رواية معجزة الحب الفصل الحادي والثلاثون 31 - بقلم بسمله حسن، منة السيد

نافين: أنا عايز اِتغير وادخل دين الإسلام. رودينا: إيه؟ أنا مش فاهمة حاجة. نافين بدموع: I want to change and enter Islam. رودينا بهدوء: مش فاهمة. نافين: عشان شفت حب الإمبراطور ليكي وعرفت هو ليه بيحبك، عشان شاف فيكي اللي محدش يشوفه. رودينا ساكتة مش بترد. نافين برجاء: Please help me. رودينا: طيب اهدي بس وأنا هعمل اللي أقدر عليه، بس دلوقتي تعالي نروح مشوار بسيط ونرجع تاني.

رودينا أخدت نافين وراحت بيها عند شيخ في الحارة يعرفها أكتر عن ربنا وعن دينها. الشيخ: فضل يكلمها عن الدين بطريقة جميلة جدًا وعرفها أكتر عن ربنا وقد إيه ربنا جميل وتواب ورحيم بعباده، وإنه هيتقبل رجوعها لدين الإسلام، وفعلاً اعتنقت الإسلام. نافين بعياط من كلام الشيخ: طيب هيسامحني على اللي عملته؟ أنا عملت كل حاجة وحشة.

الشيخ: يا بنتي ربك غفور رحيم، وأنتِ طالما تبتي يبقى ربك سامحك على كل اللي فات، وورقتك بيضة ومفيهاش أي ذنوب. أنتِ بس يا ريت تحافظي على بياض الصفحة دي. وإحنا مش معصومين من الغلط، العبد معروف إنه خطاء، بس أهم حاجة مهما تعملي من ذنوب ارجعي وتوبي. ربك بيحب العبد التواب وبيفرح برجوع العبد ليه. نافين بتعيط. الشيخ: يلا قوموا روحوا قبل الوقت ما يتأخر. ووجه كلامه لي نافين: متنسيش لما تروحي تصلي ركعتين لله زي ما أنا علمتك.

نافين بابتسامة شكر وهزت راسها: حاضر. وبعد كده رجعوا ووصلوا تحت البيت. نافين بدموع: بجد أنا مش عارفة أشكرك إزاي. أنا آسفة لو كنت دايقتك في يوم من الأيام، عايزاكي تسامحيني. رودينا: ششش، وبعدين معاكي بقى؟ هو فيه بين الأصحاب شكر يا نيفو؟ رودينا بغمزة: ولا أنتِ مش عايزانا نبقى صحاب؟ نافين: لا أبدًا، دا أنا حتى حبيتك أوي. نافين بصت في الساعة اللي في إيدها: أنا آسفة، الوقت اتأخر. أنا لازم أمشي.

رودينا باعتراض: لا طبعًا مفيش مرواح دلوقتي. الوقت اتأخر، أنتِ هتتسحري معانا وبكرة تمشي بعد الفطار. نافين: لا شكرًا يا روحي، بس عشان متعبكمش معايا. رودينا: لا طبعًا، أنتِ هتنورينا، وكمان أنتِ شايفة أهو مفيش رجالة معانا، إحنا هنكون ستات مع بعض. يلا تعالي. وشدت نافين وطلعوا البيت. وقالت لأمينة إن نافين هتقعد معاهم لحد بكرة. أمينة بابتسامة: طبعًا يا حبيبتي، أنتِ اسمك إيه يا جميل؟ نافين بابتسامة هدوء: اسمي نافين يا طنط.

أمينة: اسمك جميل زيك يا حبيبتي، يلا روحي مع رودينا. رودينا بتدخل نافين الأوضة بتاعتها. نادين قاعدة على الكنبة بتاكل قطايف وكنافة. كيان بذهول: يا بنت المفجوعة! إيه كل ده؟ ده أنتِ خدتي كل الكنافة اللي بدر جابها. نادين وبوقها مليان أكل: منا كنت صايمة طول النهار وتعبت، فا لازم آكل أي حاجة حلوة. كيان بعصبية: تاكلي واحدة اتنين يا ستي، كلي خمس وحدات، مش تاكلي الطبق كله. بدر وهو نازل من على السلم: بس يا زفت مالك بيها؟

سيبها تاكل اللي هي عايزاه. بدر قرب من نادين وقعد على الكنبة جنبها: كلي يا حبيبتي اللي عايزاه، بس سيبلي واحدة آكلها عشان عايز أدوقها. كيان بضحك: ده لو لقيت واحدة، دي كلت الطبق كله. بدر بيبص للطبق اللي في إيدها لقه فاضي. بدر بصدمة: أنتِ كلتي الطبق كله لوحدك؟ نادين بتشاور براسها بـ "لا": مش لوحدي. بتشاور على بطنها: دول كلهم معايا، يبقى مش لوحدي. كيان عمال يضحك على شكل بدر من الصدمة اللي هو فيها.

