رواية ليتني لم اذهب الفصل الأول 1 - بقلم رحمه العواني

كانت بتحاول تفهم الاستقبال إنها حاجزَة أوضة في الأوتيل، بس لأنها مبتعرفش تتكلم ألماني، فهي مكنتش فاهمة. وشوية ووقفت على جنب لحد ما تشوف حل للمشكلة دي. ايلين: يالهوي على حلاوتك، هو كل الألمان حلوين كده؟ لا أكيد مش كلهم، بس ده قمر، يخربيت حلاوة أمك يا أخويا. بص يزن ليها وابتسم. اتصدمت أول ما شافته كده، عرفت إنه فهم كلامها. ايلين: يالهوي، طلع بيفهم مصري! يارب لا يارب ميكونش فهمني. قرب يزن

منها ومد إيده يسلم عليها: أنا يزن المهدي، صحيح أنا من أصول مصرية بس عايش هنا من زمان جداً، بس بفهم عربي كويس. وبالنسبة للشكل فتقدري تقولي إن واخد ملامح أمي لأنها ألمانية. ايلين: (بصوت واطي) يارب الأرض تنشق وتبلعني. يزن بإبتسامة: بتقولي حاجة يا... صحيح اسمك إيه؟ ايلين: أنا لازم أمشي دلوقتي. يزن بإبتسامة: متأكد إننا هنتقابل تاني. ايلين مشيت بسرعة من قدامه.

يزن بصوت عالي نسبياً: صحيح يا آنسة، أنا اتكلمت معاهم بخصوص الأوضة، وريهم بس الحجز واستلمي الأوضة. وغمز لها بعنيه. بصتله إيلين بعصبية وتوتر ومشيت استلمت الأوضة وطلعت. ايلين: بجد انتي غبية! حطيتي نفسك في موقف لا تحسدي عليه. قلبها: على فكرة عادي يعني، انتي عرفتي منين إنه بيفهم عربي؟ الله مش ذنبك. عقلها: لا ذنبك، لأنك هربانة بسبب الحب. نيجي هنا نقع في نفس المصيبة. قلبها: هو بصراحة قمر، بس أنا محبتهوش، هو أنا أعرفه أصلاً.

عقلها: انتي بتقولي كده في الأول، وبعد كده بتقعي على بوزك وكلنا بنتسحل معاكي. بدل ما تحمدي ربك إنها عدت على خير المرة اللي فاتت. فجأة مسكت إيلين دمغها وبصوت عالي: بس كفاية بقى، اسكتوا! مكنش موقف حصل، الله! ابتدت ترتاح شوية وترص هدومها في الدولاب وقعدت تتفرج على التلفزيون. سمعت خبط على الباب وفتحت، لقت العشاء استلمته ودخلت. ايلين: والله جيتوا في وقتكم! أنا هموت من الجوع.

أكلت وعملت القهوة اللي بتحبها، وخدت الكتاب وطلعت البلكونة علشان تقرأ شوية قبل ما تنام. وقرأت شوية وسمعت صوت عالي تحت. شافت صحافة وتصوير وكان في حد مهم وسطهم والحرس بيحاولوا يحموه من الناس. ولقيت واحد نازل من العربية اللي بيحموها الحراس. دقت في ملامحه. ايلين: (لنفسها) لا أكيد مش هو. بتركز تاني، لقت في بنت نازلة معاه من العربية وكل الكاميرات والصحافة متوجهة عليهم.