رواية معجزة الحب الفصل الثاني والثلاثون 32 - بقلم بسمله حسن، منة السيد

هاجر بتوتر: هو ضحك عليا. بدأت في العياط. كيان بصدمة: يا لهوي دي ممكن تقتلني. ولسه مخلصش الكلمة، كانت مني ماسكة السكينة وبتقرب من كيان. كيان وهو بيجري: استني بس هفهمك، استني. مني وهي بتجري وراه كيان بالسكينة: بقا انت يا بن الـ*** تضحك على بنتي، طيب والله العظيم منا هنزلك من هنا غير وأنت ميت. كيان طلع على الترابيزة: استني انتي مش فاهمة حاجة. هاجر عمالة تضحك على كيان وعلى أمها اللي ماسكة السكينة لـ كيان.

هاجر قربت من أمها بتوتر: استني يا ماما، هو مضحكش عليا اللي في دماغك، هو ضحك عليا في الشغل. مني بتطلع شرا*ر من عينيها: بقا انتي مخلياني أجري وراه الشقة كلها وفي الآخر تقولي ضحك عليكي في الشغل. ورفعت السلا*ح بتاع أي أم مصرية. هاجر أول ما شافت الشبشب، طلعت تجري على بره. كيان استغل الفرصة وطلع هو كمان يجري ورا هاجر. مني وهي بتجري وراهم: أنا هوريكم يا ولاد المجانين انتوا الاتنين. وخرجتهم بره البيت.

هاجر: استني بس يا مني، انتي مخرجاني ليه؟ مني بعصبية: عشان عايزة أعمل الفطار لأبوكي ولينا، ياله امشي وخدّي أبو طويلة ده معاكي. وقفل الباب في وشهم. كيان بص للباب اللي اتقفل في وشه، وبعد كده بص لهاجر. هاجر من غير ولا كلمة، طلعت على سطح العمارة. كيان طلع وراها. كيان: ها تفضلي زعلانة مني كده كتير؟ هاجر: امشي يا كيان، خلاص اللي بينا انتهى.

كيان بحنية مسك إيديها: أنا عارف إنك زعلانة مني، لكن وحياتك انتي، أنا سبت الشغل اللي كنت شغال فيه. هاجر كانت عارفة إنه ساب الشغل من نادين. هاجر شدت إيديها من إيده: وأنا إيه اللي يضمنلي إنك هترجعلي تاني؟ كيان: اللي يضمنك هو ده. وكان بيشاور على قلبه. هاجر بدموع: أنا خايفة يا كيان، خايفة منك. كيان بحنية: لو هتخافي من العالم كله، متخافيش مني، عشان أنا مستحيل أذي*ك. هاجر بعدت عنه: ابعد، إحنا صايمين مينفعش كده.

كيان بضحك: لا، منا بعد الكلمتين دول خلاص فطرت. نادين كانت ماسكة بطنها من الوجع. بدر دخل عليها الأوضة. بدر بخوف: مالك يا حبيبتي، انتي كويسة؟ نادين بوجع: معرفش، بطني وجعاني. بدر راح جاب العلاج بتاعها وجاب كوباية ميه. بدر: خدي يا نادين العلاج. نادين برفض: لا، أنا صايمة. بدر بعصبية خفيفة: نادين، انتي حامل والدكتورة قالت مفيش صيام عشان الأطفال، وانتِ مصممة إنك تصومي. يالا خدي العلاج. وفعلاً نادين خدت العلاج.

نادين ابتسمت: بتحبني يا بدر؟ بدر استغرب: هو الدوا ده فيه حاجة؟ نادين بعصبية خفيفة: بدر رد عليا. بدر بحنية: أنا عديت مرحلة الحب من زمان، أنا بعشقك. نادين: لو كنت شفتني في وقت تاني، كنت هتحبني؟ بدر بحب: أنا كنت هحبك حتى لو مكنتش خطفتني، عشان انتي مكتوبة ليا، مكتوبة لي الزعيم. نادين بحنية: عارف يا بدر، أكتر حاجة مفرحاني. بدر باسها من خدها: إيه يا قلب بدر؟ نادين بحب ودلع: إني قابلتك وحبيتك.

بدر خرجها من حضنه: انتي بتستغلي إنه إحنا بالنهار وأنا مش هعرف أعمل حاجة. ماشي يا نادين، كلها كام ساعة وأنا هعرف أعمل معاكي إيه. جاية تدلعي دلوقتي، ارتاحي يا نادين، ارتاحي يا حبيبتي. وخد بعضه وخرج. نادين ضحكت على شكل بدر وهو مضايق. كيان فطر مع هاجر وأمه، وكلم أبو هاجر إنه عايز يرجع لهاجر وإنه كان فيه سوء تفاهم. وفعلاً أبو هاجر وافق، وكيان وهاجر رجعوا لبعض تاني. ساعة صلاة التراويح، رودينا خرجت آخر واحدة عشان تشوف جاسر.

