رواية معاناة الحب الفصل الحادي عشر 11 - بقلم مارينا عبود

عمر بغضب: ايه هو إللي مينفعش يا روح أمي. ضربه بالبوكس وقعه في الأرض. أمير وسليم جريوا عليه ومسكوا محمد. محمد قام بغضب وحط إيده مكان الضرب: انت إزاي تمد إيدك عليه يابن الهواري، إنت اتجننت؟ عمر وهو كاد أن ينفجر من الغضب: وإنت إزاي تقرب من مرات عمر الهواري، يلا! محمد: هندمك على اللي حصل جامد أوي يا عمر. أمير بعصبية: إيه في يا ابن الأنصاري، متتجننش واعرف إنت بتكلم مين، ويلا من هنا بدل ما أعمل حاجة متعجبكش.

محمد مشى وهو ملامحه كلها غضب وحقد على عمر. عمر بص على تاج وهي كانت خايفة، مسكها من دراعها بقوة: أنا مش قولتلك متتكلميش مع حد. تاج بخوف ودموع: أنا معملتش حاجة، صدقني هو اللي… قاطعها سليم: عمر، البنت باين عليها خايفة، اهدا شوية، ما إحنا عارفين إنه محمد الأنصاري شاب قليل أدب وبيحب يرخم على البنات، هي ذنبها إيه. أمير: كلام سليم صح، وبعدين إنت اللي غلطان، ما كان المفروض تسيبها. عمر ساب إيدها واتكلم

بجمود عكس النار اللي جواه: خلاص اهدى. نادى على الجرسون يجيب لها ميه. تاج شربت وبدأت تدريجياً تهدأ، وبصت على أمير وسليم بخوف. أمير لاحظ خوفها منهم فقرر ياخد سليم ويروحوا يقفوا مع صاحبهم ويسيبوهم لوحدهم. أمير: سليم، تعال معايا نشوف محمود. سليم: ماشي. أمير وسليم مشيوا وسابوا عمر. عمر بص عليها لقاها بتترعش وخايفة، استغرب أوي من تصرفها وخوفها الزايد من كل حاجة وخصوصاً المشاكل. قعد جنبها ومسك إيدها بحب: إنتي كويسة.

تاج هزت رأسها بمعنى آه. عمر: تعالى نرقص. تاج بتوتر: بس أنا… عمر بابتسامة: مفيش بس، قومي يلا. عمر قام واخد تاج وراحوا يرقصوا. عمر مسكها من خصرها وشدها ليه، وتاج حطت إيديها حوالي رقبته، وفضلوا يرقصوا. وكانت الأنظار كلها عليهم. عند أمير وسليم. أمير وسليم كانوا واقفين وبيضحكوا مع بعض، وفجأة تليفون أمير رن. أمير: إيه ده، سيادة اللواء بيرن ليه دلوقتي. سليم: شوفه عاوز إيه. أمير فتح التليفون: أيوه يا فندم. اللواء: ........

أمير: طيب، جاي فوراً. أمير: سليم، أنا لازم أمشي. سليم: ضروري يعني. أمير: آه. سليم: ماشي، خلي بالك من نفسك. أمير بابتسامة: حاضر. أمير طلع من الحفلة وركب عربيته وراح القطاع. بعد وقت. عمر وتاج خلصوا رقص والكل صقف لهم، وخلصت الحفلة. عمر أخد تاج وركبوا العربية وراحوا الفيلا. في الفيلا. تاج وعمر نزلوا ودخلوا الفيلا. تاج بصدمة: ماما! بسمة بحب: حبيبتي. تاج جريت واترمت في حضنها. عمر: مش على أساس جايه بكرة. بسمة:

هههه، كنت عاوزه أعملكم مفاجأة. عمر بفرحة: وأجمل مفاجأة. تاج: وحشتيني أوي. بسمة: يا روحي، وإنتي كمان. قوليلي، عمر زعلك. تاج بحب: لا. عمر: ماما، إحنا جايين تعبانين، وأكيد إنتي كمان، عشان كده تعالوا ننام، وبكرة كملوا كلامكم. عمر وتاج طلعوا الأوضة، وتاج دخلت غيرت وطلعت وكان عمر قاعد على السرير. تاج بحزن: أنا آسفة. عمر باستغراب: على إيه. تاج: بسببي اتخانقت في الحفلة، بس صدقني أنا كنت قاعدة في حالي، هو اللي جه… قاطعها عمر:

أنا عارف، متتأسفيش، أنا مكنش المفروض أسيبك لوحدك. تاج: هما مين الاتنين اللي كانوا واقفين معاك، باين عليهم قريبين منك. عمر بحب: بصي يا ستي، الشاب أبو دقن خفيفة وعيون عسلي ده سليم ابن خالتي وشريكي في الشغل، والتاني الطويل أمير الباشا صديقي المقرب وظابط، ويلا بقا علشان ننام. تاج: ماشي. بس ممكن طلب. عمر: اطلبي. تاج ببرائة: ممكن أنام في حضنك علشان بخاف لوحدي.

