رواية معجزة الحب الفصل الخامس والعشرون 25 - بقلم بسمله حسن، منة السيد

جاسر: إحنا عايزين نجيب فون رودينا علشان نعرف مين اللي عمل كده. بدر: أنت بتقول إيه؟ فاكر كده بسهولة هتعرف تاخد الفون من رودينا؟ تبقى بتحلم. كيان افتكر حاجة: استنوا، إنتوا نسيته فون نادين اللي اتبعت عليه الرسالة. بدر كان ناسي موضوع الفون وطلع جري على الأوضة وخد الفون من الأرض ونزل تاني. جاسر كلم نافين: نافين تعالي على بيت الزعيم. نافين: فيه حاجة عند الزعيم يا إمبراطور؟ جاسر بعصبية: مش وقت رغي يا نافين، تعالي بسرعة.

نافين استغربت طريقة جاسر في الكلام، راحت عند بدر وكيان فتح الباب. كيان: تعالي يا فرولة، إنتي اللي هتحلي المصيبة اللي إحنا واقعين فيها دي. بدر بعصبية: اسكت يا زفت. نافين: تعرفي تجيبي لنا كل التفاصيل عن الشخص اللي بعت الرسايل للبنات؟ نافين: أيوه يا زعيم، أنا هجيب كل المعلومات. جاسر اداها فون نادين. نافين خدت الفون وخرجت. بدر ليهم: أنا طالع أطمن على نادين. جاسر قعد على الكرسي وباين عليه الزعل والحزن.

كيان طبطب عليه: متزعلش، أكيد المانجا الفرنسي هتشوف حل. جاسر بص له جامد: أنت دايماً عينك زايغة كده. كيان بإحراج: مش دايماً، لكن محدش يشوف القشطة الباني وميبصش عليها، ده حتى عيب والله. جاسر هز راسه بتعب من كيان. فوق في أوضة نادين وبدر. بدر قرب لقى نادين بدأت تفوق. قرب عليها بسرعة. بدر بقلق: نادين حبيبتي، إنتي كويسة؟ نادين بعدت عنه بخوف. بدر زعل منها: إنتي بتخافي مني أنا يا نادين؟

أنا عمري ما آذيتك، ده أنا أموت نفسي عشان إنتي تكوني بخير. نادين بلهفة وخوف: بعد الشر عليك، متقولش كده. نادين حاولت تتعدل في نومتها، راح بدر ساعدها، اتقابلت عيونهم في نظرة طويلة. بدر بص لها بعتاب ومش مصدق إن نادين تخاف منه. بدر بعد ما عدلها: أنا آسف يا نادين، إنتي ليكي الحق تخافي مني.

وبعد كده كمل بحزن شديد: أنا واحد شغال في المافيا، بس عايزك تعرفي حاجة، أنا مستحيل أعمل حاجة تأذيكي. راح حط إيده على بطنه. أو تأذي عيالنا. لو حابة... سكت ومش قادر يكمل. بقت الكلمة تقيلة، إزاي هيقدر ينطق ويقول الكلمة دي. بلع ريقه وكمل: لو حابة تطلقي. وسكت، مش قادر يتكلم أكتر من كده. جاي يقوم. نادين مسكت إيده ومنعته. نادين بعياط: أنت عايز تطلقني يا بدر؟ هونت عليك؟

بدر خدها في حضنه: أنا مش عايزك تبعدي عني، أنا عايزك تكوني جنبي على طول. خرجها من حضنه. بس مش عايز أشوف نظرة الخوف منك ليا. أنا أموت ألف موتة ولا أشوف في عيونك نفس النظرة اللي شفتها من شوية. نادين دخلت في حضنه تاني ومسكت فيه جامد. بدر حضنها جامد ومكنش عايز يسيبها، حاسس إن لو سابها هتضيع منه. نادين بيوجع وصوت واطي: بدر، بطني. بدر خد باله إنه محمل على بطنها. بدر بأسف: أنا آسف يا نادين.

نادين: أنا اللي آسفة إني خفت منك، بس لما شفت الفيديو ومعاه الرسالة خفت الصراحة. بدر: أنا عايزك تثقي فيا، وقريب أوي مش هيكون فيه خوف في حياتنا اللي جايه. نادين: أنا واثقة فيك أكتر من نفسي. بدر بحب: بحبك. نادين أكملت بحب: لو فاكر إني بحبك يبقى الشيطان لعب بيك، أنا عمري ما حبيتك، أنا بس بموت فيك، بحبك حب لو طلع السما ينورها، ولو نزلت الأرض يدمرها، ولو راح فلسطين يحررها.

بحبك كلمة مش كبيرة عليك، بقولها وأنا بين إيديك نايمة صاحية بحلم بيك. بحلم بنظرة من عنيك وبسرح في جمالك وبشرح أفعالك، متقولش حب ومرتبطين، قول روحين متجمعين، اللي مفرقهم بس الجسم المتين. مش مكسوفة من عملتي علشان عارفة إني بحبببببك. بدر بحب جنون: بحبببببك وبموت فيكي. الباب خبط وكان كيان. كيان على الباب: أنت يا عم روميو، مش وقت حب ورومانسية، أنت والست جولييت، تعالي انزل يلا، نافين جت. نادين بغيره: البتاعة دي جت لي؟

بدر بغضب: منك لله يا كيان يا ابن أم كيان، أهي اتحولت عليا بعد ما كانت بتقول كلام حلو. نادين بعصبية: سيبك من كيان دلوقتي، ركز معايا. بدر بيحاول يهدي نفسه علشان عارف نادين عندها هرمونات حمل زيادة حبتين تلاتة. بدر بهدوء: بصي يا نيدو يا حبيبتي، أنا بعت نافين. نادين قاطعته في الكلام بعصبية: متجبش سيرتها على لسانك. بدر بغضب مكتوم: اتنيلت جبتها عشان تعرف مين اللي بعت أم الرسالة، فهمتي؟ أنا جبتها ليه.

نادين: خلاص، أنا هنزل معاك. بدر بعصبية: تنزلي فين؟ إنتي تعبانة. نادين بعند: هنزل يعني هنزل. بدر بصوت عالي: وأنا قولت مفيش نزول. بعد شوية. جاسر: ما لسه بدري يا زعيم، أنت ومراتك، حبكت يعني رومانسية في عز النهار. نادين وشها احمر من الكسوف. نافين بدلع: أنا جبت اسم الشخص اللي طلبته مني. بدر: اسمه إيه بسرعة؟ نافين بمياعة: منتصر يا زعيم. نادين متعصبة من نافين من مياعتها ودلعها. جاسر: منتصر مكانه فين بالظبط؟

نافين: مكانه في *****. بدر بشك: تبع جماعة إيه؟ نافين بمياعة: تبع جماعة توفيق يا زعيم. جاسر بصدمة: إيه؟