رواية ما وراء السطور الفصل السابع 7 - بقلم هنا سلامة

مش طايقة أعيش معاك، إرمي عليا يمين الطلاق يا تيام! لها تيام بقهرة وقال بزعيق: أنتِ طا.. مكملش جملته ولقاها بتصرخ وهي ماسكة راسها ولسة في حالة الجنون إلي بتصرخ بيها. نزلت على الأرض وهي بتعيط وبتشهق: مش قادرة يا تيام.. مش قادرة.. صوت جوايا بيقولي أبعد عنك.. يا تيام إلحقني! نزل على الأرض ومسك كفوف إيدها إلي كانت متلجة، رفع وشها إلي كان مليان دموع وأخدها في حضنه وهو بيمشي إيدُه على شعرها وهي بترتجف.

رفعت أناملها المرتجفة وهي بتلمس وشُه وقالت بشهقات بتحمل ندوب وخوف الليالي إلي فاتت: مش عارفة.. مش عارفة قولت كدة ليه.. أنا آسفة.. حقك عليا يا تيام.. لو أنتَ لعنـ*ة فأنا مُستعدة أكون ملعـ*ونة بيك وبسحر عيونك وقلبك لآخر يوم في عُمري. أنا بحبك.. بحبك وهفضل أحبك.. ومش هقولك مش هسيبك المرة دي. هقولك متسيبنيش أنتَ، أنا محتجاك أوي والله. قاومها تيام من على الأرض وباس جفون عيونها الدبلانة الوارمة،

وقال وهو بيسندها عليه: قومي اتوضي عشان أصلي بيكِ.. وبعدها هقولك عن كل حاجة في بالك. حركت راسها بمعنى ماشي ودخلت حمام الأوضة وبدأت تتوضى، وتيام دخل بعدها وهي لبست إسدالها بتعب وإرهاق. لحد ما خرج تيام وهو بيبتسم لها وقال بثقة: متخفيش، الكابوس دة هينتهي قريب بالدُعاء وبأمر من ربك.. وهنعيش حياة مُستقرة.. حياة تشبه الحواديت إلي كنت بحكيها ليكِ.

ابتسمت دهب ببراءة وهي بتفتكر حواديت تيام ليها، ف اتنهدت وفرشت المصلية وبدأوا يصلوا العشاء جماعة. لحد ما سلم تيام والتفت لدهب وهي بتسلم، افتكر لما كانت طفلة صُغيرة وهو بياخد باله منها وبيلعب معاها. لحد ما كبروا وبعدوا عن بعض بسبب القدر والظروف إلي دمرت كُل شيء جميل. كُل شيء نقي وبريء.. واتبدل كل دة بالسحـ*ر والشر والشعـ*وذة.

قرب تيام من دهب وقعد قُصادها على الأرض ف مسك إيدها وهي بترشف دموعها وهي شبه الملايكة بالحجاب وكأن وشها هدى وبقى صافي والتعب اتزال من عليه بعد الوضوء. تيام بتنهيدة حارة: هحكيلك كُل حاجة عشان نقدر نعدي من كل دة سوا يا دهب. فركت في إيدها بخوف وقالت بنبرة مُرتجفة ضعيفة: قول يا تيام. بدأ يحكي وهي حاسة إن عيونها بترمش، لكنها كانت سمعاه كويس. كان راكب تيام القطر وساند راسُه على الشباك بعد ما طلع من القرية.

مكنش عارف هيقعد فين في إسكندرية حتى، هو بس كل إلي يعرفوا إنه هيعرف يكمل جامعته هِناك. لكن سكن وشُغل، مش عارف.. والفلوس إلي معاه قليلة وكانت تحويشة من و هو في ثانوية عامة. فضل يعد الفلوس فوق بعض وهو بيتنفس بضيق، لحد ما خلصوا واتبقى جنية في إيدُه، بص لُه بسُخرية وابتسم بمرارة وجاي يحطه على الفلوس وقع على الأرض تحت رجل ست عجوزة لابسة بانص بُني قديم. نزل على الأرض عشان ياخد الجنية، لقى إيد تانية بتجيب الجنية.

