رواية ليس ذنبي الفصل الخامس عشر 15 - بقلم ريم يوسف

داليا بقرف: طبيعي يا حبيبتي، يفطر مع مراته، أصله مش متجوزك. سيليا بصدمة: مش متجوزني؟ أنا بنته يا مامي، ومتعودين نفطر مع بعض. محمد بغضب: داليا! داليا: في إيه بتزعق كده ليه؟ محمد: اخرسي ومتتكلميش مع سيليا تاني. داليا: وليه ده؟ إن شاء الله. محمد بقوة: كده يا داليا، كده! مالكيش دعوة بيها خالص. داليا بغضب: متدخلش أنت! وفضلوا يتخانقوا. سيليا دموعها نزلت وسابتهم يتخانقوا وطلعت. وصلت سيليا الكلية وشافت سند واقف بره مستنيها.

سيليا كانت بتعيط. سند قلق عليها: في إيه؟ سيليا بتعيط ومبتردش. سند: متردي يا بنتي. سيليا حضنته وفضلت تعيط. سند اتلخبط وقلبه دق جامد، ومكنش عارف يعمل إيه. سابها لحد ما هديت وبعدت. سيليا بكسوف: أنا آسفة. سند بابتسامة: ولا يهمك يا قمر. في إيه بقى؟ سيليا: ممكن مندخلش ونروح نقعد في أي مكان؟ سند بضحك: أنتِ تأمري. ومشوا مع بعض. عند محمد وداليا. خلصوا خناق وملقوش سيليا. محمد بغضب: عاجبك كده؟

البنت مشيت. مش عارف إيه حكايتك معاها. داليا: مش عاوزاها، هي اللي ربطاني بيك. محمد بصدمة: ربطاني بيا؟ داليا: آه، وأنا عاوزة أخلص. محمد: انتي واحدة ***، عاوزة في حياتك رجالة تكون زي الجزم اللي بتغيريها. أنا السبب في كل ده، عملت لواحدة ** زيك قيمة. داليا: ولما أنا كده، اتجوزتني ليه؟ محمد بصراحة: عشان الفلوس. أنا عارف إن ذنب ياسمين هيفضل مطاردني. وسابها ومشي. وطلع على الشركة ودخل بغضب وكلم ثروت. محمد: معنديش بنات للجواز.

وقفل قبل ما يرد. وقعد بتأنيب ضمير. عند داليا. طلعت غيرت هدومها ونزلت بانتصار وراحت عند باسم. داليا دخلت الشقة لقيت باسم قاعد مستنيها. داليا: عامل إيه يا حبيبي؟ باسم: كويس لما شوفتك يا روحي. داليا: هنخلص قريب أوي. باسم بضحك وخبث: هتخلصي أنتِ كمان قريب. داليا: يعني إيه؟ باسم: متشغليش بالك. داليا: شهر بالظبط وهخلي محمد يطلقني. باسم بضحك: وبعدها إيه يحصل؟ داليا بابتسامة: نتجوز يا روحي.

باسم قرب منها: واحنا كده مش متجوزين. عند سيليا وسند. قاعدين في كافيه وسيليا حكتله كل حاجة. سند: غريبة، أبوكي لما شوفته محستش إنه حنين زي ما بتحكي كده. سيليا بحب: لا، حنين أوي، أحسن من ماما. سند: وأنتي هتفضلي في العذاب ده؟ سيليا: معرفش يا سند، بس تعبت والله. سند: انتي لازم تشوفيلك حل. سيليا: كل حاجة مقفلة. سند: يعني متعرفيش تتكلمي مع مامتك؟ سيليا: لا، هي مبتحبنيش خالص. سند: مش عارف إزاي ده.

سيليا: أنا مبقتش عاوزة أقعد معاها في الفيلا. سند: وهتعملي إيه طيب؟ سيليا: أنا ممكن أهرب وأعيش لوحدي. سند بصدمة: لا طبعًا، أكيد في حل غير ده. سيليا بكسوف وتوتر: سند، ممكن تتجوزني؟