رواية معاناة الحب الفصل السادس والثلاثون 36 - بقلم مارينا عبود

بس اتصدم لما شاف تاج واقعة في الأرض وماسكة بطنها. جرى عليها بسرعة وشالها وحطها على السرير. عمر بخوف: تاج، إيه حصلك؟ وبعدين إيه اللي قومك من السرير؟ تاج بتعب: متقلقش، أنا بس حاولت أقوم ووقعت من التعب. عمر بعصبية: طيب ليه قومتي؟ ليه مستنتنيش أو ناديتي نبيلة تساعدك؟ تاج بابتسامة: يا قلبي، أنا كويسة، اهدا. المهم طمني، عملتوا إيه؟ عمر: اتفقنا نعمل فرح سليم وريتال الأسبوع الجاي. تاج بفرحة: عااا! أخيراً! أنا فرحانة أوووي.

عمر بابتسامة: حبيبي، يارب دايماً تفضلي مبسوطة. تاج بحب: طول ما أنت جنبي، هفضل مبسوطة. عمر بص لها بحزن وندم على إنه كان هيسيبها. عمر قرب واخدها في حضنه: تاج، أنا آسف. تاج بعدم فهم: آسف على إيه؟ عمر: على أي حاجة حصلت مني زعلتك. تاج: بس أنا مش زعلانة منك. ممكن بقااا تاخدني في حضنك علشان عاوزة أنام. عمر بحب: عيوني، هقوم أغير هدومي وأجيلك. تاج هزت رأسها بمعنى موافقة.

عمر قام غير هدومه ورجع قعد على السرير واخد تاج في حضنه وراحوا في النوم. *** في فيلا أمير الباشا. أمير وماسة رجعوا بعد يوم طويل مع بعض. فريدة بابتسامة: إيه، اتبسطتوا؟ ماسة بفرحة: اااه، اتبسطنا أوووي. فريدة بفرحة: يا روحي، يارب دايماً مبسوطين. يلاه روحي ارتاحي. ماسة بفرحة: ماشي. أمير: اااه، علشان هموت وأنام. ماسة بترجي: لا، لو سمحت نطلع نقعد في الجنينة. أمير بصدمة: نعم ياختي؟

أنا تعبت وهموت وأنام. وبعدين، متعبتيش من القعدة معايا؟ ماسة بضحك: لا، أنا هروح أغير هدومي وأطلع أقعد بره وأستناك. وجريت لفوق. أمير بضحك: لا، ديه مجنونة والله. فريدة بفرحة: أول مرة أشوفك فرحان كده بعد فترة طويلة يا ابني. أمير باس إيديها بحب: حبيبتي، ربنا يخليكي ليا. فريدة: ويخليك ليا يا قلبي، ويديم لي فرحتك. يلاه روح قبل ما ماسة تطلع عينك. أمير: لا، ماسة ديه هتجنني خالص. أنا صدقت ما خلصت من جوري جت هي تكمل.

فريدة بحب: ربنا يفرحكم يا ابني. يلاه، أنا هروح أرتاح. أمير: ماشي يا قلبي، اتفضلي. تصبحي على خير. فريدة بحب: وأنت بخير. فريدة طلعت أوضتها وأمير طلع أوضته. غير هدومه ونزل الجنينة لقى ماسة قاعدة على الكرسي وباصة للسماء. أمير جه من وراها وحط إيده على كتفها. ماسة التفتت لقته واقف، ابتسمت ووسعت له علشان يقعد جنبها. أمير قعد ومسك إيديها بحب: بتفكري في إيه؟

ماسة: عارف، أنا أول مرة أبقى مبسوطة بالشكل ده. بجد، كنت دايماً بشوف الحب عبارة عن معاناة كبيرة، وكل اللي بيحبوا مش بيلاقوا غير الوجع. بس أنا معاك حاسة إني مش هلاقي غير السعادة بس. أوعدني إنك هتفضل جنبي. أمير: أوعدك، مش هسيبك أبداً وهعوضك عن كل حاجة. ماسة حطت رأسها على كتفه وفضلوا يحكوا طول الليل. *** بعد مرور أسبوع على أبطالنا. عمر كان طول الوقت مع تاج وبيحاول ينسى كل حاجة ويبدأ معاها من جديد.

أمير وماسة علاقتهم اتطورت جداً وبقوا قريبين أوووى من بعض. جوري رجعت من الكلية هي وآدم خطيبها علشان يجهزوا لجوازهم. وعرفت كانت فرحانة أووى بعلاقة ماسة وأمير. سليم وريتال فرحهم النهارده. *** في الكوافير. تاج كانت لابسة فستان أحمر طويل وحاطة ميكب خفيف مبين ملامحها الجميلة وفاردة شعرها وعاملة زي الأميرات. وريـتال كانت لابسة فستان فرح طويل وعاملة شعرها كحكة وحاطة طرحة. فستانها والكوافيرة بتعمل لها المكياج.