عمر بص لها وابتسم وفتح لها دراعه، وهي اترمت في حضنه وحضنها وناموا. في مكتب اللواء رفعت. أمير طرق باب الغرفة ودخل، لقى ماسة والمستشار أحمد سليمان قاعدين. أمير لنفسه: أتمنى ميكونش اللي في بالي صح، وتكون وافقت، ياربي مش هستحمل المجنونة دي دقيقة وحدة. اللواء رفعت: أمير، تعال يابني، واقف ليه. أمير قدم الاحترام لمعالي المستشار واللواء. المستشار: اسمعني يابني، ماسة وافقت إنه تروح معاك. أمير بصدمة: وافقت. ماسة بغيظ: آه.

أمير بص لها بغيظ. المستشار: اسمعني يا ابني، ماسة هتكون في حمايتك لحد ما أعرف مين الشخص اللي بيهددني بيها. ماسة بنت عصبية شوية وعنيدة، بس أنا واثق إنك هتقدر تستحملها. أمير بص لها بغيظ: متقلقش يا فندم، في عيوني. بس الوقت اتأخر ولازم أمشي علشان والدتي، فياريت تتفضلي معايا يا آنسة، ومتقلقيش الفيلا هيكون عليها حراسة. ماسة: أوكي. ماسة قربت وحضنت باباها، وأخدت شنطتها وراحت مع أمير.

أمير أخد ماسة ونزلوا، وأمير أخد شنطتها وحطها في العربية من ورا، وركب وهي ركبت جنبه. ماسة: ممكن أعرف إنت هتاخدني على فين. أمير: لما نوصل هتعرفي. ماسة: بس أنا عاوزة أعرف. أمير بص لها ومردش. ماسة بغيظ: ده إنت مستفز يا جدع. أمير: يا جدع، ده أنا شكلي كده اتورطت. ماسة: هههه، للأسف. بعد وقت. أمير وصل: انزلي. ماسة: أوكي. ماسة نزلت، ووقفوا قدام فيلا جميلة أوي. ماسة: إحنا فين. أمير: ادخلي الأول. ماسة: أووك.

أمير أخدها ودخلوا، وكان فيه اتنين حرس قدام الفيلا. ماسة دخلت، وكانت الفيلا من جو عاملة زي القصر وكبيرة. أمير: إنتي هتبقي هنا لحد ما تخلص المهمة دي. ماسة: طيب، هبق لوحدي. أمير: متخفيش، أنا هاجي كل يوم أطمن عليكي، وهيكون فيه اتنين حرس معاكي بره لحمايتك. ودلوقتي لازم أمشي علشان مينفعش أتأخر أكتر من كده وأسيب والدتي لوحدها. خدي راحتك واختاري الأوضة اللي تعجبك علشان تنامي فيها، وأنا هاجيلك بكرة. ماسة: أووك.

أمير طلع وقال للحرس يخلوا بالهم منها، وماسة أخدت شنطتها وطلعت فوق، دخلت أوضة جميلة أوي. وغيرت هدومها ونامت. أمير أخد عربيته وراح الفيلا بتاعته، وسلم على مامته وركب أوضته وراح في نوم عميق. في صباح يوم جديد. في فيلا عمر الهواري. عمر قام من النوم، وكانت تاج في حضنه. قرب منها وطبع قبلة رقيقة على خدها، وبدأ يمشي إيدها على شعرها بحب. تاج فتحت عيونها لما حست بلمسته. عمر بابتسامة: صباح الخير. تاج: صباح الفل. عمر:

قومي يلا علشان نفطر. تاج: ماشي. عمر قام ولبس ونزل، وتاج دخلت غيرت هدومها ونزلت وراه. كان عمر قاعد على السفرة. تاج نزلت، وقبل ما تقعد اتكعبلت. عمر قام بسرعة ولحقها ووقعوا الاتنين. عمر وقع وتاج فوقه. بسمة نزلت وابتسمت لما شافتهم. وعمر كان سرحان في عيون تاج الجميلة. وفجأة سمعوا صوت واتصدموا.