رواية معجزة الحب الفصل الخامس عشر 15 - بقلم بسمله حسن، منة السيد

أشرف: لو نزلتي من هنا هتكوني طالق. رودين: ومين قال لك إنّي مش عايزة أطلق. لا يا أشرف، أنا استحملت كتير وأنا عايزة أطلق. وأخذت بعضها ونزلت. أشرف بغضب: يابنت ******، والله هوريكي يا رودينا الكلب. الامبراطور: إيه يا زعيم، مش هتقول لنا اتفضلوا؟ بدر: اتفضلوا. كيان استغرب لما شاف الامبراطور: انت هنا؟ الامبراطور: إيه يا زعيم، ما كنتش عايزنا نيجي نشوف بيتك ولا إيه؟ بدر بغضب مكتوم: لأ، أبداً. بس غريبة إنك تيجي بنفسك.

نافين بدلع: مسيو بدر، انت زعلان إننا جينا عندك البيت؟ كيان بهزار: لأ، ده انت نورت البيت. ده البيت ما كانش منور غير لما جيتي. نافين بضحكة مايعة: مرسي مسيو كيان. كيان أول لما شاف ضحكتها: آآآآآآآآآآلعب! بقولك إيه يا منجا، انتي بلاش مستر والكلام ده، قوليلي كيان. أو أقولك، خليها كيمو على طول. نافين ضحكت تاني، بس المرة دي بصوت عالي. بدر: كيان، اسكت. كيان بغزل لي نافين: يا زعيم، سيبني أدلع الفراولة.

نادين فوق مش على بعضها، لبست إسدال الصلاة وعايزة تنزل بس خايفة من بدر يزعقلها. أول لما سمعت صوت ضحكة نافين اتجننت وقررت تنزل. نزلت لقت كيان عمال يهزر ويضحك مع نافين. نادين بغيرة: مين دول يا بدر؟ بدر بعصبية خفيفة: إيه اللي نزلك؟ مش أنا قولتلك متنزليش من فوق؟ نادين بغيرة عامية عينيها: سيبك مني، يبقى اتخانق معايا بعدين. المهم، مين دول؟ الامبراطور واقف احترام لي نادين. الامبراطور: أهلاً يا مرات الزعيم، أنا الامبراطور.

نادين بابتسامة جميلة زيها: أهلاً يا امبراطور. بدر بصوت حاد خلي نادين تدخض: نادين، اطلعي فوق. نادين لسه هتتكلم. بدر: مش هعيد كلامي تاني، يالا على فوق. نادين بصت لي نافين بغضب مفهاش أي غلطة، وجسمها مشدود. وبصت على نفسها، شافت نفسها تخنت شوية مطرح الحمل. بدر: على فوق. نادين طلعت وعمالة تاكل في نفسها من الغيرة من نافين. الامبراطور: مراتك دي يا زعيم، جميلة جداً. بدر راح ضربه بالبوكس في وشه.

بدر بغضب جحيمي: اياااااك تبص لمراتي تاني، فااااهم؟ ياما والله العظيم أدفنك مكانك. نافين جريت على الامبراطور بخوف: انت كويس يا امبراطور؟ الامبراطور كان بيشوف قد إيه بدر بيحب مراته. أنا مش هكلمك دلوقتي عشان حسيت بغرتك على مراتك، بس عايز أقولك إني مش من النوع ده، أنا مش باخد حاجة ملك غيري. الامبراطور لي نافين: يلا. الامبراطور وهو ماشي: آه صحيح، يا ريت متتخانقش مع مراتك، شكلها بتحبك. وسابهم ومشي هو ونافين.

بدر قعد بتعب: أنا تعبت، كل ما أخلص من جماعة من المافيا يطلع لي عدو جديد. كيان طبطب عليه: معلش، بكرة كله هيعدي. اطلع صالح نادين، زمانها زعلانة. بدر انتهى بتعب: نادين أختك دي تكفير ذنوب. كيان ضحك: انت هتقولي؟ دي ابتلاء من ربنا على اللي كنا بنعمله. ...... رودين راحت عند أمها. أمينة الأم: مالك يا رودينا؟ وإيه الشنطة دي؟ رودين بدموع: أنا هطلق يا ماما. أمينة لطمت على صدرها من الصدمة: ليه يا بنتي؟ تخربي بيتك بإيدك؟

رودين: تعبت يا ماما، تعبت من العيشة اللي أنا عايشاها. تعبت من بهدلة أشرف ليا. تعبت وهو كل شوية يعايرني إني مش بخلف. أنا المفروض كنت أطلقت من بدري، بس زي ما بيقولوا، كل تأخيرة وفيها خيرة. أمينة خدت رودين في حضنها: عيطي يا رودينا، عيطي وطلعي كل اللي في قلبك. وهنا رودين عيطت جامد وطلعت كل اللي جواها. أشرف واقف قصاد أوضة النوم بتاعته هو ورودينا. بيفتكر كل حاجة عدت بينهم. راح فتح الدولاب وطلع الملف.

