رواية ليس ذنبي الفصل السادس والعشرون 26 - بقلم ريم يوسف

وصلت سيليا الفيلا ودخلت جوا. فضلت واقفة ومركزة على كل حاجة والفراغ اللي حواليها. افتكرت محمد وفضلت تعيط وسند بيرن كتير وهي مش مركزة. طلعت فوق ودخلت أوضتها وجمعت حاجتها، لبسها والكتب وصورها هي ومحمد. نزلت شافت خالها زياد داخل الفيلا بلهفة. زياد أنا كنت عارف إنك هترجعي وإنك مش غبية زي أمك. سيليا باستغراب عامل إيه يا خالو؟ زياد كويس. إيه اللي سمعته ده؟ إنتي بتعيدي اللي أمك عملته؟ سيليا عملت إيه؟ زياد

إزاي يا هانم تتجوزي واحد زي ده؟ سيليا لو سمحت يا خالو متتكلمش عن سند. وأنا عمري ما هبقى زي مامي. وبعدين مش إنت اللي شجعتها على ده؟ مش إنت اللي دمرت حياة شخصين ملهمش ذنب عشان سعادة أختك؟ زياد إنتي بتتكلمي معايا كده إزاي؟ احترمي إني خالك. سيليا بسخرية خالي؟ لا شكراً أوي يا خالي. أنا أول مرة أشوفك من سنين كتير. جاي ليه؟ تحايلني عشان الميراث؟ مش عاوزاه. وأنا جوزي متجوزنيش عشان الفلوس ومانعني إني آخد منك أي فلوس.

زياد بغضب إنتي غبية. سيليا لو سمحت يا خالو، عاوزة أخرج. زياد مفيش خروج. اطلعي على أوضتك. سيليا بخوف أنا لازم أمشي عشان سند ميعرفش إني جيت هنا وهيّزعق. زياد أحسن إنه ميعرفش. اطلعي يلا. وأنا هخلصك منه خالص. سيليا بخوف لا يا خالو، بترجاك تسيبني أخرج. بدأت تعيط. زياد بغضب اخرجي يا غبية. روحي موتي من الجوع والفقر معاه. سيليا جريت على بره بدموع.

عند سند، قلق على سيليا وكلم ياسمين. قالتله مرجعتش. سند طلع على المدافن وملاقاش سيليا هناك. فكر إنها ممكن تكون رجعت البيت. رجع على البيت ولسه داخل شاف سيليا جايه وبتعيط. سند بقلق سسيليا... قاطعته بحضنها. سيليا ليه؟ وفضلت حضناه وبتعيط وبتقول كلام مش مفهوم. كان هيحبسني. مكنش هيخليني أشوفك تاني. سند أنا مش فاهم حاجة. مين ده؟ إنتي كنتي فين بالظبط؟ سيليا بعياط شيلني ووديني أوضتي على طول. عاوزة أنام.

سند شالها بهدوء ودخل البيت. ياسمين قابلتهم بقلق. ياسمين إيه يا ابني؟ وسيليا مالها؟ سند معلش يا ماما، هي تعبانة شوية وهتنام. لما تصحى هنتكلم سوا. ياسمين ماشي يا حبيبي. دخلها تنام. سند دخل سيليا وحطها على السرير بهدوء. سيليا والدموع مالية وشها خليك جنبي. سند بحب حاضر يا حبيبتي. وفضل يمشي إيده على شعرها لحد ما نامت. عند مني، سكرتيرة محمد. مني للشخص هي اسمها سيليا وساكنة في منطقة شعبية. المجهول

تمام يا هانم. بس أنا عاوز فلوس قبل ما أنفذ أي حاجة. مني بخبث ماشي. ولو خلصتني ليك حاجة كبيرة أوي. المجهول بطمع عنيا يا هانم. مني وأنا عاوزة أعرف معلومات عن جوزها. شغال فين؟ أو بيطلع من البيت في أي وقت؟ الشخص أوامر يا هانم. ومني عطته مبلغ ومشي. عند سند وسيليا نايمين والباب خبط. ياسمين فتحت وشافت شخص وباين إنه ظابط. ياسمين بقلق خير يا ابني. الشخص دا بيت سند محمد؟ ياسمين آه هو. خير؟ الشخص

في دعوة للمدام مراته إنها تحضر بكرة. ياسمين تحضر ليه يا ابني؟ خير طمني. الشخص خير يا أمي. في حد عاوز يقابلها قبل تنفيذ حكم الإعدام. ياسمين يالهوي! إعدام. اسمه إيه الحد ده؟ الشخص اسمه باسم. ياسمين بتذكر وحزن طيب ممكن أنا أمضي مكانها لأنها تعبانة. الشخص معلش يا أمي. مينفعش. لازم هي. ياسمين طب اسمحلي آخد الورقة وأمضيها عليها جوه. الشخص تمام. دخلت ياسمين وخبطت على الباب. سند فتح. سند نعم يا ماما؟ ياسمين

خلي سيليا تمضي على الورقة دي. الراجل واقف بره. سند بأستغراب ورقة إيه دي؟ ياسمين بحزن باسم عاوز يعيني يشوفها قبل ما يتع'دم. سند طيب ثانية. دخل سند وحاول يصحي سيليا. سيليا قامت بتعب. سند إمضي على الورقة دي يا حبيبتي. سيليا بأستغراب ورقة إيه دي؟ سند دي دعوة عشان باسم عاوز يشوفك. سيليا بحزن وتعب تمام. ومضت على الورقة.