رواية ليتني لم اكن الفصل الأول 1 - بقلم مروة علي

محمد.. مش قصير اللبس دا يا خديجة. تهاني.. سيبها يامحمد ديجا لسه صغيرة، بكرا تكبر وتعقل. خديجة.. أيوه يابابا فعلا لبسي مش قصير، وبعدين بلاش خديجة دي قولي ديجا أحلى. محمد.. بس يابنتي. ديجا باستعجال.. معلش يابابا متأخرة على الكلية، أما أرجع نبقى نتكلم، باي. محمد بقلة حيلة.. ماشي يابنتي، خلي بالك من نفسك. كلية الآداب.

مريم بعصبية.. كل دا تأخير يازفتة، اتأخرنا على أحمد ودي تالت مقابلة ومش عاوزينه ياخد عننا فكرة إننا مقفلين. ديجا.. معلش يامريم عشان كنت بحط مكياج في المواصلات. مريم.. ماشي يلا بينا. في المطعم. أحمد.. هاي ديجا. وسحب لها الكرسي وباس إيدها. ديجا بفرحة.. هاي يا أحمد. أحمد.. بس شكلك أحلى بكتير بالمكياج. مريم.. أنا قولتلها كده يا أحمد، وكمان قولتلها إنها تقلع الحجاب لأن لسه بدري على الخنقة دي. أحمد.. فعلاً يامريم معاكي حق.

ديجا.. يا جماعة أنتم بتقولوا إيه! أنا قلعت الخمار والدريسات بالعافية ومش هقدر أقولهم أنا عايزة أقلع الحجاب. أحمد.. إيه رأيك تقوليلهم عندي مشاكل في فروة راسي والدكتور قالي مش هينفع ألبس الحجاب، مع شوية تمثيل وعياط ولازم أنزل الكلية وهـيصدقوكي. مريم.. فكرة من دهب، إيه رأيك يا ديجا؟ ديجا بفرحة.. طبعاً يا جماعة موافقة، يا أخيراً هقلع الحجاب، لولا الفضايح كنت زغرطت. أحمد بخبث.. بقولك إيه يامريومة، ماتروحي تجيبيلنا عصير.

مريم بضحك.. ماشي يا عم، الله يسهله. أحمد بخبث.. تعالي ياديجا نتمشى وتعدلي مكياجك. ديجا بكسوف.. ماشي يلا بينا. وراحوا الحمام. بعد نص ساعة. مريم بضحكة خبيثة.. الله يسهله يا عم، نص ساعة في الحمام ليه، بتعملي مكياج جديد! ديجا.. بس يارخمة، وبعدين أنتِ ووليد بتعملوا أفظع من كده، كان حد اتكلم. أحمد.. يا ديجا يا جامدة، يلا بقي بينا نروح الكلية عشان اتأخرنا. ديجا.. أنا هروح، فكك من حوار الكلية دا. أحمد.. ماشي ياروحي. وحضنها.

مريم.. إيه يا عم راعي شعوري وابعد كده عن صاحبتي. وحضنتها. مريم بصوت واطئ.. دي فرصة العمر يا ديجا، فكّي كده وانسي أي حاجة، أحمد فرصة العمر هااا. ديجا بفرحة.. ماتخافيش، أنا عارفة أنا بعمل إيه، يلا باي. في بيت ديجا. محمد.. مالك يا ديجا بتعيطي ليه وطرحتك مفكوكة.

ديجا بتمثيل وعياط.. فروة راسي بايظة يابابا وبتجيب دم، وأما روحت للدكتورة قالتلي لازم مـألبسش حجاب لمدة شهر، وعندي محاضرات وامتحانات عملي في الكلية ومش عارفة أعمل إيه. محمد بحنان.. طب مفيش حل يا بنتي تاني غير قلع الحجاب. تهاني.. جرا إيه يا محمد، عايز البت تموت نفسها عشان الحجاب. محمد.. مش القصد يا تهاني بس. تهاني.. ولا قصدك ولا نيلة، بنتي مش هتلبس الحجاب تاني إلا على جثتي.

ديجا.. طلعت تجري على أمها بفرحة.. مش عارفة أقولك إيه بجد يا ماما، شكراً. تهاني.. العفو يا روحي، أهم حاجة تكوني مبسوطة، انزلي بكرة اشتري هدوم جديدة ودلعي نفسك، أنتِ لسه صغيرة. طبعاً الأب ضعيف الشخصية. في أوضة ديجا. بعد الفجر. أحمد.. هاي ياروحي، معلش اتأخرت عليك. ديجا.. ولا يهمك يا قلبي، أهم حاجة محدش يسمعك. ديجا بفرحة.. لا طبعاً، بابا نايم وكان بيغطيني من شويه وعملت نفسي نايمة، وماما بتنام بدري.

أحمد بخبث.. بقولك إيه، ماتسيبك من دا كله وتقوليلي لابسة إيه؟ ديجا بتمثيل.. بس بقي، وبعدين بتكسف. أحمد في سره.. وأنت وش كسوف خالص، طبعاً ياقلبي، بس انت هتبقي مراتي ولا مش واثقة فيا. ديجا.. لا طبعاً واثقة فيك. وبتحكيله تفاصيل لبسها. أحمد.. وبعدين بقي ف التشويق دا، بقولك إيه، ماتيجي نتجوز. ديجا بفرحة واستغراب.. إزاي! أحمد.. بسيطة يا ستي، هتقوليلي زوجتك نفسي وأنا أقولك قبلت زواجك. ديجا.. وده ينفع؟ أحمد.. أيوه ينفع.

ديجا بفرحة وطمع.. موافقة، بس هتتقدملي صح؟ أحمد بخبث.. طبعاً يا ديجا، بس مش دلوقتي عشان ظروفي، يلا. ديجا.. زوجتك نفسي. أحمد.. وأنا قبلت زواجك. طبعاً كل ده غلط. ديجا.. أنا بجد مبسوطة، أخيراً اتجوزنا. أحمد بخبث.. وأنا كمان ياروحي، إيه رأيك تجيلي شقتي بكرة. ديجا بخوف.