رواية ما يخبئه لنا القدر الفصل العاشر 10 - بقلم زينب رشدي

ملك: كلكم بتزعقولي ليه. أنا اللي تعبانة مش أنتوا. لو مت، مالكمش دعوة. هو حرام أخرج؟ هفضل طول عمري أحسب حساب لكل حاجة. طلعت ملك أوضتها. آية: أنا هطلع أشوفها. هيثم: لا خليكي. شوفها أنت يا عمر. أعتقد أنت اللي هتفرفشها. عمر: طيب. صحيح يا آية، عملتي اللي قلتلك عليه؟ آية: آه. وبكرة يبقى هنا. هيثم: متقلقش. كل حاجة هتجهز. روح شوفها بس. طلع عمر وخبط ودخل. لقاها بتبكي. دخل بسرعة وحضنها بقلق وندم.

عمر: أنا آسف يا حبيبتي. متعيطيش. والله غصب عني. أنا خوفت عليكي. آسف. آسف. ملك: أنا مش زعلانه منك يا عمر. أنا خايفة. خايفة أوي. خايفة أموت. أنا مكنتش خايفة الأول. مكنش يهمني. بس دلوقتي لا. أنا عايزة أعيش. عايزة أفضل معاكم. عايزة أكمل معاك يا عمر. أنا بحبك أوي. عمر: إششش يا حبيبتي. اهدي. هنكمل والله. وهتعيشي وهنتجوز ونجيب أطفال كتير.

ملك: مش عايزة أعيش على الأمل. أنت عارف لما شفت الفستان الفرح النهاردة، حلمت أعيش عشان ألبسه. عمر: حبيبتي متقوليش كده. كلامك بيقطعني والله. أنا بحبك أوي. هنكمل. ملك: عايزة أنام. عمر: ملك، انتي كويسة؟ ملك: عايزة أنام. عمر: طيب. خدي علاجك ونامي كده. أخدت العلاج. وأول لما عمر جاه يخرج عشان تنام، وقفته. ملك: عمر. خليك جنبي لحد ما أنام. عمر: حاضر يا حبيبتي. نامي. متقلقيش. أنا جنبك. ملك: بحبك.

عمر: وأنا بعشقك يا قلب عمر. كلامك متعرفيش عمل فيا إيه والله. أنتِ لو حصلك حاجة، ممكن أموت. ربنا يديمك في حياتي ويشفيكِ. عمر فضل معاها. مرداش يسيبها ونام على الكنبة. تاني يوم صحيت ملك وشافت عمر نايم على الكنبة. ملك: فضل معايا. مسبنيش. بحب حنيتك يا عمر. بحب طيبتك. بحب انعزالك على الناس. بحب جديتك. بحب عصبيتك. بحب كلامك. بحب كل حاجة فيك بجد. قربت منه عشان تصحيه. ملك: عمر. عمر. عمر: صباح الورد.

ملك: صباح النور. أنت بتصحى بسرعة ليه؟ عمر: أومال عايزاني أقعد ساعة زيك. ملك: إيه تقصد بكلامك ده؟ عمر: مقصدش يا حبيبتي. المهم انتي كويسة دلوقتي. ملك: اممم كويسة. بس أنت زعقتلي امبارح. عمر: أنا آسف. بس والله من خوفي عليكي. ملك: عارف. طب أنا كنت جايبالك هدية. أدهالك إزاي وأنا زعلانة منك دلوقتي. عمر: حبيبتي مقدرش على زعلك. ملك: خلاص. مسامحاك. مش زعلانة. قامت ملك وجابت علبة وأعطتها لعمر. ملك: يارب تعجبك.

عمر: طالما منك، تبقى هتعجبني. فتح عمر العلبة، وكان محتواها ساعة كان معاه واتكسرت، وكان بيحبها. وإزازة برفان من نوعه المفضل. عمر: عشان كده اتأخرتي. ملك: فضلت كتير أوي أدور عليها. أنت كنت زعلان عليها أوي. عمر: أنا بحبك أوي. ملك: عجبتك بجد؟ عمر: دي تحفة. وكمان البرفان اللي بحبه. ملك: فرحانة إن عجبتك. عمر: كفاية إنها منك. ملك: استحليتها أوي. اطلع برا يلا. عايزة أغير. عمر: مش عارف أقول إيه. عديمة الرومانسية بجد.