الباب خبط وكيان راح يفتح الباب وهو عمال يضحك. تفاجأ بعبد الرحمن ونوال، وعبد الرحمن كان ماسك بوكس هدايا. كيان بغضب وزعيق: أنت إيه اللي جابك هنا؟ بدر ونادين راحوا على كيان لما سمعوا صوت زعيق. عبد الرحمن أول لما شاف نادين جري عليها. بدر خبى نادين وراه بضهره. بدر بغضب جحيم: أنت إيه اللي جابك هنا؟ امشي اخرج بره. نادين وقفت قصاد بدر: بدر، ده مهما كان أخويا. عبد الرحمن بص على نادين بحزن. بدر لسه هيتكلم،

نادين مسكت إيده وبصت له: معلش. عبد الرحمن قرب من نادين: أنا عارف إنك زعلانة مني، ولكِ الحق. وأنا دلوقتي قدام كله بقولك أنا آسف يا نادين، آسف يا حبيبتي. نادين بتبصله بدموع بعتاب. عبد الرحمن: يا رب، كانت إيدي اتشلت قبل ما تتمد عليكي. نادين بسرعة وخوف: بعد الشر عليك. متقولش كده تاني. وحضنته. عبد الرحمن بيشد عليها وهي في حضنه. بدر وكيان بغيرة وصوت واحد: نادين! نادين اتفزعت من صوتهم وخرجت من حضن عبد الرحمن.

بدر بقرب من نادين وبيشدها عليه. بدر بيضغط على جنبها ونادين بتوجع من الألم. نوال بخوف بتقرب من نادين: مالك يا نادين؟ أنتِ كويسة؟ نادين بتبص لبدر بغضب: أنا كويسة يا ماما، بس ابن... بدر بص لها. نادين بخوف: ابن أستاذ بدر عمال يخبط فيا هو وأخوه. نوال بتضحك على شكل نادين: أكيد طبعًا، هما كده بيكونو كويسين. عبد الرحمن أدى لنادين بوكس هدايا. نادين خدته منه وفتحته، اتفاجأت بكمية الشيكولاتات كتير. نادين

بفرح زي العيال الصغيرة: هاااااا! شكراً يا عبدو. نادين كانت رايحة ناحيته. بدر مسكها من وسطها. بدر وعيونه بتطق شرار: رايحة فين؟ نادين بتوتر وبترجع تاني ناحيته: عيب عليك يا برنس، أنا بس كنت بمشي رجلي ورجعت تاني. هو أنا مستغنية عن عمري؟ بدر طبطب عليها: شطورة يا طفلتي. كيان بضحك: نفسي أصورك وإنتِ عاملة زي الكتكوت المبلول كده.

نادين بغيظ طفولي: نينينيني بارد. عارف يا كيان لو قعدت تتحايل عليا من هنا لبكرة، مفيش غير الورقة بتاعت الشوكولاتة اللي هدهالك. ومش بس كده، لأ، ده أنا هزلك عشان أديق الورقة بتاعت الشوكولاتة كمان. كيان بذهول: لا والله! كل ده وأنا اللي فكرت هتديني واحدة من اللي معاكي، وفي الآخر ورقة؟ نادين وهي بتاكل الشوكولاتة: أها، ومتنساش هزلك قبل ما أديهالك. كلهم قعدوا يضحكوا على شكل كيان ونادين. وعدى الوقت بسعادة.

كيان راح تاني يوم عند هاجر، واتفاجأ بنافين نازلة من عند رودينا. كيان: أنتِ بتعملي إيه هنا؟ نافين بإحراج: Please, Kayan, do not tell anyone that I came here and someone is daring. كيان: Okay, but what brought you here? نافين وهي نازلة على السلم: حاجة تخصني، بس ارجوك متقولش لجاسر إني جيت هنا، ارجوك. كيان بقلة حيلة: ماشي، بس أتمنى ميكونش فيه مشاكل.

نافين بابتسامة: No, Kayan, from here and going, there will be no problems. نزلت وكيان طلع خبط على هاجر. مني أم هاجر فتحت الباب: كيان، اتفضل يا حبيبي. كده يا كيان ما تجيش تشوفني أنا. كيان بهدوء: أنا آسفة يا ست الكل، بس أنتِ عارفة إنه هاجر رمت الدبلة في وشي. (طبعًا أم هاجر متعرفش إن كيان كان بيشتغل في المافيا) مني: أيوه، أنا لحد دلوقتي معرفش إيه اللي حصل بينك وبين هاجر. في نفس الوقت هاجر فتحت الباب شافت كيان.

هاجر بعصبية: أنت إيه اللي جابك هنا يا مجرم يا حيوان؟ مني: إيه؟ مجرم؟ كيان بص لهاجر بعصبية. مني بعصبية: هو عمل معاكي إيه؟ ردي عليا. هاجر بتوتر: هو.. هو.. مني بصوت عالي: هو إيه؟ انطقي. هاجر: ••••••••••• كيان بصدمة: يا بنت المجنونة.