رواية معجزة الحب الفصل السادس عشر 16 - بقلم بسمله حسن، منة السيد

بدر بصدمة من اللي سمعه. بدر: أمينة محمد مصطفى؟ لا لا، أكيد مش اللي في بالي. بدر لقى الكل مشغول ومحدش واخد باله، راح اتسحب ودخل الأوضة عند أم رودينا. بدر بصدمة كبيرة وذهول مش مصدق إن أمه طلعت عايشة. بدر: أم... أم... أمي. أمينة بصت لبدر بتعب. أمينة: بدر ابني. (طبعاً ملامح أمينة اتغيرت عشان فرق السن) بدر جري عليها وحضنها جامد. بدر رفع راسه بدموع: أمي، انتي بجد عايشة؟

أنا مش مصدق نفسي. أنا كنت بدور عليكي ليل نهار، بس والله ما فقدت الأمل لحظة واحدة وكنت حاسس إنك لسه عايشة. أمينة حاولت تتعدل، راح بدر ساعدها. أمينة بدموع لأنها شافت ابنها اللي اتحرمت منه من زمان. أمينة: أنا بحمد ربنا إني شفتك تاني. متعرفش أنا كنت بدعي ربنا ليل ونهار عشان آخدك في حضني يا بني. بدر بعياط خدها في حضنه كأنه طفل صغير لقى أمه بعد غياب طويل. فضلا في حضن بعض، كل واحد مش مصدق إنه لقى التاني في نفس الوقت.

دخلت رودينا. بدر بعد عن أمينة. رودينا جريت على أمها بخوف: ماما حبيبتي، انتي كويسة؟ أمينة بابتسامة تعب: أنا كويسة يا حبيبتي. بدر بص لأمينة، هزت راسها بـ"آه". رودينا باستغراب: هو في إيه يا ماما؟ أمينة: مش عايزة تسلمي على أخوكي؟ رودينا بصدمة: هو انت بدر أخويا؟ بدر بابتسامة حلوة: كنتي تعرفي إن ليكي أخ؟ رودينا بدموع فرح هزت راسها بـ"آه". بدر فتح إيديه الاتنين وبضحك: تعالي في حضن أخوكي يا فوزي.

رودينا ضحكت وجريت دخلت في حضنه. رودينا بحنية: متعرفش إحنا كنا محتاجينك إزاي من بعد موت بابا ومبقاش لينا ضهر نسند عليه. بدر ضمها أكتر في حضنه: وأنا من هنا هكون سندكم وضهركم. أمينة: دلوقتي أموت وأنا مرتاحة. بدر بعصبية خفيفة: متقوليش كده، بعد الشر عليكي. رودينا: لما أروح هعزمك على عصير، أي خدمة؟ بدر بحنية: تحبي أجي معاكي؟ رودينا: لا، خليك انت مع ماما. وخرجت من الأوضة. جاسر أول لما شافها خرجت قام وقف: مامتك كويسة؟

رودينا باحترام: بقت كويسة الحمد لله. شكراً على اللي عملته معانا أنا وماما، وإن شاء الله أول لما أرجع أشتغل هسدد مصاريف المستشفى كله. جاسر: لا لا، مفيش داعي. بس لو تعزميني على فنجان قهوة. رودينا بكسوف: أيوه طبعاً هعزم حضرتك. بس هاجر فين؟ جاسر: مشيت عشان مامتها عايزاها. جاسر ورودينا ماشيين رايحين الكافتيريا. أشرف وقفهم. أشرف بغضب: بقا ده يا هانم اللي عايزة تطلقي عشان؟

رودينا بصوت عالي شوية: احترم نفسك، انت عارف أنا مليش في الجو ده. أشرف: مليكيش فيه وإنتي ماشية على حل شعرك وخلّيتيه يجيب أمك في مستشفى خاصة. جاسر مقدرش يمسك نفسه ونزل فيه ضرب. كل اللي في المستشفى واقفين يتفرجوا والناس التانية بيبعدوا جاسر عن أشرف. جه بدر وشاف الأوضاع كده. جاسر نزل ضرب في أشرف، ورودينا واقفة في ركن وعمالة تعيط. بدر جري عليها بخوف: مالك يا حبيبتي، في إيه بتعيطي ليه؟ جاسر بعد عن أشرف بغضب جحيم.

جاسر بعصبية حادة: الكلب ده غلط في رودينا. أشرف بصوت واطي من كتر الضرب من جاسر بس كله سمعه: لا ده انتي مقضياها مع اتنين مش واحد. ليهم حق يدافعوا عنك. إنتي عرفتي تبسطيهم عشان كده. هنا بدر نزل ضرب مع جاسر. الاتنين عمالين يضربوا فيه. وقفوا ضرب لما لقوا رودينا اغمى عليها. بدر جري على رودينا وشالها ودخل بيها المستشفى. الدكتور كشف عليها وخرج. كلهم جريوا عليه. بدر بخوف: مالها يا دكتور؟

دكتور: هي ضغطها عالي عشان كده حصل الإغماء، بس ياريت تبعدوا عنها أي توتر عشان هي عندها شبه انهيار عصبي. بدر شكر الدكتور وقعد. جاسر قرب منه وقعد جنبه: هتعمل إيه في الكلب اللي ضربناه؟ أنا خليت رجالتى ياخدوه على المخزن. بدر بغضب: وحياة كل دمعة نزلت من رودينا، هدفع تمنها. مبقاش بدر لو مخلّيتهوش يندم إنه نزل دمعة من أخت الزعيم. هنا جاسر فرح: هي أختك؟ بدر هز رأسه بـ"آه". بدر عرف إن رودينا فاقت من الممرضة ودخل عنده.

بدر قرب منها لقاها بتعيط. بدر: متزعليش يا رودي، أنا هجيب حقك من ابن *****. بس أهم حاجة، انتي عايزة تفضلي على ذمته؟ رودينا بدموع حزن: لا يا بدر، أنا مش عايزة أكون على ذمته. أنا تعبت ومحدش حاسس بيا. بدر بحنية: متقوليش كده، انتي من النهارده هتكوني أميرة. ابتسمت بحزن: أنا مش عايزة أكون أميرة، أنا عايزة أعيش بسلام يا بدر. بدر باس راسها: طول ما أنا عايش على وش الدنيا هتكوني في سلام.

نادين كل ما تتصل ببدر، فونة مقفول. وكيان نزل يدور عليه. بدر خرج من المستشفى وراح المخزن بتاع جاسر. جاسر: هتعمل إيه يا بدر؟ بدر بشر: هعمل كل خير. بدر بهدل أشرف من الضرب وخلّاه يطلق رودينا. جاسر: بدر، أنا عايز أتجوز أختك. بدر: ..................