رواية ليتني لم اذهب الفصل الحادي والعشرون 21 - بقلم رحمه العواني

رن تليفونه برقم غريب. طنشه أول مرة ورن تاني. فارس بتافف: هو في إيه بقى؟ ورد، وياريته ما رد. ولا حس وجع القلب اللي حسه في صوتها دلوقتي. إيلين بعياط: الحقني يا فارس. فارس بخضة من صوتها: في إيه؟ إيلين بنهيار: أنا في بيت يزن وعايز يتهجم عليا. الحقني. وفجأة الباب اتكسر. وإيلين كانت بتصرخ بأقصى ما عندها. فارس كان سامع ومصدوم: إيلين. إيلين.

ركب فارس العربية وساق بسرعة جنونية لدرجة إن العربية كانت هتتقلب بكذا مرة. وصل بيت يزن وبدأ يخبط عليها بجنون وهستيريا. فارس: إيلين. بدأ ياخد قرار إنه يكسر الباب وكسر الباب فعلاً. ولما دخل اتصدم. لقاها واقعة في الصالة وهدومها كلها متقطعة بشكل غريب. راسها كانت بتنزف وهو كان جنبها وغرقان دم. فارس جري على إيلين: إيلين. فوقي. إيلين. متسبنيش لوحدي.

كلم الإسعاف وخدوهم على المستشفى. دخلت إيلين أوضة العمليات. طلع الدكتور وجري عليه فوراً. فارس قام: طمني يا دكتور. الدكتور: خيطت لها الجرح واديتها مهدئ. وهي بقت أحسن شوية وتفوق. فارس اطمن عليها شوية وستنها برا وفضل قاعد برا شوية ودخل لما فاقت. فارس دخل: إيلين. عاملة إيه دلوقتي؟ إيلين بصتله بتعب وألم باين في عينيها ودموعها نزلت. قرب فارس منها: إنتي أحسن؟ حاسة بتعب؟ أنده للدكتور. إيلين بصتله وعنيها مليانة دموع.

فارس بخوف: إيلين. هو حصل حاجة بينكم؟ إيلين عيطت أكتر وبندم. فارس أول ما شافها كده حس إنه حصل حاجة. بقي يتنرفز وبدأ يخبط كل حاجة حواليه ويكسرها. فارس بعصبية: ليه رحتي له؟ ليه؟ شوفتي آخر حبك فيه عمل إيه؟ ليه يا إيلين؟ ليه؟ بدأت تعيط أكتر وبانهيار ومكنتش قادرة تتكلم وجسمها وإيديها بيترعشوا بتعب. قعد فارس على الكرسي وعمض عينه بتعب: قولتلك ملكيش دعوة بيه. ونصحتك. ليه تعملي كده؟ ليه يا إيلين؟ عيطت أكتر وانهارت بتعب.

فارس بعصبية: انطقي. قولي حاجة. حصل كده ولا محصلش؟ انطقي. مكنتش قادرة تتكلم أو تقول حاجة. كانت صدمتها أقوى بكتير. فارس طلع برا الأوضة وسابها. وفجأة شاف.