كانت إيد حريمي ف اتعدل بإحراج وخجل وهي قالت بصوتها إلي مليان دلع ومياعة: اتفضل. مدت إيدها إلي كانت ضوافرها طويلة ولونها أحمر ليه، ف قال وهو باصص في الأرض ومبصش حتة في وشها: شُكرًا. اتكلمت الست العجوزة وقالت: دي بنتي، أنتَ شكلك مضايق أو مهموم.. لو فيك حاجة احكيلي.. يمكن أساعدك.

رفع تيام وشُه للست وأخد نفس عميق، وطبعًا مكنش يقدر يحكي عن مامته والسحـ*ر والشعـ*وذة عشان ممكن يخافوا منه وهو هرب من القرية لأجل نظرات الناس وتعاملهم معاه. ف قال بتوتر: أنا بس مسافر من قريتي عشان الجامعة بتاعتي، ومش لاقي سكن وفلوسي مش قد كدة ومقطوع من شجرة في إسكندرية وفي قريتي كمان.. ف مليش ولا حد يسلفني فلوس ولا حد أقعد عنده في إسكندرية. اتكلمت الست بمكـ*ر: طيب يبقى تيجي تعيش في بيت بنتي. اتكلمت البنت بغيظ: ماما!

دة البيت إلي هتجوز فيه! اتكلمت مامتها ببرود وعينها رامية على تيام: والعربي موجود. تيام فهم كلامها عشان ذكي، ف قال بصانعة لطافة: تقصدي إنك.. قاطعته العجوزة وقالت: أيوة دة قصدي.. شكلك فِطِن أوي، مش هينفع راجل غريب يقعد مع اتنين حريم لواحدهُم. أكيد الشيطان هيبقى ملازمك. تيام بخجل: لا استغفر الله.. أنا متربي كويس ولا دة هيريحك يبقى جواز على ورق.. وبعدها نطلق وأسلك طريقي أنا بقى. البنت بابتسامة

وهي بتلف شعرها على صابعها: اتفـقنا يا.. اتكلم بهدوء: تيام. حطت رجل على رجل وقالت بمياعة: أمممم، تيام. تيام بتنهيدة: وفي ليلة ملعـ*ونة شبه نجلاء دي تم زواجنا، وساعتها بقيت منهم غصب عني، واعترفت لهم بحياتي الحقيقية.

وبعد ما نجلاء خلفت ياسين بدأت تصارحني بأنها ساحرة، ساعتها كنت هطلقها عشان كدبت سنين وبدون مُبرر بس كانت حامل في هُدى وهددتني إنها ممكن تأذي هُدى، لذلك فضلت على ذمتي لحد ما ولدت وبعد ولادة هُدى بإسبوع كنت هطلقها لكِن صدف إنها و*لعت في نفس اليوم وأمها ماتت قبلها بشهر وكانت سا*حرة بردُه. دهب بخوف وارتجاف: يعني دة بيت مسكو*ن!!

كان لسة تيام هيتكلم لقوا إلي داخل عليهم وهو ماسك ياسين من رقبته ومعلق هُدى من رجليها وراسها تحت وهي بتصرخ!! وهو بيقول بجنون: أيوة مسحور! التفت تيام لُه وكان في د*م على شيميز الشخص دة وإيدُه كذلك. ف قالت دهب بصدمة وصريخ: سيب العيال يا حيو*ان! الله ياخدك.. الله ياخدك.. ربنا ياخدك يا مروان يا مريض! بدأ تيام يقرب من مروان ف قال مروان بتهديد: هرمي البنت على الأرض.. هرميها!!

صرخت دهب وتيام بيقرب ومروان بيبعد والأرضية الخشب بتعمل صوت مع حركتهم ودهب بترتجف من الخوف. ف ساب مروان رجل من هُدى ف بقى ماسكها من إيد واحدة، ف بلع تيام ريقه وصرخ في وشه: يا ابن الـ***** قرب تيام خطوة كمان ف ساب مروان رجل هُدى و...