رواية معجزة الحب الفصل الرابع والثلاثون 34 - بقلم بسمله حسن، منة السيد

جاسر كان بيلبس هدومه وقرب من رودينا وهي لسه نايمة. جاسر بقلق: رودي حبيبتي، انتي كويسة؟ رودينا بحب: صباح الخير يا حبيبي. جاسر: صباح النور، انتي كويسة؟ فيكي حاجة؟ رودينا بتعب خفيف: معرفش يا جاسر، جسمي واجعني وعايزة أنام تاني. جاسر بقلق: طيب تعالي نروح المستشفى نطمن عليكي. رودينا بحب: متخافش. عليا هو شوية إرهاق عشان فضلنا طول الليل عند كيان. جاسر ضحك لما افتكر امبارح. *** هاجر مجمعة نادين ورودينا.

نادين بملل: يابنتي اتكلمي، بقالك ساعة ساكتة. رودينا بضحك: إيه يابت، هو كيان قالك متتكلميش معانا ولا إيه؟ هاجر فضلت ساكتة، وفي الآخر صوتت بصوت عالي: أنااااااااااااا حاااااااااااامللللللللل يا بنااااات! رودينا ونادين فضلو ساكتين حوالي خمس ثواني، وبعد كده حضنوها بفرح. نادين بفرح: ألف مبروك يا جوجو، يعني أنا هكون عمتو. رودينا بزعل وعيونها مليانة بدموع، بس حاولت محدش ياخد باله. رودينا

بابتسامة مليانة حزن: جوجو حبيبتي ألف مليون مبروك ياروحي، ربنا يتمملك على خير. هاجر بزعل على رودينا: الله يبارك فيكي يا رودي. هاجر قربت من رودينا وحضنتها: متزعليش يا رودي، بكرة إن شاء الله هتكوني أم، بس خلي إيمانك في ربنا كبير. رودينا بدموع: يارب يا هاجر، يارب. أنا تعبت ونفسي أكون أم، أنا مش معترضة على حكمة ربنا، بس أنا بشر ومبقتش قادرة خلاص. نادين مسحت

دموعها وقربت من رودينا: جرى إيه يابت منك ليها، إحنا هنقضيها زعل ولا إيه؟ المهم إحنا عايزين نعمل مقلب في كيان. هاجر: إيه هو؟ بسرعة. نادين: إحنا هنعمل.. وبدأت تحكلهم على اللي هيحصل. رودينا برعب: لا بلاش كده، ممكن يخافوا علينا بجد. هاجر: متخافيش، إحنا بنهزر بس. ويلا خليني أتصل بكيان. رودينا بقلق: والله أنا خايفة من رد فعلهم. نادين: يلا يا رودي، خلي قلبك جامد. رودينا: ربنا يستر. هاجر اتصلت بكيان.

كيان بسعادة: إيه ده، هاجر بنفسها بتتصل بيها. هاجر بخوف مزيف: كيان الحقني، في حد في البيت تحت وأنا خايفة. كيان قام اتفزع: هاجر حبيبتي متخافيش، أنا جاي حالاً، بس انتي استخبي تحت السرير. بدر بقلق: في إيه يا كيان؟ كيان بخوف شديد على هاجر: هاجر ردي عليا، هاجر... واتقفل الفون. كيان جري وبدر وراه. بدر بعصبية: اركب بسرعة. وفعلاً كيان ركب جنبه. بدر اتصل بجاسر وقال له في حد في بيت كيان.

وجاسر ركب العربية وراح عند بيت كيان، في نفس الوقت جه كيان وبدر. بدر بهدوء مخيف: كله يطلع سلاحه. وقبل ما بدر يخلص كلامه، كان باب البيت بتاع كيان اتفتح. الشباب دخلوا البيت اتفاجئوا بالبنات واقفين في نص الصالة. كل واحد جري على مراته بخوف. بدر: انتي كويسة؟ في حد قرب منك؟ نادين ابتسمت: أنا كويسة يا بدوره. جاسر حضن رودينا بخوف: انتي كويسة يا حبيبي؟ رودينا شورت براسها: آه. كيان: إيه اللي حصل يا هاجر؟ انتي كويسة؟

هاجر هزت راسها بلا وحطت في إيده اختبار الحمل. كيان فضل ماسك الاختبار ومبحلق فيه. كيان بصدمة مش عارف يتكلم: انتي.. حا.. مل بجد؟ هاجر بسعادة: آه. كيان حضنها جامد. بدر بعصبية: استني يا عم روميو، أنا عايز أعرف إنتوا إزاي تعملوا كده، ومين صاحب الفكرة الزفت دي؟ هاجر ورودينا شاوروا على نادين. نادين بصوت واطي محدش سمعه غير بدر: آه يا اندال، بتبيعوني لعدو. الفرح داب. بدر هيقرب من نادين.

