رواية مع اختلاف الطبقات الفصل الرابع 4 - بقلم ندى الجارحي

فهد: منك لله ي شيخ أنا نسيت أقولك عليها، طب كنت اتصل بيا اسألني حتى، أي القرف ده. فهد قفل السكة في وش عمرو وقال لياسمين خطيبته: إحنا لازم ننزل مصر حالاً. ياسمين: ليه فهد؟ حكالها اللي حصل. ياسمين: وفيها إيه يعني؟ ما تمشي ولا تغور في داهية، إحنا مالنا. فهد: يعني إيه مالنا ي ياسمين؟ بقولك البت متعرفش حاجة هنا وملهاش حد. ياسمين: ي سلام، ومن امتى الحنية دي. فهد: ياسمين اتعدلي في كلامك ويلا عشان ماشيين. ياسمين: يووه، حاضر.

بعد ساعة كان فهد وصل هو وخطيبته. فهد: يلا بقى ي ياسمين، هوصلك عشان أروح أشوف الموضوع ده. ياسمين: طب ما كنت بعت حد يعمل كدا، اشمعنى تروح إنت بنفسك. فهد: أنا مش هتكلم عن الموضوع ده تاني، يلا انزلي. ياسمين نزلت وهي متعصبة منه. فهد راح العمارة اللي فيها عشق لقى البواب بيناديه. فهد: نعم. البواب: اتفضل. فهد: إيه ده؟ البواب: معرفش ي أفندم، الظرف ده أستاذة عشق سابته لحضرتك. فهد: تمام، روح إنت.

فهد فتح الظرف لقي فيه مفتاح الشقة والتليفون وورقة مكتوب فيها: "أول حاجة حبيت أشكرك ع العشم اللي عشمتني بيه، وجبتني من بلدي ع أمل إني خلاص هستقر هنا، وف الآخر خليتني زي اللي رقصت ع السلم، لا فضلت في بلدي ولا لقيت حتة هنا أستقر فيها، شكراً آوي لحضرتك، بس نصيحة مني، طالما مش قد الوعد متوعدش حد، عشان اللي بيخون الوعد ده حسابه بيبقى كبير آوي". فهد قرأ الرسالة وبعدين مش عارف يعمل إيه، ولا يدور عليها فين.

فهد فضل ماشي بالعربية ع أمل إنه يلاقيها. وراح مركز الشرطة وبلغ بالكلام ده عشان يدوروا عليه. تليفون فهد بيرن. فهد: الو ي عمرو. عمرو: بقولك أنا بدور عليها ومش لاقيها. فهد: أنا نزلت مصر ي عمرو. عمرو: ليه يبني؟ حصل إيه؟ فهد: عشان أدور ع عشق. عمرو: وخطيبتك؟ فهد: مالها؟ عمرو: هتسيبيها بالسهولة دي عشان قابلت واحدة عجبتك وهانت عليك؟ فهد: ولا مش ناقصة غباء، هي حبت مين وبتاع مين، أنا وخطيبتي زي ما إحنا، وحددنا معاد الفرح كمان.

عمرو: مبروك ي صاحبي. فهد: الله يبارك فيك. عمرو: بس أنا اللي عايز أعرفه، إنت شاغل بالك بيها كده ليه؟ فهد: يووه، اقفل ي عمرو، أنا مش ناقص غباء والنبي. فهد قفل السكة وبرضو مش عارف يدور عليها فين. فجأة شاف واحدة لابسة نفس الدريس اللي جايبه لعشق، ترى هتبقى هي عشق ولا لأ؟