رواية معجزة الحب الفصل الرابع والعشرون 24 - بقلم بسمله حسن، منة السيد

رودينا: أي ما كنتيش عايزاني أجي ولا إيه يا إمبراطور؟ جاسر بصدمة: إيه اللي بتقوليه ده يا رودي؟ رودينا بهدوء عكس اللي جواها: مش دي الحقيقة اللي مخبيها عليا. وبعد كده كملت بدموع: مش إنت أكبر عضو في الـ مافيا؟ جاسر قرب منها عشان يهديها، راحت رودينا بعدت عنه. رودينا بدموع وعصبية: إياك تقرب مني. إنت كنت بالنسبالي الأمل اللي هكمل بيه، إنت خدعتني، مش بس كده، إنت كسرت قلبي. إنت زيك زي أشرف.

جاسر بسرعة: لا يا رودينا، أنا مش زي الكلب ده. رودينا بانفعال: لا، إنت زيه، ويمكن إنت أكتر منه. على الأقل أشرف مش زيك خداع ومجرم. رودينا بهدوء قلعت الدبلة وحطتها على الترابيزة. جاسر أول ما شاف كده اتصدم: لا يا رودينا، متعمليش كده. ازعلي مني شوية لكن ما تبعديش عني. رودينا بدموع: أنا آسفة، مش هقدر أكمل معاك وإنت مجرم بتقتل الناس بدم بارد. جاسر بزعل على حبيبته: عشان خاطري، فضلي جنبي وأنا هتغير، بس خليكي جنبي.

رودينا: وأنا مش هكون مطمنة وأنا معاك. وجاية تمشي رجعت تاني. رودينا: وعلى فكرة، أنا عرفت إن بدر أخويا بيشتغل معاك، أو اللي كان أخويا، أنا قطعت علاقتي بيه. في نفس الوقت نزلت نافين وقربت من جاسر، وكانت لابسة لبس مش كويس خالص. رودينا بصت لنافين من تحت لفوق وشافت لبسها اللي بيبين أكتر ما بيخبي. رودينا بدموع في عينيها: هي دي اللي تشبهك؟ وخرجت من الفيلا وهي منهارة من العياط.

نافين: What happened, Emperor? أي اللي حصل يا إمبراطور؟ جاسر بغضب وزعيق: I wanted to go down now, may God destroy you. This was my shortcoming. حبكت تنزلي دلوقتي، الله يخربيتك، هي كانت ناقصاكي. نافين باستغراب: I did just that, Emperor. I was going home and found this girl. Who is she, Emperor? أنا عملت إيه بس يا إمبراطور؟ أنا كنت نازلة ولقيت البنت دي، هي مين دي يا إمبراطور؟ جاسر بعصبية: دي تبقى خطيبتي.

نافين: Wow, this is your engagement, it doesn't look like you at all, Emperor. واو، هي دي خطيبتك؟ مش شبهك خالص يا إمبراطور. جاسر: ابعدي عن وشي الساعة دي. و راح يتصل على بدر. في بيت بدر. بدر نايم جنب نادين وفونه رن. نادين بنوم: بدر، شوف مين اللي بيرن. بدر خد الفون من على الكومودينو. بدر بصوت نايم: ألو. جاسر بعصبية: إنت نايم فوق يا زعيم؟ في مصيبة حصلت على دماغنا. رودينا اختك عرفت عننا كل حاجة يا زعيم.

بدر أول ما سمع كده قام نط من السرير. نادين قامت بخوف: في إيه يا بدر؟ بدر واقف مش عارف يقول إيه: إنت بتقول إيه؟ وهي عرفت منين؟ جاسر: مش وقته، أنا جاي عندك. جاسر قفل مع بدر وطلع يلبس. نادين قامت وماسكة بطنها وبالإيد التانية ضهرها. نادين بخوف: في إيه يا بدر؟ ومين اللي عرفت؟ بدر وهو بيلبس هدومه: رودينا عرفت كل حاجة. نادين اتصدمت: يالهوي! عرفت إزاي؟ رد عليا يا بدر. بدر بعصبية: امشي من قدامي دلوقتي، أنا مش مركز.

نادين بوجع: آآآآآه. وقعدت على السرير. بدر بخوف وقلق: مالك يا نادين؟ إنتي كويسة؟ نادين بتعب: أيوة، بس معرفش حسيت بوجع فجأة. بدر بخوف: طيب تعالي نروح للدكتور. نادين: لا، أنا هبقى كويسة. بدر: طيب ارتاحي شوية وأنا هنزل أشوف جاسر في حل للمصيبة دي. نادين شاورت براسها بـ "ماشي". بدر نزل وراح لـ كيان وخبط على الباب بعنف. كيان قام مفزوع: في إيه يا بدر؟ نادين كويسة؟ بدر: نادين كويسة. البس وانزل بسرعة.

