رواية معالج قلبي الفصل الحادي عشر 11 - بقلم ندى علاء

تاني يوم بيصحا سليم على حركة ملاك. بيبص وبيغمض عينه، وبعدها بيفتح تاني وهو خايف يكون بيحلم. بعدها بيغمض عينه وبيفتكر كل اللي حصل بينهم امبارح، وأنها فعلاً رقيقة وملاك اسم على مسمى فعلاً. بيبصلها بخبث وبيبتدي ينكش فيها عشان تصحى. ملاك: يووووه سبيني شوية كمان يا ريم، عاوزة أنام. سليم: أبقى كدا. سليم بيقرب منها وبيبو’سه. ملاك: اعاااا.. سليم! وبعدها بتشوف وضعهم وبتفتكر اللي حصل، بتدخل جوه حضنه وبتكلم بكسوف: صباح الخير.

سليم بضحك: لا مش اسمها صباح الخير، اسمها صباحية مباركة يا عروسة. وبيوطي عشان يبو’س’ها. سليم: ودي كدا بقا صباح الخير بتاعتي. ملاك بخجل: سليم بطل بقا يوووه. سليم: قلب سليم من جوا يله عشان المدرسين هيجو يشرحولكو المنهج بتاعكو، عاوزك تركزي، واللي يقف معاكي تقوليلي عليه وأنا هفضّي وقت ليكي وأشرحلك كل اللي تحتاجيه. ملاك بفضول: امممم، انت بتعرف تشرح يا سليم كل المواد ولا بتضحك عليا؟

سليم: لا دا أنا شاطر أووي، وبذات في الأحياء. وبيكمل بغمزة: عجبك فيها أوووي زي ما انتي شايفه. ملاك بغيظ: قليل الأدب والله……. عند ريم قاعدة على أعصابها عشان تحكي لملاك كل اللي سمعته. ريم: يوووه هي ملاك كل دا نايمة؟ مبدهاش بقا، أنا راحة ليها. تقاطعها فاطمة: راحة فين يا ريم؟ ريم باستعجال: راحة لملاك يا دادة أشوفها، كل ده نوم! أي نايمين مقتولين ولا إيه؟

فاطمة: لا يا ريم مينفعش تروحي تقلقيهم يا حبيبتي، هما أكيد شوية كدا وهييجوا. شريف بيخبط عليهم. فاطمة باستغراب: مين هيكون بيخبط عليهم؟ فبتنادي وبتقول: ادخل. وبيدخل شريف، اللي أول ما ريم بتشوفه بتجري عليه وبتحضنه. بيستغرب شريف من ردة فعلها بس بيفرح أووي لأنه نفسه في الحضن ده من زمان، فبيباد لها الحضن بكل ترحاب. ريم بمرح: بابا شريف، انت كنت فين امبارح مشفتكش خالص.. على فكرة أنا بستنى الأندومي اللي وعدتني بيه.

شريف بتفاجؤ: قلب أبوكي. وبعدها تابع بحزن: أنا حاولت مظهرش قدامكم عشان سليم وانتوا تاخدوا راحتكم في البيت، بس بعد النهارده والحضن وبابا اللي قولتيها دي، وعد مني مش هغيب عنك، هتلاقيني كل يوم عندك، وستي الأندومي أهو. ريم بفرح: أحلى بابا شريف دا ولا إيه؟ وبتبوسه من خده. فاطمة في نفسها: هو في إيه؟ وإزاي ريم اتغيرت ناحية شريف؟ وبعدها بتتابع بحزن: ربنا يقربهم منك ويحببهم فيك يا شريف، انت تستاهل كل خير……

أحلام قاعدة بتحط مناكير وخالتها راحة جاية في الأوضة. أحلام: يوووه ي خالتي زهقتيني، راحة جاية جاية راحة، متهدي على نفسك كدا، أمال. زينب بعصبية: قسماً بالله يا أحلام كلمة كمان وهبعتك لأمك، وانتِ عارفة أمك هاااه؟ هترجعي لأصلك وهتسيبك من العز والنغنغة اللي انتي فيها وتروحي تخدمي في البيوت، لو نسيتي أفكرك يا بنت اختي. أحلام وهي بتفتكر لما كانت بتمسح سلالم العمارة اللي أمها بتخدم فيها: خلاص يا خالتي، قلبك أسود، لفي براحتك.

زينب: خمستاشر سنة بعدهم عن بعض مش هيجي في يوم وليلة، وحتة عيلة زي ريم بترجع علاقتها بأبوها تاني، البت دي خطر هنا، وانتِ مش قولتي إنك وريتي التقارير والفيديو لسليم؟ إزاي مخدش موقف لحد النهارده وساكت؟ بقؤلك إيه؟ تتصرفي، لازم سليم يعمل اللي اتفقنا عليه، لاما هتبقى طين على دماغنا كلنا. أحلام بخوف: حاضر يا خالتي، هخلص كل حاجة الليلة. زينب: تعجبيني كدا يا بنت اختي…..

سليم بياخد ملاك وبيروحوا لريم، اللي أول ما بتشوفه بتجري عليه. ريم بسرعة: يلا يا ملاك عشان أقولك كل اللي حصل. ملاك بتبرق ليها إنها تسكت ومش قدام أخوها. فاطمة بحنان: فطرت يا ابني انت ومراتك ولا حضرتلكوا فطار؟ سليم بيبصلها بقرف وبيتكلم ببرود، لأول مرة بيكلمها كدا: مليش نفس. ملاك باستغراب: بس انت قولتلي يا سليم إننا نازلين نفطر، وبعدين بتكلمي ماما فاطمة كدا ليه؟ سليم

بيجز على سنانه من ملاك: مش وقته كلام يا ملاك، مدرسين بتوعكو زمانهم جاين، افطري انتي وأنا رايح المستشفى. بيوقفه فاطمة بحزن: في إيه يا ابني؟ أنا عملت ليك حاجة زعلتك مني؟ سليم بيبصلها باستحقار: ياريتك زعلتيني، أنا بس انتي قتلتيني وغشتيني طول السنين دي، وعايشة معانا وعاملة دور الأم المثالية اللي ضحت بعمرها عشان تربينا، وانتي السبب إننا نتيم ونبقى من غير أم، انتي إيه شيطان؟ فاطمة بصدمة وهي بتحط إيدها على بؤقها

من الكلام اللي سمعته: أنا يا سليم الكلام دا ليا أنااا؟ سليم بزعيق: مفيش غيرك اسمه فاطمة هنااا! قوليلي عملت ليكي إيه عشان تعملي كدا؟ فهميني، حرام عليكي. بتدخل الأوضة زينب وأحلام بشماتة ونظرة انتصار بترتسم على وشهم. شريف بيجي بسرعة على صوت الزعيق: في إيه يا سليم؟ حصل إيه؟ سليم بيبصله بكره: حسابك تقل معايا يا شريف، بس الأول حق أمي لازم يرجع عشان ترتاح في تربتها. فاطمة بدموع بتمسك إيد سليم

اللي بيشدها منها بقسوة: متلمسنيش، الإيد اللي قتلت أمي استحقرها لحد آخر نفس ليا، على كل ذرة حب ليكي هتساوي أضعاف كره. وفري دموعك دي، مش محتاجاهم الوقت. وبعدها بيقع شريف من طوله. ريم بتصرخ وبتجري عليه: بابااااااااايتبع…..