رواية معادلة حب الفصل الرابع 4 - بقلم دعاء احمد

كافيه أسر: ناويه على ايه؟ هتشتغلي مع عز ولا هتخلعي؟ شجن: اشتغل عند مين يا ابني؟ بقولك كان هيموتني، دا مجنون! أنا هروح أقدم استقالتي. منك لله، منك لله يا بعيد. أسر: حرام عليكي يا شيخة، أنا ذنب أمي إيه؟ شجن: ذنبك إيه؟ مش أنت وافقت على شغلي؟ وليتني أمضي العقد. منك لله يا بعيد، ربنا ياخدك. أسر: (ضحك) عندك حق، دا عز الشناوي. مفيش واحدة بترضا تشتغل معاه، بيخافوا منه. شجن: (بغيظ) واد انت، امشي من خلقتي. جاتك الارف.

أسر: على فكرة، أنا اللي عازمك. يعني لو قمت، انتي اللي هتحسبي. شجن: حبيب قلبي، كنت قول كدا من الصبح. أسر: واطية أوي. شجن: (بصوت عالي) واد انت احترم نفسك! أنا أصلا مش عارفة أعمل إيه في المصيبة دي. استر عليا يستر عليك ربنا. (وبتلفت عينيها، لقيت الكل متنح معاها) أسر: (يهمس) منك لله يا جاموسة. دي صداقة تعرش. شجن: إيه يا ختي انت وهي؟ متركزوا في نفسكم. دا إيه الارف دا. أسر: (يمسح على وشه بغضب) الحمد لله اتفضحتش.

شجن: اطلب أكل يا ابني عشان أعرف أفكر هعمل إيه. أنا هلقيها من أحمد ولا من عز؟ أسر: أحمد مين؟ شجن: (بحزن بتحاول تداريه ورا كلامها) أحمد. هههههه، أحمد دا كان بالنسبة ليا عشق العمر، لكن مفيش حاجة بتفضل على حالها. أسر: كان زميلك؟ شجن: كان ومازال جوزي. أسر: متجوز؟ شجن: وعلى وشك الطلاق. أسر: طالما بتحبيه، ليه عايزة تنفصلي عنه؟ شجن: مش دايما بيكون لازم نفضل مع الحاجات اللي بنحبها، وخصوصا لو هما محبوناش وحبوا غيرنا.

أسر: ااااامممم... تروحي ملاهي؟ شجن: (بضحك) انت متأكد إنك أخو هولاكو؟ أسر: ياله بينا. شجن: ياله، بس استنى. أسر: إيه؟ (شجن بحركة سريعة فكت شعرها اللي لميته فوق راسها، وكانت قمر) أسر: (بصلها وضحك وحس بحاجة غريبة) شجن: ياله بينا. راحوا الملاهي وانبسطوا جداً، وشجن حست أن أسر مجنون بس طيب، لكنه ذكي عارف إزاي ينبسط. بالليل شجن: مع السلامة يا كبير. وصلت. أسر: انتي قاعدة في فندق؟ شجن: مؤقتاً يعني.

أسر: تمام. ياله، بكرة عندك شغل. شجن: بلا مبلاه. هقدم استقالتي. سلام. أسر: سلام يا مجنونة. في إسكندرية مريم: أحمد، انت بتحب شجن ولا لأ؟ أحمد: لأ، هي بالنسبة ليا صحبت عمر. مريم: طلقها لو عايزها. هي كمان سابتلك كل حاجة. لو سمحت طلقها. أحمد: شجن... مريم: يا أنا يا شجن يا أحمد، لو سمحت اختار. أحمد: أنا بحبك. مريم: مبسوطة لو بتحبني. طلقها بعد إذنك. الصبح شجن: (صحت متاخر) اااااههههه... الجو تلج كدا ليه؟