ريتال بتوتر: تاج، أنا متوترة أوووي. تاج بضحك: يا بنتي، متوترة ليه؟ أنتي لازم تفرحي. الكوافيرة: عادي يا بنتي، ده الطبيعي. أنا مش عاوزاكي تتوتر. تاج: بس إيه القمر ده! يابت، سليم هيطير عقله. ريتال بكسوف: بس يابت. فجأة الباب خبط وماسة وجوري دخلوا. ريتال وتاج في صوت واحد: ماسة! ماسة بحب: ماشاء الله يا بنات، طالعين قمرات أوووي. تاج بضحك: ههههه، إحنا بس، دنتي اللي قمر. المهم، مين دي؟ ماسة بضحك: ديه بقا جوري أخت أمير.

جوري بضحك: هااي يا قمرات. ماشاء الله، عروسة سليم جميلة أوووي. ريتال بحب: حبيبتي، أنتي اللي جميلة. جوري بابتسامة: على فكرة، عمر وسليم إخواتي الكبار، فلو زعلواكم في حاجة قولولي ومتقلقوش، أنا هتعامل معاهم. حتى اسألي ماسة. ماسة بضحك: حصلللل. البنات كلهم ضحكوا. *** في شقة سليم. عمر: أيوه بقا، لا طالع جامد يا عم. سليم بضحك: ههههه، تربيتك يا باشا. أمير بضحك: ههههه، تربية منيلة. عمر: اخرس يلاااا. شد حيلك بقااا وحصّلها.

أمير: هههه، قريباً قريباً. سليم بضحك: أيوه بقااا. عمر بضحك: دنتوا معرفتكم منيلة. يلاه يا خويا، منك ليه. سليم: أمير، البت جوري مش هتيجي؟ أمير: لا طبعاً، ديه أول الحاضرين. آدم أخدهم ووداهم الكوافير. سليم: اشطا، طيب يلاه علشان نجيب البنات من الكوافير. عمر وسليم وأمير ركبوا العربيات وراحوا الكوافير. وبعد وقت وصلوا. نزلوا من العربية بكل هيبتهم، وكل واحد كان لابس بدلة وطالع أجمل من التاني. آدم بضحك: اوباااااا بقاااااا!

إيه يا عم الجمدان ده؟ سليم بضحك: ههههه، دومي، حمدلله على السلامة. 😂 آدم بضحك: منك لله يا جوري. كلهم ضحكوا. أمير: شوفت، علشان تعرفوا إنه الولد ده هيخش الجنة علشان مستحمل أختي. عمر وسليم وآدم انفجروا ضحك. 😂😂😂 عمر رن على تاج علشان يشوفهم خلصوا ولا لا وبلغهم إنهم خلصوا. عمر: تمام، سليم اطلع هات ريتال. سليم بتوتر: ماشي. سليم أخد بوكيه الورد ودخل، وكانت ريتال واقفة ومدية ضهرها.

تاج: سليم دخل وحاوط ريتال بذراعاته. ريتال التفتت وأخدت بوكيه الورد وحضنته. سليم باس جبينها وحط إيده في إيدها ونزلوا. عمر وأمير وآدم كانوا واقفين وبيتكلموا، وفجأة سمعوا صوت زغريت. عمر التفت لقى سليم وريتال نازلين، وتاج وماسة وجوري نازلين وراهم. والـأربع بنات أجمل من بعض. تاج نزلت ووقفت جنب عمر. عمر بهمس: يخرب بيت جمال أمك! إيه يا بنتي؟ تاج وشه احمر من الخجل: احم، اتلم.

عمر بضحك: ههههه، ماشي. خلى بس الفرح ده يتم على خير. يلاه بينا. عمر أخد تاج وطلعوا بعربيتهم. وسليم أخد ريتال وركبوا العربية واتجهوا للقاعة. وأمير أخد ماسة وطلع وراهم. وكمان آدم أخد جوري. وبعد وقت وصلوا القاعة اللي كانت مجهزة بطريقة تليق بفرح سليم المنشاوي. سليم أخد ريتال ودخلوا. وعمر وأمير وباقي العيلة دخلوا وراهم وسط فرحة الكل. وبعد وقت، اتكتب كتابهم. سليم قام وحضن ريتال وسط فرحة الكل.