وفعلاً شافته، جاسر كان جاي بس بنت وقفته. البنت: ممكن أسألك على حاجة يا شيخ جاسر؟ جاسر بهدوء: أولاً، أنا مش شيخ. ثانياً، لو سؤالك ده أنا هعرف أنصحك بيه ولا لا. رودينا شافته واقف مع البنت، اتعصبت ومشيت. وهي ماشية، وقفها ابن جارهم عز. عز: لو سمحت يا أستاذة رودينا، ممكن سؤال؟ رودينا بهدوء: اتفضل. عز بتوتر وخجل: احم.. هو أنا بصراحة عايز أجي أتقدم. ولو قولتي آه، أنا هجيب أبويا وهجى لحد باب البيت.

رودينا لسه هتتكلم، كان عز واقع على الأرض. رودينا شهقت لما شافت جاسر هو اللي ضرب عز. جاسر بغضب جحيم: بقا أنت يلا جاي تطلب إيد خطيبتي! ونزل فيه ضرب. الرجالة اللي في الحارة بيبعدوا جاسر عن عز بالعافية. رودينا ماشية بتعيط. جاسر قرب منها ومسك إيديها جامد. جاسر بعصبية: انتي إزاي تسكتي وهو بيطلب إيدك؟ رودينا بدموع: وانت مالك؟ أوافق ولا موافقش، ملكش دعوة بيا. جاسر زعق بصوت عالي جداً: انتي إيه!

أنا اتأسفت منك كذا مرة، وانتي برضو مصممة على رأيك. رودينا خافت منه لما زعق. جاسر شافها خافت منه، رفع إيده عشان يمسحلها دموعها. رودينا أول ما شافت رفع إيده، رجعت لورا. جاسر اتصدم إنها فكرت إنه هيضربها. جاسر بيحاول يهدي نفسه: رودينا، انتي خايفة مني؟ أنا.. أنا آسف، أنا عارف إنك خوفتي مني، لكن أنا مستحيل أمد إيدي عليكي، كانت إيدي تتقط*ع قبل ما أرفعها عليكي. رودينا بلهفة وخوف: بعد الشر عليك.

جاسر بحنية: سامحيني، أنا عارف إنه غلط، بس أنا عايز أبدأ حياتي معاكي انتي. رودينا: وأنا إيه يضمني إنك مش هترجع تاني للشغل ده؟ جاسر خد إيديها وحطها على قلبه: صدقي ده، عشان إنه عمره ما هيعرف يكذب عليكي. رودينا بصتله بعتاب: ما انت كذبت عليا قبل كده. جاسر: كنت خايف. رودينا بصتله.

جاسر كمل كلامه: أيوه، أنا إمبراطور اللي الكل بيخا*ف منه، خفت إنك تضيعي مني. انتي مستغربة إني بقولك الكلام ده، بس اللي عايز أقولهولك إنه لو هبيع الدنيا دي كلها عشان خاطر عيونك، أنا هعمل كده. رودينا بحب: وأنا واثقة فيك. وسابته ومشيت بسرعة. جاسر فضل واقف حوالي خمس دقايق مش مصدق إن رودينا قالت إنها واثقة فيه. كيان مروح فرحان. نادين بفضول: كنت فين يا كيان؟ كيان بسعادة: رجعت ليا. نادين بغباء: هي مين دي اللي رجعت؟

بدر وهو نازل من السلم: أكيد المجنونة. كيان: اسكت يا زعيم، مش هاجر رجعت تاني. بدر بسخرية: ياريت ما رجعت يخويا. نادين ضربت بدر في دراعه: اسكت. وبصت لكيان: مبروك يا حبيبي. بدر بغيظ: حبك برص، متقوليش كلمة حبيبي لحد تاني غيري. كيان: أنا طالع عشان مش عايز أشوف خناق، كفاية بنت المجانين كانت هتمو*تني النهاردة. وسابهم وطالع. بدر في حركة سريعة شال نادين. نادين: نزلني. بدر: تؤ تؤ، أنا هعرفك تقولي كلمة حبيبي لحد تاني.

بدر طالع الأوضة بتاعته هو ونادين. حط نادين بكل حنية على السرير. نادين بحزم: بدر ابعد. بدر بعشق: تؤ، مفيش ابعد. وبدأ يبوس فيها بحنية. نادين بضعف: ب. بدر.. بدر: مفيش بدر، الفجر بيجي بسرعة يا قلب بدر.