رواية معجزة الحب الفصل الحادي عشر 11 - بقلم بسمله حسن، منة السيد

نادين نايمة جنب بدر صحيت وصحّت بدر. نادين: اصحى يا بدر. بدر (بنعاس) : في إيه يا نادين؟ نادين (وهي حاطة إيديها على بطنها) : أنا جعانة. بدر فتح عيونه بالعافية من تأثير النوم: طيب ما تروحي تاكلي يا نادين، أنا ماسكك. نادين: لأ، منا عايزة آكل حواوشي. بدر اتعدل في قعدته وبص للساعة: دلوقتي يا نادين؟ دي الساعة 4 الفجر. نادين هزت راسها بأه: أيوه دلوقتي، أنا نفسي آكل حواوشي.

بدر شد البطانية وهينام: بكرة يا نادين أجيب لك اللي انتي عايزاه. نادين بمسكنة: ماشي يا بدر، ذنبي في رقبتك علشان هنام جعانين. وعملت نفسها إنها هتنام زعلانة. بدر مهنش عليه نادين تنام جعانة. بدر بحنية: نادين استني، هروح أجيبه وهاجي. وفعلاً بدر نزل جاب حواوشي وجابه لنادين. نادين وهي بتاكل الحواوشي: إيه ده يا بدر؟ ده حراق أوي. بدر باستغراب: حراق إزاي؟ أنا مؤكد عليه ميحطوش حراق. نادين ادته حواوشي: خد دوق.

بدر: فين الحراق ده يا نادين؟ هو عادي أهو. نادين: يعني أنا بكذب؟ الحواوشي حراق وأنا أصلاً غلط عليا آكل أي حاجة حراقة بالشكل ده. وبعد كده كملت بحزن: خلاص بقى، مش مهم، هقوم أنام وخلاص. بدر بسرعة: لأ استنى، أنا هنزل أجيب لك غيره على طول. بدر وهو خارج من الأوضة: اياكي تنامي، نص ساعة بالكتير وهكون عندك. وفعلاً نادين قعدت مستنية بدر. بدر جه ومعاه الحواوشي وداه لنادين. بدر وهو حاطط إيده على بطنها بحنان: أي خدمة تاني؟

نادين وهي بتاكل الحواوشي: تؤ تؤ. بدر بنعاس: ممكن تسيبيني أنام شوية؟ نادين هزت راسها بـ: ماشي. بدر راح نام، ونادين خلصت أكل وراحت نامت جنبه. الصبح جه على أبطالنا. رودينا بتدور على وظيفة مناسبة ليها، كل ما تشوف وظيفة تلاقيها مش مناسبة ليها، يا أما يتريقوا على لبسها. بدر ونادين وكيان قاعدين بيفطروا، فون بدر رن وكان "الامبراطور". كيان شاف الاسم وبص لبدر. بدر قام رد. بدر: الو.

الامبراطور: أهلين يا زعيم، جاهز للمقابلة ولا لأ؟ بدر: هو حد قالك إني عيل صغير ولا خايف؟ أنا قد المواجهة. الامبراطور: واااا، أنا بحب روح الحماس اللي موجودة فيك. الامبراطور قفل مع بدر. كيان جه من وراه: إيه كان عايز منك إيه؟ بدر خد نفس طويل: عايز يقابلنا. المهم، دورت على شغالة. كيان: كلمت حد يدور لي على واحدة ست تكون كويسة. بدر هز راسه بـ: ماشي. ورجعوا يفطروا مع نادين تاني. خلصوا أكل وكل واحد راح يلبس.

نادين دخلت عند بدر وهو بيلبس. نادين: أنت نازل رايح فين يا بدر؟ بدر بهدوء: رايح مشوار صغير، المهم متفتحيش الباب غير لما أخبط عليكي. نادين باستغراب: ليه يا بدر؟ في إيه؟ بدر: مفيش، بس اسمعي الكلام. بدر جاي يمشي، نادين وقفته. نادين بقلق: في إيه يا بدر؟ أنا بدأت أخاف. بدر خدها في حضنه: طول ما أنا عايش، مش عايز أسمع كلمة خوف دي تاني. أنا لو هموت علشان هحميكم، هعمل كده. نادين

بسرعة حطت إيده على بوقه: بعد الشر عليك، متقولش كده. بدر باس راسها: خلي بالك من نفسك. ونزل هو وكيان. وراحوا عند الامبراطور، والخدم فتحوا الباب. بدر دخل بكل غرور ووقف قصاد الامبراطور. الامبراطور: أهلاً بالزعيم. بدر ببرود: أهلين. الامبراطور بص لكيان: لسه زي ما أنت يا كيان، دراع زعيمك اليمين؟ كيان: ده شرف ليا إني أكون دراع الزعيم. الامبراطور: كنتوا عايزين إيه مني؟ بدر: أنا عايز أسيب شغل المافيا.

الامبراطور بص لبدر: أنت عارف نهاية شغلنا إيه؟ نهايته الموت يا زعيم.