ملك: أنا عديمة الرومانسية. اطلع برا بقا. خرج عمر. وملك غيرت ونزلت. لقتهم كلهم على السفرة. ملك: صباح الفل يا أونكل الصغنون أنت. صابر: صباح الخير يا ستي. ملك: آه ما هو أنا مش مقتنعة إن الدكتور يبقى ابنك. هيثم: شكلك زعلانة مني يا ملك. مصبحتش. وكمان بتقولى دكتور مش دوك ولا دكتره. ملك: لا عادي. صباح الخير عليكم كلكم. آية: خلاص سيبكم من النكد ده. وخلينا نحضر الفرح بتاع النهاردة. ملك: فرح مين؟

آية: واحدة صاحبتي. وكلنا معزومين. ملك: لا مش هينفع. نتأخر والدكتور يزعل. هيثم: الدكتور بنفسه جاي معاكم. ملك: إيه رأيك؟ عمر: نروح. وأهو نرفرف. ملك: خلاص نروح. آية: أشطا. يلا بقا عشان يومنا طويل. ملك: طويل ليه معلش؟ آية: لسه هنروح البيوتي سنتر. نعمل ماسكات للبشرة. ونعمل شعرنا. ونعمل ميكب. ملك: محسساني إننا العرايس. آية: وأحلى. ثم يا ملك، أنتِ بقالك كتير في المستشفى. وأكيد بشرتك وشعرك تعبوا.

ملك: على رأيك. أنا نسيت الماسكات والمرطبات والله. آية: طيب يلا بقا. ملك: طيب نجيب فستان الأول. آية: متقلقيش. الفساتين في الدراي كلين. أول لما نخلص ميكب، هيكون وصل. ملك: ده أنتِ مظبطة بقا. كإن كنت متأكدة إننا هنروحه. هيثم: خلاص روحوا يلا عشان متتأخروش. روحوا البيوتي سنتر. وعملوا ماسكات للبشرة. وكل واحد عمل شعره وغير تسريحة شعره. وبدأوا في الميكب. وجاء وقت ملك تلبس الفستان. ملك: ي لهوي يا آية. أنتِ بتكلمي بعقلك؟

اشتريتي الفستان اللي كان عجبني امبارح. آية: آه. وماله؟ ملك: ماله إزاي بس. ده فرحي مش فرح صاحبتك. إزاي عايزاني ألبسه؟ مستحيل يا آية. مينفعش. مش كفاية الميكب اللي عاملتيه. آية: والله مفيهوش حاجة. عندنا عادي. ملك: لا. مش هلبسه. إن شاء الله مروحش. آية: عشان خاطري البسيه. والله مفيهوش حاجة. ملك: لا يعني لا. كلمت آية هيثم وعمر. وقالتلهم. وجالهم. هيثم: في إيه؟ آية: مش عايزة تلبس الفستان اللي اخترته. هيثم: ليه؟ ما هو حلو.

ملك: يا جماعة. أنتوا مالكم. ده فستان فرح. هيثم: والله عندنا عادي. يلا بس عشان عمر برا ومستني برا. ملك: طيب. طيب. هتنيل. لبست ملك الفستان. وكانت في قمة الجمال. وخرجت برا. واتفاجئت ببدلة عمر وشكله المنسق. وبوكيه الورد اللي ماسكه. ملك: هو في إيه؟ عمر: وخشيت على قلبي. التورط في الحب. فلما رأيتك همس قلبي: يا لجمال التورط. عمر: بجد أجمل واحدة شفتها عيني. وفجأة عمر ربط عينها. ملك: عمر.

