رواية معجزة الحب الفصل العشرون 20 - بقلم بسمله حسن، منة السيد

جاسر بحب: انتي تأمري مش تطلبي. رودينا اتكسفت: أنا عايزة خطوبة عائلية، مش عايزة فرح ولا حاجة. متنساش إني لسه مطلقة بقالي أسبوعين. جاسر: من عيوني، حاضر يا ست البنات. بدر واقف مش على بعضه مع أمه. بدر: ليه خليتني أخرج بره؟ أمنية: يا حبيبي مينفعش، لازم يقعدوا مع بعض عشان يفهموا بعض. بدر بغضب: مش لازم يذفتوا، أنا داخل. وفعلاً بدر دخل عليهم وسمع جاسر بيقول: من عيوني، حاضر يا ست البنات. بدر بعصبية خفيفة: خلصتوا ولا لسه؟

جاسر: خلصنا من بدري. أنا بقول نقرأ الفاتحة. بدر: بسرعة كده؟ جاسر: مش بيقولوا خير البر عاجله. وفعلاً قرأوا الفاتحة وأمنية زغرطت. جاسر طلع علبة قطيفة من جيبه فيها خاتم ماس. جاسر ركع على ركبته قدام رودينا: تقبلي تكوني مراتي؟ رودينا بصت لبدر وأمنية. أمنية شاورت برأسها بـ "آه". بدر في حالة ذهول من اللي بيحصل. رودينا شاورت برأسها "آه". جاسر لبسها الخاتم وأمنية زغرطت من الفرحة. نادين طلعت. وعد الوقت بسعادة على الجميع.

نادين نزلت وركبت العربية مع بدر. نادين حطت إيدها على بطنها بفرحة. نادين: بدر وقف العربية بسرعة. بدر بخوف: مالك يا نادين؟ في إيه؟ نادين مسكت إيده حطها على بطنها. بدر مش مصدق إنهم بدأوا يتحركوا. بدر بفرحة مش عارف يتكلم: دول بدأوا يتحركوا صح؟ نادين بسعادة: أنا فرحانة أوي يا بدر. بدر شغل العربية ولف وغير طريقه. نادين باستغراب: إنت رايح فين؟ ده مش طريق البيت. بدر: هنروح للدكتور نطمن عليكي. وفعلاً راحوا للدكتور وكشف عليها.

الدكتور بابتسامة: عايزين ولاد ولا بنات؟ نادين: كل اللي يجيبه ربنا كويس، بس أنا نفسي يكونوا ولد وبنت. الدكتور شاف السونار: تحب تسمي الولاد إيه؟ بدر بصدمة: هما ولاد؟ دكتور: أيوه، الاتنين ولاد. خرجوا من عند الدكتور ونادين مش مصدقة إنها حامل في ولاد. بدر شاف نادين ساكتة: مالك يا نادين؟ إنتي مش فرحانة إنه طلع ولاد؟ نادين بسعادة: مين قالك؟ أنا مبسوطة وبشكر ربنا على النعمة اللي اديهالي، بس أنا مصدومة مش أكتر.

روحوا البيت كان كيان قاعد بيتفرج على التلفزيون. كيان بسخرية: لسه بدري، كنتوا نمتوا بره أحسن. نادين قعدت على الكرسي: اسكت يا كيمو، إنت متعرفش حصل إيه انهارده. كيان بفضول: إيه؟ بدر راح قعد قصادهم وحكاله على اللي جاسر عمله. كيان بذهول: كل ده حصل؟ نادين هزت رأسها بـ "آه". و لسه في مفاجأة تاني. إنت تتوقع إيه اللي في بطني، ولاد ولا بنات؟ كيان: اللي في بطنك فيل. نادين ضربته بالمخدة في وشه: غووور يلا.

كيان بضحك: خلاص، بصي أنا معرفش، فا ممكن يكون بنت وولد. نادين: تؤ، ولدين. كيان بفرح: بجد؟ ألف مبروك، يا ريت تسمي الاتنين كيان. بدر: امشي ياض، قال اسمي كيان، مش كفاية بلوة واحدة، هيكونو تلاتة كده كتير على البشرية. وقعدوا يهزروا مع بعض وكل واحد طلع الأوضة. بدر قرب من نادين وحضنها من ضهرها. نادين بعدت عنه: بدر إنت... بدر بصدمة: إيه؟