راحت نادين جريت وهي ماسكة ضهرها من الوجع. نادين بتصوت وهي بتجري وبدر بيجري وراها: استنى يابن المجنونة، هولد من كتر الجري. بدر بعصبية: والله يا شبر ونص هوريكي على اللي بتعمليه فينا. نادين استخبت في ضهر كيان. كيان مسكها من قفاها: سيبها لي بقا يا زعيم، أنا اللي هجيب حق البشرية منها. نادين عرفت أنه خلاص مفيش أمل تهرب. نادين مسكت بطنها بوجع: اااااااه. كيان سابها بخوف: مالك يا نادين؟ انتي كويسة؟

نادين قعدت على الكرسي: هكون كويسة لما آكل موز عشان نفسي فيه. بدر بغيط: نفسي أجيب حقي منك يا شبر ونص. نادين بعصبية خفيفة: أنا مش شبر ونص، ماشي يا عم. بدر لسه هيتكلم، جاسر قاطعه في الكلام: خلاص بقا يا بدر. وبص لي كيان: مبروك يا كيان. كيان ابتسم: الله يبارك فيك يا إمبراطور. *** رودينا بهدوء: ممكن يا حبيبي أروح عند نادين النهارده أقعد معاها شوية لحد ما تيجي؟ جاسر باس رودينا بحب: ماشي يا روحي. عند بيت بدر ونادين.

بدر بهدوء: أنا نازل، خلي بالك من نفسك، وبلاش المقالب بتاعتك دي. نادين ببراءة: أنا بعمل حاجة يا بدوره؟ بدر: والله أنا بخاف من بدوره دي. وسابها ونزل. في نفس الوقت اللي بدر كان نازل فيه، شاف رودينا. بدر بحنية: رودي حبيبتي، انتي كويسة؟ رودينا ابتسمت: أنا كويسة يا حبيبي، أنا جاية أقعد مع نادين شوية. بدر بغضب: ده بيت أخوكي، تيجي في أي وقت، فاهمة؟ رودينا بحب أخوه: فاهمة، ربنا يخليك ليا يا حبيبي.

ورودينا طلعت قعدت مع نادين وبدأوا يتكلموا لحد ما الباب خبط. نادين وهي رايحة تفتح الباب ورودينا لسه هتلبس الخمار. نادين وهي بتفتح الباب: متلبسيش ده، أكيد بدر نسي حاجة. وفتحت الباب اتصدمت من كارتل. نادين بخوف ورعب: كا.. كارتل؟ نافين كانت ماشية في الشارع، والشاب اللي كان في الفندق كان ماشي وراها. نافين بعصبية: عايز إيه مني يا زين؟ زين: عايز أتجوزك، أنا بقالي شهرين ماشي وراكي وطلبتك للجواز ورفضتي، ممكن أعرف رفضتي لي؟

نافين بعصبية: عايز تعرف أنا رفضتك لي؟ لآني طول عمري عايشة في أمريكا، أنا مش virgin. زين بصدمة: إيه؟ نافين كملت كلمة بدموع: وكمان لسه داخلة دين الإسلام من قريب، ومش عارفة ربنا هيسامحني على اللي كنت بعمله ولا لأ، عرفت أنا رفضتك ليه؟ في مخزن قديم، كانوا موجودين البنات ومغمى عليهم. كارتل دخل وشافهم مغمى عليهم، راح جاب إزازة مياه ودلقها عليهم. رودينا بخوف وهي ماسكة في نادين: إنت مين وعايز مننا إيه؟

كارتل بضحكة مستفزة: أنا مش عايزك انتي، أنا عايز اللي جنبك. وكان بيشاور على نادين. نادين بشجاعة مزيفة: إنت عارف لو بدر عرف هيعمل فيك إيه؟ كارتل بعصبية مسكها من شعرها: يعمل في مين يا بنت ******وراح راميها في الأرض. نادين مسكت بطنه بوجع: اااااااه. كارتل لسه هيقرب منها. نادين بوجع جامد وصوت: خلاص مش قادرة أستحمل أكتر من كده، اااااااه. وولادة نزلت. رودينا قربت من نادين وشافت فعلاً إن نادين هتولد.

