رواية ليس ذنبي الفصل الحادي والثلاثون 31 - بقلم ريم يوسف

سيليا بصدمة: خونتني! سند بحزن: آه خونتك وموفيتش بوعدي إني ما ألمس واحدة غيرك. سيليا بدموع: يعني إيه مش فاهمة! لمست مين؟ سند: كان فيه واحدة في المطعم وفضلت تقرب مني. سيليا صوتت وقربت لها. سند بعصبية: اسكتي ياسيليا أنا متنكد أصلاً. أنا مقربتلهاش بس هي اللي مسكت إيدي. سيليا بصدمة: وانت كده خونتني؟ سند: هدي شوية. آه ياسيليا أنا حاسس دلوقتي إني خاين. سيليا بهدوء عكس ما بداخلها: لا ياسند أنت كده مش خاين.

سند: أنا مضايق ياسيليا. اطلعي دلوقتي. سيليا قربت عليه: لا يحبيبي مش هطلع. أنت اللي هتغير وتطلع عشان نتغدى. وأه خالو زياد كلمني وعزمنا على الغدا بكرة. سند: خالك وإنتي ليه تردي أصلاً؟ سيليا بسرعة: والله مراته اللي اتصلت وأنا بحبها أوي وكان لازم أرد. وهو قالي أسامحه وشكله ندمان. عشان خاطري يلا نروح بكرة. سند: إنتي عايزة تروحي؟ سيليا: آه عايزة أروح. عشان خاطري ياسند وافق. سند: طيب هوصلك ومش هدخل جوه.

سيليا: ياسند أنا عايزك تروح معايا. سند: لا ياسيليا أنا مش عايز أشوفه. سيليا بزعل: خلاص ياسند أنا مش هروح. سند: سيليا تعالي جيبي هدوم ليا وأنا هدخل آخد دش. سيليا بضيق: طيب. سند خلع التيشرت ورماه على السرير، وبيكتم الضحك على شكل سيليا وهي مضايقة. قرب سند منها وحضنها من ضهرها. سيليا بتوتر: الهدوم وقعت مني. سيليا: سند. سند: امم. سيليا: ابعد. سند دفن راسه في رقبتها وبيشم ريحة شعرها. سيليا بخضة: سند ابعد. سند: سيليا.

سيليا على وشك العياط: سند أنت بتعمل إيه؟ سند لفها ليه وقبلها برقة. وسيليا متوترة، لولا إيد سند ماسكاها كانت وقعت. سيليا مبقتش قادرة تقاوم وبصتله بدموع. سند: سيليا. سند فاق: إنتي بتعيطي؟ سيليا: أنا خايفة. سند حضنها: خايفة ليه ياحبيبي؟ سيليا: عشان أنت بتعمل... وسكتت. سند بضحك: بعمل إيه؟ سيليا: ماما. سند بيبص لقى سيليا جريت على بره وقفل الباب، بيضحك على شكلها ودخل الحمام. سيليا قاعدة متوترة وبتحسس على رقبتها وشعرها.

ياسمين: مالك ياسيليا؟ سيليا بتهتهة: م... مفيش. ياسمين بضحك: شفتي سند ماله؟ سيليا بدون وعي: سند باسني. ياسمين بخبث: باسِك؟ سيليا انتبهت وقالت: لا لا. وقامت دخلت المطبخ. خرج سند وشاف ياسمين قاعدة لوحدها. سند: أومال سيليا فين؟ ياسمين بضحك: حابسة نفسها في المطبخ. سند فهم وراح لها. شافها قاعدة في المطبخ بتعيط. سند بخضة: مالك ياسيليا؟ سيليا بعياط: اسكت أنت السبب. سند بضحك: عملت إيه؟

سيليا: بوستني وماما عرفت. أوريها وشي إزاي دلوقتي؟ وفضلت تعيط. سند بضحك: بطلي هبل وقومي يلا. سيليا بعصبية: أنا مش هبلة وملكش دعوة بيا. سند: طب يلا ياعاقلة خلينا ناكل عشان عايز أنام. ورايا بكرة مشوار مع مراتي. سيليا بفرحة: هتروح معايا؟ سند: آه ياحبيبي مقدرش أشوفك زعلانة. سيليا بفرحة حضنته. سند بخبث: شوفي إنتي اللي بتغريني إزاي. سيليا خبطته بخفة وبعدت. تعدي اليوم بسلام. تاني يوم.

سند صحي من النوم شاف سيليا قاعدة قصاده وجهزت ولابسة الكوتشي والشنطة. سند باستغراب: إيه النشاط ده؟ سيليا: أخيراً صحيت قوم البس أنا جهزت ليك اللبس وكل حاجة. وصحيت ماما تلبس. سند: وماما هتيجي معانا؟ سيليا: آه هتيجي معانا. قوم بقا البس. سند بقله حيلة: حاضر. وقام يلبس. سند واقف بيرش برفانه، وسيليا واقفة جنبه. سيليا مسكت إيده وطلعت الفون واتصوروا، وسند حضنها واتصور معاها.

خرجوا بره الأوضة وشافوا ياسمين قاعدة مستنياهم وجاهزة. سند: صباح الخير ياماما. ياسمين: صباح الخير يا حبيبي. ونزلوا. ركبوا تاكسي واتجهوا لفيلا محمد. وصلوا الفيلا وزياد ومها رحبوا بيهم وقعدوا معاهم. زياد: زي ما قولتلك ياسيليا إنتي لو ملكيش في شغل الشركات إنتي وسند صفوهم وابنوا مستشفى ليكم. إنتي فلوسك كلها محفوظة وهتفضل معاكي. شوفي هتعملي بيها إيه. أنا مبرئ نفسي منهم. سيليا: ياخالو أنا كنت ناوية ما آخدش حاجة.

مها: إزاي بقا؟ ده حقك وإنتي بكرة يكون عندك أطفال ولازم تأمني مستقبلهم. سيليا بصت لسند واتكسفت. سند: مش حكاية كده يامدام مها. أنا قادر أصرف على مراتي وأولادي. مها: بسرعة عارفة والله. كفاية شكلكم ناس محترمة ومامتك باين إنكم ناس كويسة. بس في الآخر ده حقها. سند بص لسيليا وقالها: خلاص ياسيليا خدي حقك. سيليا: ماشي ياخالو. صفي الشركات وعايزاك تساعدني إني أبني المستشفى. مها: قفلوا بقا على الكلام ده ويلا عشان نتغدى.

وقاموا قعدوا على السفرة وبدأوا ياكلوا. بعد الأكل قاعدين يهزروا وسند وسيليا يحكوا إزاي حبوا بعض، وياسمين بتحكي مع مها وبقوا صحاب. سند همس لسيليا: مش ناوية يكون عندنا بيبي بقا؟ الناس هتاكل وشي. سيليا بضحك: اتلم ياسند. وهو وشك بيتزا عشان ياكلوها. وضحكت بعند. سند بأستفزاز: طب لما نروح. سيليا بخبث: من دلوقتي ياسوسو. سند بصدمة: سوسو؟ سيليا: أه سوسو. سند: عارفة لو مش الناس قاعدة كنت عرفتك مين سوسو. بس ملحوقة لما نروح.

سيليا قربت منه وهمست ليه: بحبك ي سوسو. سند بص لها بعصبية وهي ضحكت.