رواية ليس ذنبي الفصل الحادي عشر 11 - بقلم ريم يوسف

عدت الأيام ومحمد بقى متعلق ببنته جداً، ويمكن حب داليا بسببها، وبقى مركز معاها أكتر من الشغل. وسند كبر، والنهاردة أول يوم ليه في الجامعة في كلية الطب. **ياسمين:** سند، يلا اصحي هتتأخر على المحاضرة. **سند (بنوم) :** سيبيني أنام يا ياسمين. **ياسمين (بزعيق) :** قوم بقى، غلبتني معاك. **سند:** صحيت أهو، صباح الخير يا ياسمين. **ياسمين (بغيظ) :** أنا أمك يا ولد، أي ياسمين دي.

**سند:** أمي إيه بس، دانتي أصغر مني. حضريلي الفطار بقى يا ياسمين. مشيت ياسمين بغيظ وراحت تحضرله الفطار. ضحك سند على منظرها ودخل ياخد شاور عشان يلبس وينزل الجامعة. عند محمد. قاعدين على السفرة بيفطروا. النهاردة أول يوم لسليا في المدرسة. **محمد:** حبيبت بابي كبرت وبقت في أولى ثانوي. **سيليا (بابتسامة جميلة) :** مش عارفة، خايفة أوي. **محمد:** خايفة ليه يا روحي؟ بنتي الحلوة متخافش أبداً.

**سيليا:** عشان أول يوم دراسة، وأنا بتوتر بسرعة. **محمد (باس خدها) :** أوعي تقولي كدا تاني، بنوتي مبخافش من حاجة. **سيليا:** مبخافش وأنت معايا يا حبيبي. هي ماما فين؟ **محمد:** ماما نايمة فوق، محتاجة حاجة. **سيليا (بحزن) :** لا، كنت عايزة أشوفها وأوريها اللبس ده عليا، بس خلاص. **محمد:** قمر يا روحي، وأنا هصورك وأبقى أوريها الصور.

وقعدوا يتكلموا. سيليا حنينة جداً وطيبة، عكس داليا ومحمد خالص، بس شخصيتها ضعيفة شوية. وداليا مبتهتمش بيها خالص، وده مأثر عليها. محمد وصل سيليا للمدرسة وراح الشركة. عند سند. حضر محاضرة وخرج. راح يدور على شغل لأن ياسمين مكنتش راضية يخليه يشتغل. راح من غير ما تعرف. وصل مطعم وكلم صاحبه وحكاله ظروفه، ووافق يشغله.

سند غير ياسمين خالص، ملامحه جامدة وميبانش حنين وصعب في التعامل. ولكن من جواه حنين جداً. لكن من وقت ما ياسمين حكتله على اللي محمد عمله، وهو اتحول وبقى كل هدفه ينتقم من محمد. رجع سند البيت وشاف ياسمين قاعدة وباين على ملامحها التعب. **سند:** مالك يا ياسمين؟ **ياسمين (بابتسامة) :** مفيش حاجة يا حبيبي. هتتغدي؟ **سند:** مالك يا ياسمين؟ **ياسمين:** تعبانة شوية وهاخد العلاج وأخف.

**سند:** لا، انتي تعبانة من الشغل ومش هتروحيه تاني أصلاً. تعبك ده مبيطلش يجيلك. من 18 سنة وإنتي بتتعبي. أنا السبب في كل ده عشان واحد ابن **** جابني على الدنيا ورماني. أنا بكرهه. **ياسمين (بخوف) :** خلاص يا سند، مفيش حاجة يا حبيبي. **سند:** أنا لقيت شغل، وإنتي مش هتشتغلي تاني. وسابها ومشي.