عمر: إششش. هتفهمي كل حاجة بعد ساعة واحدة. ملك: عمر. أنت بتعمل إيه؟ عمر: هتعرفي كل حاجة دلوقتي. ركبها عمر العربية. وبعد ساعة كانوا وصلوا. وصلها في مكان. وكانت الأنوار هادية جدا. لدرجة إنهم شايفين بعض بالكاد. وفك الرباط. ملك: ممكن تفهمني. في إيه؟

عمر: أحببتك لدرجة يصعب عليك فهمها. حب غيرني كثيراً. جعلني أشعر بالأيام والساعات. أشعر بالغيرة والشوق. أشعر بكل حرف في كل كلمة أرسلتها لي. أصبح يومي لا يمضي إلا بك وبصوتك. لا أريد أحد يشاركني فيك. أنتِ شيء يخص قلبي فقط. أنتِ سر بيني وبين قلبي. ملك: عمر. عمر: تقبلي تتجوزيني؟ يا أجمل وأرأى نساء العالم. تقبلي تتجوزيني وتزينى أيام حياتي بالسعادة والحب معاكِ. تقبلي تتجوزيني يا نور عيني وروح قلبي وحياتي كلها.

ملك: موافقة. موافقة. لبسها الخاتم. وشالها بسعادة. وفضل يلف بيها وهو بيكرر كلمة واحدة: بحبك. اتفتحت الأنوار. ونزلها عمر. ولكن لسه قريبة منه. واتفاجأت بوجود أهلها وأصحابها. ملك: عملت كل ده عشاني؟ عمر: أعمل أي حاجة. المهم تبقي مبسوطة يا حبيبتي. آدم: خلاص. أنت استحليتها. ابعد عن أختي. عمر: أختك دي هتبقى مراتي. آدم: لما تبقى بقا. عمر: إحنا فيها. فين المأذون؟ أيمن: يا حبيبي استنوا شوية.

عمر: والله يا عمي ما هقدر. جوزونيها أحسن أخطفها. آدم: ده بيهددنا. أسماء: اسكت ي ولد. وافق ي أيمن. أيمن: إيه رأيك يا ملك؟ قبل ما ترد ملك، كان عمر قرصها من وسطها. وبالتالي ملك ردت بصوت عالي من الألم: اااااه. عمر: اهو وافقت. أسماء: لولولولولولوي. عيشت وشوفت فرحكم. ملك قعدت جنب آدم متوترة وفرحانة وخايفة. كل حاجة وعكسها. خرجها من شرودها كلمة عمر. عمر: متخفيش. أنا جنبك. آدم: احم احم. طيب إيه؟ عمر: فين المأذون؟

هيثم: موجود من ساعة. آدم: ي بنى المجنونة. عمر: اسكت أنت. إيه رأيك يا قلبي؟ أنا بصراحة مش عايز أتقيد. وعايزك تبقي على اسمي النهارده. ملك: بس يا عمر. أنا مش جاهزة. استني على الأقل نخف. عمر: هنخف. دقائق. وكانت ملك بتسمع كلمات المأذون المشهورة: بارك الله لكما وجمع بينكم في خير. هيثم: مبروك يا ملك. آية: مبروك يا ملك. تعبتينا. ملك: صحيح. أنا عايزة أعرف خططتوا لكل ده إزاي؟ هيثم: عمر يحكيلك. هي كانت فكرته.

ملك: بتخطط من ورايا يا عمر؟ عمر: مكنتيش هتوافقي. وبصراحة كان نفسي أعمل حركة مجنونة. يعني جات عليا. أيمن: مبروك يا حبيبتي. ربنا يتمم لكم على خير. عمر جدع وشريكي. ومن أول يوم جاء وطلبك مني. ملك: بجد؟ آدم: اومال عمر راجل. ومحبش يعمل حاجة من ورانا. أسماء: وأنا أول لما شفته حبيته. عمر: والله أحرجتوني يا جماعة. عائشة: بجد فرحانة إنكم بقيتوا لبعض. أنا بحب ملك أوي. عمر: اتصاحبتوا انتوا؟ ملك: اومال إيه. ماما دي حبيبتي.

عائشة: ربنا يعلم. بعتبرها زي بنتي. ملوكة القمر دي. عمر: ربنا يباركلي فيها. وخلص الفرح. وكل واحد مشي. بس عمر أخد ملك وقعدوا في مركب. ملك: احكيلي كل حاجة.

