقى عنده سنتين وبيتكلم. هو دلوقتي معرفش أي حاجة عن أبوه، ولا إن ليه أب. ومحمد نسي إنه كان متجوز قبل كده، وبقى مهتم بداليا وإنها حامل. وداليا بتروح لباسم من ورا ماما. مامت ياسمين دخلت لقيتها بتأكل ابنها، بصت عليها بحزن وراحت عندها. مامت ياسمين: وبعدين يا ياسمين؟ مش عاوزة توافقي على هيثم ليه؟ دا حتى بيحبك وبيشاريكي.

ياسمين: لو سمحتي يا ماما، مش عاوزة أفتح موضوع الجواز ده تاني. أنا بالنسبالي سند بقى كل حياتي. مامت ياسمين: وإحنا هنرميه؟ يا بنتي ده حفيدنا وهيفضل معانا. ياسمين بدموع: لو بتحبيني يا ماما، سيبيني أنا اللي أربيه. مامت ياسمين: خلاص يا بنتي، براحتك. وأكملت بحزن: شيلتي الهم بدري يا ياسمين. عند محمد. قاعد هو وداليا وزياد.

زياد: أنا شايف كلامك عن الشغل أكتر من البيت يا محمد. وداليا كمان، أنا شايف إنكم تركزوا في حياتكم أكتر من الشغل والفلوس. محمد بطمع: لا طبعًا يا زياد، الشغل أهم بكتير. وبعدين إحنا مش مقصرين مع بعض. ومسك إيد داليا باسها: مش كده يا حبيبتي؟ داليا بابتسامة: طبعًا يا روحي. زياد بفرحة: طب دا عال أوي. أسيبكم أنا بقى وأشوفك في الشركة يا محمد عشان ننقل الملكية. محمد بفرحة: تمام. مشي زياد، ومحمد بص لداليا بحب.

محمد: انتي متأكدة يا حبيبتي إنك عاوزة تكتبي الشركة باسمي؟ داليا: وهو أنا عندي أغلى منك يا روحي؟ أكيد طبعًا، واكتبي حياتي كلها ليك. بعد ٨ شهور. تصحى داليا بتعب وتفضل تصوت، ومحمد يقوم على صوتها. محمد: مالك يا حبيبتي؟ داليا بولد: يا محمد الحقني! محمد قام شالها وركبها العربية وراح على المستشفى. بعد ساعتين. محمد يسمع صوت عياط طفل. ويبص بفرحة يلاقي الممرضة شايلة بنوتة جميلة جداً وبيديها له.

الممرضة: اتفضل يا باشا، بنت حضرتك. محمد بابتسامة وهو شايفها قد إيه جميلة. فضل يضحك ونسي في اللحظة دي داليا، وفضل باصص للبنت بحب. وجواه حاجة اتزرعت ليها. عند ياسمين. بتمشي ورا ابنها بغضب. ياسمين: قولتلك اقف، سند! سند بتزمر وتكشيرة: مش عاوز آكل أنا. ياسمين: يلا بلاش دلع، كل. سند: لا يا ياسمين، مش هاكل. ياسمين بصدمة: ولد إيه؟ ياسمين دي اسمها ماما. سند بتطنيش: اسكتي بقا، مش هاكل. ياسمين مثلت الحزن وقعدت في الأرض تعيط.

سند شافها كده، جري عليها. سند: ماما، أنا آسف. بتعيطي ليه؟ خلاص هاكل. ياسمين: مش بتعيطي. ياسمين بضحك: والله ما مطلع عين ياسمين غيرك. وحضنته: قلبي يا حنين أنت. داليا فاقت وشافت محمد شايل البنت وقاعد جنبها. داليا بابتسامة: عاوزة أشيلها يا محمد. محمد نيمها على إيد داليا وقالها: شوفيها عشان آخدها تاني. داليا بابتسامة: لحقتي حبيبتها. محمد: مش بنتي؟ وبصي قمر إزاي وتتحب. داليا في سرها: أكيد دي بنت محمد.

داليا: أيوه، جميلة خالص. محمد ابتسم وشالها تاني. وقال لداليا: خلاص كده، هاتيها بقا. داليا بضحك: خدتك مني الأستاذة سيليا. محمد بفرحة: هنسميها سيليا. داليا: أيوه، إيه رأيك؟ محمد: اسم جميل. ورجع يبصلها تاني.