رواية معجزة الحب الفصل الثاني عشر 12 - بقلم بسمله حسن، منة السيد

بدر: أنا عايز أسيب شغل المافيا. الإمبراطور بص لبدر: أنت عارف نهاية شغلنا إيه؟ نهايته الموت يا زعيم. كيان أول ما سمع كده قلبه اتنفض من الخوف. في نفس الوقت جت نافين. بدر: علشان كده أنا بعتلك، واللي أنت عايز تعمله اعمله. الإمبراطور رجع ضهره لورا: أنا المفروض أموتك، مش عشان عايز تسيب الشغل، تؤ، عشان أنت موت أعضاء مننا. كيان: إحنا مينفعش نموت أي حد من المافيا. بدر بص للإمبراطور

وبعد كده رجع ضهره لورا: وأنا عندي أسباب تخليني أقتلهم كلهم. أول حاجة أنا موت الرئيس علشان خانى مع مراتي، وعايز أقولك إني موت تاليا الأول، مش الرئيس. الإمبراطور: طيب الرئيس علشان خانك مع مراتك، طيب مارلون؟ كيان اتكلم بدل بدر: تخيل حد عزيز عليا يموت قدامي، تخيل أهلك يموتوا ورا بعض، تخيل أختك الوحيدة تتربى بعيد عندك، تتربى مع ناس متعرفهاش، يا عالم الناس دي كويسين ولا لأ. الإمبراطور سكت شوية.

بدر كمل كلامه: ولأن جماعة ماكس هما حاولوا يموتوني وأنا موتهم، بس عايز تعرف إيه تاني؟ نافين بإعجاب ودلع: واو مسيو بدر. الإمبراطور سكت شوية: طيب أنت عايز تسيب شغلنا ليه؟ بدر: لأني عايز أعيش حياة كويسة. الإمبراطور فضل باصص لبدر شوية وبعد كده اتكلم: اوكي يا زعيم، استنى مني مكالمة. بدر وكيان مشيوا من عند الإمبراطور. نافين بإعجاب بشخصية بدر: نافين: What will you do, Emperor? هتعمل إيه يا إمبراطور؟

الإمبراطور: ههههه، هعمل كل خير، بس ليه حاسس إنك معجبة بالزعيم؟ نافين: He's not my favorite type, but I liked why he killed the president. هو مش نوعي المفضل، ولكن عجبني لما قتل الرئيس. أشرف كان بيفكر في رودينا وإزاي ضحك عليها كل الفترة اللي فاتت دي. رودينا: يالا يالا يا أشرف، حضرت الغداء. أشرف مكنش مركز معاها. رودينا هزته، فوقته من سرحانه. أشرف: إيه يا رودينا؟ في حاجة؟ رودينا باستغراب: مالك يا أشرف؟ سرحان في إيه؟

أشرف: مفيش، كنتي بتقولي إيه؟ رودينا: بقولك حضرت الغداء، يالا. أشرف قعد على السفرة هو ورودينا. أشرف وهو بياكل: لقيتي وظيفة كويسة؟ رودينا بأسف: مش لاقية وظيفة كويسة، ولما ألاقي يرفضوني عشان لبسي. أشرف: طيب إنتي تخرجي تدوري على وظيفة خلال الأسبوع ده، وإلا مفيش تدوير تاني. رودينا لسه هتعترض، أشرف رد عليها: أنا قلت كلمة واحدة وخلاص. رودينا بدموع: طيب ممكن لحد آخر الشهر ده؟ خلاص الشهر فاضله خمس أيام ويخلص. أشرف: ماشي.

بدر وكيان روحوا لنادين. نادين أول ما فتحت الباب جريت عليهم. نادين بخوف: أنتم كويسين؟ كيان بتعب: إحنا كويس، متخافيش علينا. بدر خد نادين في حضنه: متخافيش يا طفلتي، أنا لسه عايش. كيان: أنا طالع أنام. نادين خرجت من حضن بدر: مش هتاكل يا كيان؟ كيان بص لبدر بعتاب على اللي هما فيه دلوقتي. كيان: جوزك سد نفسي. وسابهم وطلع. نادين بصت لبدر: أنا مش فاهمة حاجة خالص. بدر خدها وقعدها على الكنبة.

بدر: نادين، إنتي ليه مقولتيليش سبب الشغل اللي إحنا فيه؟ نادين استغربت كلامه، بس حاسة بخوف: عشان عايزاك جنبي وجنب عيالك، عايزاك تكون موجود في حياتنا، فهمت؟ أنا مقولتش أي حاجة على شغلك. بدر علشان يغير الكلام: إنتي عاملة أكل إيه؟ نادين فهمت إنه بيغير الموضوع: عاملة مكرونة بشاميل وبانيه. بدر: طيب أنا هقوم أنادي على كيان وتحضري الغداء. وفعلاً نادين دخلت تجهز الغداء، بس حاسة إن فيه حاجة هما مخبيينها عنها.

بدر خبط على الباب ودخل. شاف كيان نايم على بطنه. بدر ضربه بالمخدة: أنت لسه زعلان؟ كيان برفع حاجب: لا خالص، المفروض اللي أنت عملته ده أعمل فرح عليه. بدر خد نفس طويل: كان لازم أعمل كده يا كيان، بكرة لما تتجوز ويكون ليك أسرة، هتعرف اللي أنا حاسه. كيان بقلق: بس أنا خايف يا زعيم. بدر: سيبها على الله يا كيان، ويالا، نادين عاملة مكرونة بشاميل. كيان نط من على السرير: يالا أنا جاهز. بدر: أنت يابني مش كنت زعلان؟

كيان: يا عم دي عاملة مكرونة بشاميل، مش وقت زعل. بدر ضحك عليه: طفس. ونزلوا علشان يتغدوا. بعد ما خلصوا غداء. بدر: أنا هطلع أعمل مكالمة مهمة. نادين شاورت برأسها، ماشي: روح يا حبيبي. بدر طلع ونادين دخلت الأطباق في المطبخ. شافت حاجة مدت إيديها وخدتها بشراهة. كيان لقى نادين اتأخرت، دخل المطبخ، اتصدم من اللي شافه. كيان شافها ماسكة كوباية فيها داوني بتاع الغسيل. كيان بضحك: صلاة النبي أحسن.