رودينا برعب: نادين، انتي هتولدي؟ كارتل سابهم وخرج، بس قبل ما يخرج: أنا هسيبك تولدي، بس خليكي فاكرة إنك إنتي بتاعتي أنا، وبس. بدر جه لقى باب البيت مفتوح، طلع المسدس بتاعه وبدأ يخش وهو خايف على نادين. بدر بصوت عالي مليان خوف: نادين، انتي فين؟ نااااااااادين. رودينا بتوتر: اضغطي شوية كمان يا نادين، الولادة متعثرة والبيبي مش راضي ينزل. نادين ووجع الدنيا كلها فيها: امممممممم، ياااااااااااارب.

بدر اتصل بكيان وسأله إن نادين عنده ولا لأ، بس نادين مش عند كيان ولا في بيت جاسر. بدر كان عامل زي المجنون. جاسر بغضب: اهدى بقا يا بدر عشان نعرف نفكر، هما مكانهم فين؟ بدر بعصبية عميت عيونه: أنا مش ههدأ، ومراتي وأختي مختفيين، أهدى إزاي؟ بس لسه مخلصش كلامه، كان باب البيت خبط وكيان راح فتح. نافين: في إيه يا إمبراطور؟ إيه اللي حصل؟ جاسر بصوت عالي خلى نافين تتخض: مش وقته يا نافين، أنا عايز أعرف مكانهم دلوقتي، يلا.

رودينا: اضغطي، اضغطي كمان مرة يا نادين، أنا شايفه الراس، ساعديني وساعدي نفسك. وفعلاً نادين ضغطت على نفسها والبيبي الأول نزل. في نفس الوقت كانت نافين عرفت مكان نادين ورودينا. جاسر اتصدم أول لما سمع المكان اللي موجودين فيه البنات. ده مكان بتاع جماعة ماكس. في نفس الوقت دخل كارتل أول لما سمع صوت البيبي. كارتل: إيه ده، انتي حامل في توأم؟ طيب حلو، نتفرج على الولادة التانية بدل ما إحنا متفرجناش على الأولى.

كان بيتكلم وعينه على نادين بشهوة. رودينا بصت له باستحقار. رودينا: يلا يا حبيبتي اضغطي كمان شوية، البيبي التاني أهو. نادين بوجع ومش قادرة تاخد نفسها: اااااااه، ياااااااااااارب. وبعد حوالي عشر دقايق البيبي التاني نزل. كارتل أول لما نادين ولدت، بدأ يشد فيها من شعرها بدون رحمة. قومي يا روح امك، هتعملي فيها تعبانة. رودينا بغضب بتضرب فيه: ابعد عنها يا حيوان. كارتل راح ضربها بضهر المسدس على دماغها، أغمى عليها.

نادين صوتت من الوجع والخوف على رودينا. كارتل بيشد فيها عشان تقوم. نادين بتعب جامد: مش هعرف أقوم، لازم أقطع الحبل السري. كارتل راح طلع سلاح أبيض ورماه لها: اخلصي ياله. نادين بتعب وبدأت تقطع الحبل السري لوحدها. كارتل أول لما نادين خلصت، شدها من شعره لحد بره، ونادين عمالة تصوت وبتنزف. في نفس الوقت ده بدر دخل. بدر أول لما شاف نادين كده عيونه بقت بتطق شرار. نادين بضعف: بـ.. بدر.. عيالنا. بدر بغضب جحيمي قرب من كارتل.

كارتل: لو قربت هضرب نار عليها. بدر مهتمش لكلامه وهجم عليه زي الأسد، وفضل يضرب فيه. كان جاسر دخل من الباب التاني للمخزن هو وكيان. جاسر بخوف: رودينا. وجري عليها وفضل يهز فيها وشاف دماغها مجروحة وفيها دم. كيان واقف مش مصدق وهو شايف رودينا كده والبيبهات موجودين على الأرض. جاسر شال رودينا وبيزعق لكيان: إنت واقف؟ شيل العيال وتعالى بسرعة على العربية. وخرج جري برودينا.

كيان قلع الجاكت بتاعه وقرب من البيبيهات وحطهم في الجاكت وخرج لجاسر. بدر كان عمال يضرب في كارتل مش شايف غير منظر نادين وهي مابين إيد كارتل لحد ما خلص عليه ومات. بيبص لنادين لقاها أغمى عليها، شالها وطلع جري على المستشفى بتاع جاسر. جاسر بعصبية حادة: إنتوا يا بهايم اللي هنا، حد يجيب ترولي بسررررعععة. الممرضين جابوا الترولي والممرضة التانية خدت البيبيهات من كيان. في نفس الوقت دخل بدر وهو شايل نادين.