عمر: بصي يا ستي. فاكرة لما آدم كان عندنا. وقولته بكرة أكون عندك في المعاد. كنت متفق معاه نزور أهلك. وروحت تاني يوم. اتكلمت معاهم. واتكلمنا في كل حاجة حرفياً. وكانوا قلقانين عشان تعبانين. وعشان الزفت اللي كنت مخطوبة له. ليكون لسه بتحبيه. المهم صممت إننا نرتبط دلوقتي. وإنك بتحبيني. وقولتلهم يجولنا على أسوان. وروحت لدكتور هيثم. وفهمته. وهو شجع الفكرة عشان حالتنا النفسية. وعشان حاسس إننا بنحب بعض بجد. وده هيشجعنا نخف بسرعة. وهو اتفق مع آية تخرجك. وتشتروا لبس. وأه صحيح. آية دي حبيبت دكتور هيثم. ومستني مشروع ينجح ويتجوزوا. بس ي ستي. وعشان كده كنت بقول لآدم قبل ما نيجي. متقولهاش. كنت عايز أفاجئك. وأنتِ مصممة تعرفي مخبية إيه. عايزة تخربي المفاجأة.

ملك: أنا مش عارفة أقولك إيه. كل ده عملته عشان تفرحني. أنا بجد مش عارفة أوصفلك إحساسي. عمر: مش عايزك تتكلمي. كفاية إن شفت فرحتك. وإنك بقيتي على اسمي. ملك: بتحبني لدرجة دي؟ عمر: أحببتك حتى إني، جعلتك شيئاً أستمد منه الفرح. وأجدد به طاقتي من سواد الحياة. ولو بقليل من محادثتك. أحببتك بغرابة. ملك: طيب أرد أقول إيه دلوقتي؟ عمر: أنا هرد. ملك: المنظر حلو أوي بالليل. عمر: المنظر حلو بوجودك. ملك: عمر. ابعد.

عمر: هههه. والله ما هبعد. ده أنا مصدقت. ملك: عمر. أنت قليل الأدب. عمر: عارف يا حبيبتي. ومتخلينيش أفرجك على باقي المنيو. ملك: منيو؟ عمر: آه. منيو قلة الأدب. ملك: هااا؟ أنت إيه حصلك يا حبيبي؟ مكنتش كده. عمر: ي لهوي على الجمال. طيب نتفق. عايزاني أبقى محترم ومدخلش عليكي. حبيبي وعمر. ووشك الأحمر ده ميتحولش. واحنا لوحدنا. ملك: يعني مش عايزني أقولك حبيبي. ولا يا عمر. ولا عموري. ولا قلبي. ولا أدلعك؟ عمر: هااا.

ملك: مقولكش حبيبي. عمر: أنتِ تقولي اللي عايزاه. ملك: طيب. عمر: مكن حلوين. ملك: يلا نمشي يا عمر. عايزة أنام. عمر: هو أنا مقولتلكيش. ملك: تقول إيه؟ عمر: أنا قررت نبات هنا. أو سوري. نقعد سهرانين هنا لحد الصبح. ونشوف الشروق. ملك: بتهزر صح. عمر: أخدها من إيدها. وقعدوا على الأرض. وقعدها في حضنه. وضهرها بقى على صدره. ملك: عمر. عمر: ي عيون عمر. متفكريش في حاجة. ملك: عمر. أنا بحبك. عمر: عايز وعد. ملك: وعد إيه؟

عمر: اوعي تخوفيني عليكي يا ملك. اوعي تختبري حبي ليكي. اوعديني إن حبنا هيكمل. اوعديني إن حبنا هيكون أقوى من المرض والزمن. اوعديني. ملك: ...... عمر: ملك. ملك: خايفة. أوعدك يا عمر. مقدرش. اقترب منها عمر ووضعه إصبعه على فمها، كأنه يترجاها ألا تبوح بما يؤذي. ونظر لها نظرات بث فيها تعبه واشتياقه وحبه الكبير، وكأنه يقول لها أنها ملكه للأبد. ومسك يدها بحنان وحب. عمر: أوعديني يا ملك. ملك: أوعدك.

نظرة لها نظرة طمأنينه وخوف. وهو يفكر في كلامها عن الموت. وعندما وصل عند نقطة أنها سترحل وتتركه، ظهر على وجهه الألم والحزن. وضغط على يدها أكثر وأكثر. أحست ملك بما يشعر به: أنت كويس يا عمر؟ عمر: أنا مش عايزك تسبيني يا ملك. وهي تبث في قلبه الطمأنينه: أنا بحبك أوي يا عمر. وبتمنى من ربنا أن مأسيبكش أبدا.