رواية ليس ذنبي الفصل الثالث والعشرون 23 - بقلم ريم يوسف

باسم سأل علي اسم محمد وطلع علي الأوضة. شاف ياسمين قاعدة بره وسند وسيليا جوه. باسم لياسمين: انتي مدام ياسمين؟ ياسمين: أيوه أنا. باسم: ممكن أتكلم مع سند ابن حضرتك؟ ياسمين: طبعًا اتفضل. باسم دخل معاها الأوضة وشاف سيليا نايمة على السرير، وشكلها ملاكي وبريء. باسم: سند ممكن أتكلم معاك شوية؟ سند: أكيد. اقعدي يا ماما جنب سيليا وأنا هطلع مع الأستاذ نتكلم بره. خرج سند مع باسم. باسم: أنا والد سيليا. سند بصدمة: إزاي ده؟

باسم: داليا كانت بتخون محمد معايا. سند بغضب: هي داليا؟ باسم: زا'؟ أنا نفسي ربنا يسامحني، أنا مكنتش كدا. أنا مش عارف مشاعر الأبوة دي جاتلي مرة واحدة كدا إزاي. سيليا اتظلمت من داليا كتير، وهي دلوقتي مراتك مش أختك. أنا مش هقدر أشوفها تاني. بأستأمنك عليها وعارف إنك راجل. أنا هسلم نفسي لأني قتلت داليا. سند بصدمة: إيه؟ باسم: صدقني ده الحل. داليا مكنتش هتسيب سيليا في حالها. أنا ماشي، أمانة معاك سيليا.

سند بدموع: مفيش مبرر للقتل. لي عملت كدا؟ ربنا معاك. باسم مشي بضعف. دخل سند بحزن وشاف سيليا فاقت. اتبدلت ملامحه وبقى هادي. قرب منها بحب. سند بحب: حبيبي عامل إيه؟ سيليا بدموع: بابي يا سند. سند بحنان: ربنا يرحمه يا حبيبتي. سيليا: أنا عارفة إنه ظلمك، لكن أنا بحبه أوي. سند: ربنا يرحمه وأنا سامحته عشانك. سيليا: أنا بحبك أوي. سند قرب منها وقبلها قدام ياسمين. سيليا بصدمة: أنا أختك. سند بضحك: إنتي مراتي يا بت. سيليا: إزاي؟

سند: إنتي مش بنت محمد. سيليا: إنت بتقول إيه؟ سند: باباكي كان هنا. سيليا: أنا مش فاهمة حاجة. بابايا مين ومشي ليه؟ سند: إنتي باباكي اسمه باسم وكان هنا، وهو اللي عرفني إنك مش أختي. ده أنا حبيت الراجل ده أوي. سيليا: وهو راح فين؟ سند: راح يسلم نفسه عشان قتل داليا. سيليا بجمود: تصدق إني متأثرتش عشان داليا. أنا بقيت جاحدة أوي. سند: إنتي أرق واحدة شوفتها ومبقتيش جاحدة ولا حاجة. ده من اللي داليا عملته فيكي ودا جزاءها.

سيليا: بس هي اتجوزت حد غير بابي إزاي؟ سند بتوتر: هي مكنتش متجوزاه. سيليا بصدمة: يعني أنا بنت حرام؟ سند: إنتي ملكيش ذنب. سيليا: مليش ذنب. إيه ده؟ أنا لو كنت أختك كان عندي أهون من إني أكون بنت حرام. وفتحت في العياط. سند: ششش. إنتي عيوطة أوي يا حبيبتي. أنا مبحبش إن مراتي تكون نكدية. سيليا: طلقني يا سند. سند: إنتي بتقولي إيه؟ سيليا: طلقني. سند بغضب: اسكتي خالص وبطلي جنان. سيليا بعياط: يعني ترضى تتجوز واحدة بنت حرام؟

سند بحنان ضمها لحضنه: يا حبيبتي إنتي ملكيش ذنب. وقرب عشان يقبلها. ياسمين بضحك: ما خلاص بقى وقدر إن أمك جنبك. سند اتنحنح: طب ما تنسحبي يا ياسمين. سيليا بكسوف بصتله: بس بقى يا سند. سند بجدية: أنا هطلع أخلص الإجراءات عشان ندفنه ونمشي من هنا. سيليا بدموع: ممكن أجي معاك أشوفه؟ سند: لا خليكي هنا أحسن ليكي. سيليا بعناد: يا سند. سند بصرامة: خليكي مرتاحة وخليكي جنبها يا ماما. وسابهم ومشي.