بدر بجنون: عايز دكتورة هنااااااا. الدكتورة جت بخوف وجابت ترولي معاها. بدر حط نادين على الترولي وبص للدكتورة بهدوء مرعب: لو نادين حصلها حاجة، لو نادين حصلها حاجة هدَفنك حيا. الدكتورة بخوف: هتكون كويسة. ودخلت نادين أوضة الطوارئ. المستشفى كانت عندها حالة توتر وخوف رهيب مابين بدر وجاسر. لحد ما الدكتور خرج من عند رودينا وجاسر جري عليه. جاسر بخوف: رودينا كويسة، انطق.

الدكتور بهدوء: اهدى يا أستاذ جاسر، مدام رودينا كويسة، بس لازم تاخدوا بالكم من أكلها عشان الحمل ضعيف ولسه في أوله. جاسر بصدمة مش عارف يتكلم: حمل. هي حامل؟ الدكتور خاف من صدمة جاسر: أيوه يا فندم، لسه في أول الحمل. واختفى من قدام جاسر. كيان قرب من جاسر وطبطب: مبروك يا إمبراطور. جاسر سابه ودخل عند رودينا. بدر كان واقف قصاد باب أوضة نادين، متحركش ولا كان مركز مع جاسر، كل اللي كان مركز فيه هو نادين وبس.

لحد ما الدكتورة خرجت من عند نادين. بدر برعب على حبيبته: نادين كويسة؟ الدكتورة: هي ضعيفة شوية مطرح الولادة، لكن هي كويسة. بدر: أنا عايز أخش أشوفها. الدكتورة: ماشي يا فندم، بس هي لسه مفاقتش. بدر دخل عند نادين، كانت نايمة على السرير ومبين عليها الإرهاق والتعب. بدر قرب منها وقعد على الكرسي اللي

قدامه ومسك إيديها بندم: أنا آسف يا حبيبتي، آسف على كل حاجة شفتيها في حياتك بسببي، على كل خوف ورعب عشتيه، أنا المفروض مكنتش دخلت حياتك. نادين بصوت مرهق: متقولش كده، أنا بشكر ربنا على وجودك جنبي. بدر بلهفة كلها حب وحنان: نادين حبيبتي، انتي كويسة؟ نادين بإرهاق: أنا كويسة. افتكرت إنها ولدت. نادين بخوف: عيالي، عيالي يا بدر، هما فين؟ هما كويسين؟ بدر: اهدى يا حبيبتي، هما كويسين، هروح أقول للممرضة تجبهم.

بدر خرج شاف كيان شايل البيبيهات وعمالين يعيطوا. بدر قرب منهم: مش عارف تسكت العيال؟ كيان بضيقة: يعم عيالك شغالين زن زي واحد أعرفه كده. بدر مسك البيبيهات: هروح أوديهم لـ نادين، وأنا هعرفك الواحد ده هيعمل فيك إيه. كيان: نادين كويسة؟ بدر وهو داخل: هي كويسة. ودخل عند نادين وقرب على السرير. نادين حاولت تتعدل وخدت البيبيهات من بدر. نادين بدموع فرح: عيالنا يا بدر. بدر حضنها هي والبيبيهات: هتسمي مين أياد ومين أيان؟

نادين بابتسامة: هسمي ده اللي واخد عيونك يا بدر.. أياد. بدر باسها من خدها: واللي واخد عيونك أيان. جاسر دخل عند رودينا وقعد قدامها وحط إيده على بطنها بحنان. رودينا بدأت تفوق أول لما شافت جاسر، قعدت تعيط. جاسر بقلق: انتي كويسة؟ في حاجة وجعاكي؟ رودينا بعياط: نادين والبيبيهات. جاسر خدها في حضنه: اهدى يا حبيبتي، هي كويسة ومع بدر والأطفال. رودينا: أنا كنت خايفة عليها أوي يا جاسر. جاسر قلبه وجعه

على حبيبته واللي حصل فيها: خلاص يا حبيبتي، من هنا ورايح مفيش خوف. وبعد كده نزل إيده على بطنها بكل حنية ورقة: وكفاية عياط بقا، مش عايز بنتي تبقى نكدية. رودينا بغباء خرجت من حضنه: بنت مين؟ جاسر باسها من خدها: إيه يا رودي، مش عايزة تسلمي على بنتنا ولا إيه؟ رودينا نزلت إيدها على بطنها بدموع: قصدك إيه؟ أنا حامل؟ جاسر هز راسه بـ آه: أيوه حامل. حامل مني، حامل بطفل مني أنا يا رودي، طفل هيكون رمز حبنا. رودينا بعياط فرح: بجد؟

