رواية ليتني لم اهواك الفصل الخامس 5 - بقلم بسنت الشيخ

انا : معلش بقي ياقمر هاتي الصينيه وعشان نخلص في شقتك ابقي دخليها محدش هيتكلم. اخدت منها الصينيه ودخلتها المطبخ و بسمله وحبيبه ميتين ضحك على اللي حصل. المهم طلعنا قعدنا بره بس مش معاهم وهي واهلها. شوية ومشيوا وسبحان الله لاول مره احس بتناكه وكلاحه منها مش طبيعيه وبعد اليوم ده بقيت مش طيقاها. وتمر ايام وتيجي ايام وانا خلصت امتحانات 2 ثانوي وطلعت من الاوائل ودخلت علي ثانويه عامه.

وادهم معرفش ينزل عشان شغله وكانت شقته خلصت ومش فاضل غير أنه ينزل عشان يتجوز. وانا كنت مركزه في الدراسه جداا لان ده مستقبلي. مع ذلك انا مقدرتش انساه وفضلت لغايه لما خلصت 3 ثانوي وانا بذاكر وبتفرج على صوره لانه بجد كان واحشني. ومقدرتش امنع نفسي اني ادعي بيه في كل صلاه أنه يكون ملكي وكنت بندم بس مكنش في ايدي حاجه. والحمد لله جبت في ثانوية عامة مجموع حلو قدرا منه ادخل طب بشري. رجع هو بعد النتيجه واتفاجئت أنه ساب خطيبته.

مكنتش عارفه افرح ولا ازعل. وتمر الايام وبعد أقل من شهر لقيت ماما بتقول أنه اتقدملي. كنت متفاجأه ومش عارفه اعمل اي. اهلي مقسومين رأين رأي موافق ورأي معترض بسبب فرق السن. بس الحمد لله اخطبنا واتجوزنا بعد 6 شهور. ويوم الفرح واحنا بنرقص سلو قالي: ادهم : اخيرا. انا : اه اخيرا بحمد ربنا أنه استجاب. ادهم : وانا هفضل احمده طول العمر لانك نعمه ربنا يخليكي ليا يا حياتي. انا: ويخليك ليا يا اجمل ما في حياتي.

دمت لي رفيق الدرب ياصديق العمر