رواية ليتني لم اذهب الفصل الثاني 2 - بقلم رحمه العواني

ايلين: ايه ده مين دي؟ يوووه، وأنا مالي أعرف هي مين؟ ليه؟ دخلت ايلين علشان تنام وبتحاول تنسي الموضوع ومتفكرش فيه. ايلين وهي على السرير وبتحاول تنام: يعني مين برده اللي كان ماسكها من إيدها دي؟ ما كده مش هينفع، الفضول هيقتلني. عقلها: ما خلاص نامي بقي، انتي مالك تعرفي ليه أصلاً؟ قلبها: عادي، مجرد فضول. ايلين: هو فعلاً فضول مش أكتر. قلبها: أنا عندي فكرة، إيه رأيك ننزل برنامج ترجمة وننزل نسأل الاستقبال ونشوف مين دي؟

ايلين بفرحة: الله، فكرة حلوة، يلا. عقلها: اسكت بقي، انت هتوديها في داهية زي كل مرة. ايلين: اسكت انت بالله عليك، أنا هنزل. لبست ايلين ونزلت لتحت ووقفت عند الاستقبال ولسه بتطلع الفون. يزن: أنا قولتلك خلاص، علاقتنا انتهت يا لينا، وأنا جبتك هنا علشان تهدي وتتكلمي براحة، مش علشان تضغطي عليا وتجيبي الصحافة هنا. لينا بعصبية: هو مش بمزاجك تنتهي وقت ما تحب وتبدأ وقت ما تحب. وكملت بتحدي: أنا فعلاً بضغط عليك.

يزن ببرود: ضغط بضغط، أنا هوريكي. لينا بعصبية وصوت عالي: انت هتستاهبل يا يزن. يزن: أمال انتي عايزة إيه؟ بقالي سنة بقولك اللي بينا انتهى وإنتي مش عايزة تفهمي. لينا: علشان حبيتك من قلبي. يزن بسخرية: اللي يحب يعمل كده من وجهة نظرك؟ ولا يخون عادي؟ لينا: كانت غلطة يا يزن. كل ده وكانت الصحافة بتصور اللي بيحصل. لمح يزن ايلين وهي عند الاستقبال وبتسألهم عن حاجة. اتجه ناحيتها وقرب منها ومسك إيدها. يزن: عايزة تعرفي سبتك ليه؟

اهو أقدم لك حبيبتي الجديدة. ايلين بصتله بصدمة وعدم تصديق ولسه هتتكلم. قرب يزن من ودنها بلطف. يزن: من الأحسن إنك متتكلميش وتبتسمي للكاميرا، علشان مش عايز حبيبتي الجديدة تطلع مكشرة في الصور. وبعد عنها شوية وغمزلها بعينه. ايلين بصدمة وخوف من عدد الناس اللي حواليها: ابعد عني الناس دي. فجأة ابتدت تدوخ وأغمى عليها. لينا: أنا مش هسيبك يا يزن، وهخد حقي منك. تجاهلها يزن وشال ايلين بسرعة وطلعها الأوضة بتاعته.