أشرف بأسف: أنا آسف يا رودينا، آسف على كل كلمة قولتها في حقك، وآسف على كل جرح جرحته ليكي. المفروض أنا اللي أتجرح مش انتي. أنا اللي مش بخلف، أنا اللي العيب مني، بس كبريائي ورجولتي. نحوا عليا. مقدرتش أقولك إني مش بخلف، مقدرتش أشوف نظرة الشفقة. كنت لازم أفهمك إنك مش بتخلفي وأنا بخلف. حقك عليا يا بنت عمي. عدى حوالي يومين ورودين شغالة مع بدر في الشركة، وبدر معجب بيها. أشرف محاولش يكلم رودين تاني عشان متأكد إنها هترجع تاني.

الامبراطور مركز مع بدر في كل حاجة في حياته. نادين فرحت إن رودين اشتغلت مع بدر، بس حاسة إن بدر متغير معاها شوية، بس بترجع بتقول إنه بيحبها. جه يوم المواجهة. الامبراطور قرر يروح لبدر في الشركة. الامبراطور لي رودين: لو سمحت يا آنسة... رودين رفعت وشها لي. الامبراطور أول لما شاف رودين سرح فيها وفي جمالها اللي مخبياه بالخمار بتاعها. فضل باصص ليها بإعجاب. رودين بإحراج: في حاجة يا فندم؟ الامبراطور

فاق من سرحانه فيها: عايز أقابل بدر. رودين باحترام: ممكن اسم حضرتك؟ الامبراطور: جاسر. رودين راحت بلغت بدر. بدر استغرب مين جاسر وقال لي رودين تدخله. جاسر دخل. بدر أول لما شافه واقف. بدر بعصبية: انت إيه اللي جابك هنا؟ جاسر قعد ببرود: إيه يا زعيم، مش عايزني أجي ولا إيه؟ بدر بغضب مكتوم: عايز إيه يا امبراطور؟ جاسر: مش عايز حاجة. جاي أشوف انت عامل إيه في الشركة. بدر لسه هيتكلم وقفه خبط على الباب.

رودين: محتاج مني حاجة يا فندم؟ أنا خلصت الشغل اللي حضرتك ادتهولي. جاسر أول لما رودين دخلت وفضل باصص ليها. بدر خد باله إن جاسر بيبص لـ رودين. بدر بصوت عالي شوية: لأ، ويا ريت متدخليش تاني طول ما في حد عندي. اتفضلي على مكتبك. رودين اتحرجت وخرجت بسرعة. جاسر بغضب: انت إزاي يا بني آدم تكلمها كده؟ بدر: ملكش دعوة، دي السكرتيرة الخاصة بيا. جاسر قام بص له بغضب وخرج.

بدر اتضايق من نفسه إنه اتعصب على رودين وخرج وراه جاسر على طول. جاسر وقف قصاد رودين لسه هيتكلم، فون رودين رن وكانت هاجر. هاجر بعياط: رودينا، الحقي طنط أمينة اغمى عليها ومش عايزة تفوق. رودين انهارت من العياط. جاسر فهم وخد منها الفون. جاسر رد على هاجر: هديكي اسم مستشفى تروحي فيها بسرعة. اسم المستشفى ********. في نفس الوقت خرج بدر وشاف رودين منهارة من العياط. بدر: مالك يا رودينا؟ بتعيطي ليه؟

رودين بعياط: ماما، أنا عايزة ماما. جاسر صعبت عليه: اهدى، يلا نروح المستشفى. وفعلاً كلهم راحوا المستشفى، كانت أمينة سبقتهم. رودين قربت من هاجر. رودين بعياط: ماما، حصلها إيه يا هاجر؟ هاجر بدموع هي كمان: معرفش يا رودينا، هي اتصلت بيا وقالت لي اطلعي بسرعة، طلعت لقيتها مغمى عليها ومش بتفوق. رودين بانهيار مش عايزة تخسر أمها اللي ليها في الدنيا. خرج الدكتور وكلهم جريو عليه.

دكتور بيطمنهم: اهدا، هي كويسة، بس جالها غيبوبة سكر، شكلها مأخدتش العلاج علشان كده. رودين اتنفست براحة. الدكتور: بس يا ريت حد يروح الحسابات يدفع حق المستشفى. جاسر بغضب: انت إزاي تتكلم على المصاريف والمريضة لسه تعبانة؟ دكتور: والله مش ذنبي إنكم معقوش فلوس، مكنتوش جبتوها على مستشفى خاص. هنا جاسر مقدرش يمسك نفسه، راح ضربه بالبوكس. جاسر بغضب جحيم: انت مرفوض. الدكتور بعصبية: انت مين عشان ترفضني؟

جاسر: أنا مدير المستشفى دي كلها يا روح أمك. الدكتور بأسف: أنا آسف يا فندم، مكنتش أعرف إنهم تبع حضرتك. جاسر لسه هيتكلم، وقفته رودين: معلش، سماح للمريضة يا فندم، هو أكيد ما كانش يقصد. بدر كل ده ما كانش بيتكلم، بس حاسس إن الست اللي جوه دي تقرب له. بدر اتسحب ودخل عند أمينة في الأوضة. بدر بصدمة مش مصدق اللي شافه.