ما كان حلو امبارح. وأنا بقول بحب الشتا عشان أرقص تحت المطر. أنا عايزة أفضل نايمة، بس لازم أروح الزفت الشركة. قامت لابسة هدومها، بنطلون أسود واسع، بلوزة لونها أبيض، وبالطو أزرق، ولمت شعرها ديل حصان، وجهزت استقالتها. وصلت الشركة وهي مرعوبة من عز. شجن: لو سمحتي، أقدم استقالتي فين؟ موظفة الاستقبال: مش انتي البنت بتاع امبارح؟ شجن: آه، لا، قصدي أقدم استقالتي. الموظفة: أستاذ عز قالب عليكي الدنيا. اتفضلي. شجن:

(احيه احيه منك لله يا أسر) شجن ماشية ورا الموظفة وهي نفسها تجري على برا. خبطت على مكتب عز وكان قاعد مركز في تصميم. عز: (ببرود) الهانم شرفت. الموظفة: أيوه يا فندم. شجن: (لنفسها) يلهوي يلهوي يا كش تولع يا أسر. الموظفة: (بهمس) ربنا معاكي. شجن: امشي يا أختي، امشي بلا وكسة. دخلت بهدوء وعلى وشها ابتسامة (اللي هو أنا رايحة في داهية) عز: أهلاً بالهانم، منورة. ثم تابع بحدة: ساعتك كام؟ شجن: (لنفسها) أبو شكلك. الساعة حداشر.

عز: حلو، وهو حد قالك إننا شركة خيرية تفتح الضهر؟ معادك الساعة سبعة ونص تكوني على مكتبك ومجهزة لي القهوة بتاعتي. شجن: (بردح) ليه يا عينيا؟ هو حد قالك عني خدامة؟ لا فوق يا خويا، أنا أصل جاي أقدم زفت استقالة. عز: (بضحكة سخرية) وكمان فاشلة في أول مبادئ السكرتارية إنك تقري العقود اللي بتمضي عليها. شجن: عقد إيه؟

عز: عقد شغلك في الشركة. إنك لو حبيتي تقدمي استقالتك، لازم تقدميها وتنتظري شهر. في الشهر دا نجيب سكرتيرة بديلة. ولا انتي فاكرة شركة أبوكي؟ شجن: (يا ابن 🐶 يا أسر بتمضيني على العقد من غير ما أقرأه) عز: يعني دلوقتي لازم أفضل شهر كامل عشان أخلع من خلقتك اللي جابوك؟ عز: (في لحظة بقى قدامها ومسك شعرها بقوة) عز: (بغضب) بت انتي احترمي نفسك أحسن أد**فنك مكانك. شجن: (بخوف)

أهدي يا وحش، متبقاش قافش كدا. أنا أتفه من كدا بكتير. تحت أمرك. وماله نشتغل شهر؟ وماله يعني؟ عز: (كان عايز يضحك على شكلها ومناخيرها حمرا ومدفوسة في البالطو) شهرين مش شهر. شجن: (بزهق) متقرفناش بقى. ليه أن شاء الله؟ عز: شهر شغل وشهر قبل الاستقالة على مكتبك. وخلي في علمك هتفضلي أوفر تايم عشان التأخير. شجن: (بصت من الازاز لقيت الدنيا بتمطر) شجن: وماله يا باشا. دا حتى السما بتلع**ن اللي جابني وبتمطر. يعني هفضل في أرزقك.

عز: انتي متأكدة إنك معاكي خمس لغات؟ شجن: (بفخر وبتعدل شكلها) اوف كورس. عز: (بصلها بقرف) خدي الملفات دي، ظبطيها واعرفي مواعيدي. عايز كل حاجة تبقى زي الفل. لو لقيت غلطة، قولي على نفسك يا رحمن يا رحيم. شجن: (لنفسها) جاتك الارف. القيها منك ولا من حياتي المرككبة. عز: (بحدة) انجزي. راحت اخدت الملفات اللي على المكتب وخرجت.