رواية ليس ذنبي الفصل الثاني والعشرون 22 - بقلم ريم يوسف

محمد ياسمين بأنهيار: شيله نوديه علي المستشفي. قرب سند منه بهدوء وشاله وراحوا كلهم المستشفي. كلهم منهارين بره الغرفه ومستنين خروج الدكتور. سند حاضن سيليا اللي منهاره ومش مبطله عياط. سند بحنان: ششش بطلي عياط هيبقي كويس. وحتي لو احنا اخوات انا ملمستكيش والجواز دا باطل وهفضل اخوكي وسندك. يمكن مشاعرنا دي كانت مشاعر اخوه والدم بيحن فعلا. سيليا شددت على حضنه بحزن: بس انا مش شيفاك اخويا ي سند. مش هقدر اعيش كدا.

قاطع حديثهم خروج الدكتور. الدكتور: البقاء لله ي جماعه. القلب وقف وحاولنا كتير نرجعه لكن مفيش اي استجابه. الصدمه كانت شديده. سيليا بأنهيار: لا بابي. وفقدت الوعي في حضن سند. داليا بتوتر: ياسمين انا اسفه لاني اخدت منك محمد. ياسمين: لا ولا يهمك ي هانم. انتي مخدتهوش هو اللي راحلك وانتي متعوده ان كل حاجه تحت ايدك ملهاش حساب. داليا: علفكرة انا مبحبش محمد او يمكن كنت مشدوده ليه. ولكن في المقابل دمرت حياتك وحياة سند.

ياسمين: لا ولا يهمك ربنا يرحم محمد بقا. داليا اتسحبت بهدوء وخرجت من المستشفي. وصلت عند الشقة اللي فيها باسم وطلعت تقابله. داليا: الحقني ي باسم سيليا كانت متجوزه والولد اللي متجوزاه طلع ابن محمد من مراته القديمه. باسم بصدمه: يعني اخوات متجوزين؟ داليا بتوتر: سيليا مش بنت محمد. باسم: اومال بنت مين؟ داليا: سيليا بنتك. باسم بصدمه: نهارك اسود بنتي وما تقوليش ليا.

داليا: انا عاوزه الواد دا يبعد عنها عشان اجوزها لابن ثروت ونتجوز يروحي. باسم: انتي وسخة اوي يا داليا وانا مش هضحي ببنتي وواحدة زيك لازم اريح الدنيا منها. داليا: انت هتعمل اي؟ خرج باسم سلاح من جيبه وقتلها. خرج باسم بسرعة من الشقة وطلع على المستشفي.