كيان بقلق: هو في إيه بالظبط؟ بدر بعصبية وصوت عالي: إخلص، إنت لسه هتسأل؟ بدر نزل وبعده بحوالي خمس دقايق نزل كيان. والباب خبط وكيان راح فتح لقى جاسر. كيان لـ جاسر: هو في إيه بالظبط؟ جاسر دخل وبدر أول ما شافه جاسر قام وقف. بدر بتوتر: قولي إزاي رودينا عرفت الحقيقة؟ جاسر: أنا معرفش هي عرفت إزاي. هي جاتلي و... بدأ يحكي اللي حصل من ساعة لما رودينا جت لحد ما مشيت. بدر اتصدم: يعني هي عرفت إني بشتغل في المافيا؟

جاسر: أكيد حد عارف عننا كل حاجة، والحد ده من العصابة. بدر لسه هيتكلم سمع صوت نادين، طلع جري هو وكيان وجاسر. بدر دخل وكيان لسه، جاسر هيخش، كيان منعه. كيان بعصبية: استنى هنا. نادين أكيد قلعة الطرحة. جاسر واقف بره وكيان دخل. شاف نادين عمالة تعيط وبدر بيحاول يهديها. بدر بخوف شديد: مالك يا حبيبتي؟ بتعيطي ليه طيب؟ إنتي تعبانة؟ ردي عليا يا نادين. نادين مش قادرة تتكلم بس أدته الفون على فيديو.

كان الفيديو لما بدر قتل جماعة ماكس. ومكتوب من تحت الفيديو: {اللي قتل جماعة ماكس هو جوزك حبيبك، وكمان ها يقتلك في أسرع وقت وهيخلص منك إنتي واللي في بطنك علشان ده بيقتل بقلب جامد يعني مش هيهمه يقتل مراته وابنه. فاعل خير...... بدر قرأ الرسالة وراح رامي الفون في الأرض من كتر عصبيته. كيان بيحاول يهدي نادين وهو مش فاهم حاجة. نادين من كتر العياط جالها ضيقة نفس ومكنتش قادرة تاخد نفسها.

بدر شاف كده راح خدها في حضنه عشان يطمنها، بس نادين كانت في عالم تاني لحد ما اغم عليها. بدر بزعيق: اتصل بالدكتور يا كيان. وشال نادين وحطها على السرير. بدر بقلق: نادين حبيبتي، فوقي. نادين كان بيخبط على وشها برقة، لكن مفيش فايدة. كيان خرج جري شافه جاسر، جري وراه. جاسر لـ كيان: في إيه يا بني؟ كيان بخوف شديد: نا.. نادين اغم عليها ومش راضية تفوق. جاسر: طيب استنى هتصل بالدكتور ييجي. كيان: طيب، بسرعة يا جاسر.

جاسر اتصل بالدكتور وجه. بدر بقلق: هي كويسة صح؟ رد عليا. دكتور: هي دلوقتي نايمة من المهدئ، لكن ده خطر عليها هي والطفل اللي في بطنها. ياريت تبعدوها عن أي توتر وتهتموا بالتغذية عشان ده ممكن يأثر على الولاد. بدر سمع كده خاف أكتر: هو في خطر كبير على حياتها؟ دكتور: مش أوي كده، لكن لو مهتمتوش بصحتها، هيحصل مضاعفات. بدر فضل باصص لنادين بحزن. خرج بره كيان جري عليه. كيان: قولي الدكتور قالك إيه؟

بدر بهدوء: سيبك من نادين، هي بقت كويسة. المهم، أنا عايز أعرف مين اللي عارف عننا كل حاجة. بدر: هاجر عرفت حاجة؟ كيان: أنا معرفش هي عرفت ولا لأ، أصل الفون بتاعها بايظ من أول إمبارح وأنا كنت هجيب واحد تاني ليها. جاسر قعد على أقرب كرسي وحط إيده على راسه. بدر: قوم ياخويا، مش وقت قعدة وتحط إيدك على راسك. جاسر لـ بدر: أنا عرفت هجيب اللي عرف عننا إزاي. كيان بفضول: إزاي يا إمبراطور؟ جاسر: إحنا عايزين...