أنا حامل؟ أنا مش مصدقة نفسي، الحمد لله يارب، الحمد لله. (مفيش أحلى ولا أجمل من الأمومة، ربنا يرزق كل مشتاق بالذرية الصالحة) عدى وقت ونادين ورودينا خرجوا من المستشفى، وبدر فرح على خبر حمل رودينا. وعدى أسبوع وجه ميعاد سبوع البيبيهات. كان بدر عامل حفلة سبوع جميلة جداً وعازم كل الناس. زين قرب من نافين: وإحنا مش ناويين نجيب بيبي زي دول؟ نافين بدموع: إيه؟

زين: أنا كنت زيك يا نافين، وكنت بعمل حاجات كتير غلط وحرام، وأنا تبت وإنتي كمان توبتي، يبقى نبدأ صفحة جديدة؟ إحنا مش ملاك يا نافين. جاسر جه من ورا نافين: أنا معاكي في أي حاجة يا نافين، ها يا حبيبتي موافقة عليه؟ زين بغيره: لو سمحت يا أستاذ جاسر، متقولش حبيبتي دي. جاسر ضحك: عايز أقولك إن نافين دي أختي الصغيرة، وبعد كده كمل بجدية: يعني لو فكرت تزعلها هكون أنا أول واحد يقفلك. زين بحب: محدش يقدر يزعل روح.

جاسر شاف حب زين لنافين. جاسر بهدوء: ها يا نافين، موافقة؟ نافين هزت راسها بـ آه وهي مكسوفة. جاسر: يبقى أنا اللي هعملكم الخطوبة بتاعتكم. زين باعتراض: لا يا أستاذ، أنا هعمل كتب كتاب ودخلة يوم واحد، أنا مش هعمل خطوبة. جاسر ضحك عشان مستعجل على الجواز زيه: وأنا موافق، وكمان هعمل الفرح على حسابي. عدى اليوم بسعادة على الجميع. بدر قرب

من نادين وحضنها من ضهرها: طول عمري هشكر ربنا على النعمة اللي ادالهالي، وبص للأطفال اللي نايمين على السرير الصغير. وعيالنا. نادين بحب: بتحبني يا بدوره؟ بدر بعشق: أنا عديت الحب بمراحل، أنا بعشقك، تؤ، أنا مهووس بيكي. نادين بحب: عارف يا بدر، بكل دقة قلب حبك في قلبي بيكبر، إنت بنسبالي النصيب والقدر، إنت الأمان والوفاء، إنت العلاج والجنة والأنعام. أنا من غيرك مقدرش أعيش. حبك عش جوه قلبي يا بدر.

بدر لسه هيقرب منها، البيبي إياد عيط. بدر بغيظ: نفسي مرة أقرب منك وابن الكلب ده ميعيطش. نادين ضحكت وبترضع البيبي: ماهو جعان يا حبيبي. بدر: ما التاني مبيعيطش زيه، والله شكله أيان ده هيطلع واخد طبعي. نادين حطت البيبي في السرير وبoust بدر: مفيش أحلى ولا أجمل من طبعك يا زعيم. رودينا واقفة قصاد المرايا وحطت إيدها على بطنها بسعادة. جاسر حضنها بحب: بحبك.

رودينا بحب: بحبك يا جاسر. إنت عرفتني معنى الحياة. إنت حبي الأول والأخير. جاسر بعشق: مكانك القمر لقيتك، وجوه قلبي حبيتك، ملكتي قلبي بروحك، حبيبت قلبي سميتك. رودينا حضنته بحب: والقلب يعشق كل جميل زيك، ده أنا يوم بعد يوم بقع بزيادة في حبك. رودينا أول لما خلصت كلامها كانت مرفوعة على إيد جاسر. رودينا: جاسر نزلني، مينفعش كده. جاسر غمزلها بعينه: مينفعش والله بعد الكلام ده، وسبت لك إثبات لحبي. وقرب منها ووووووووووو.

جه معاد فرح نافين على زين، والعائلة كلها كانوا مبسوطين. كيان بغضب شاد هاجر اللي عمالة ترقص: اتهدي بقا، متنسيش إنك حامل. هاجر: سبني أرقص شوية، ده فرح ابن عمي الوحيد، عايزة أرقص. كيان لسه هيتكلم، شاف بدر جه هو ونادين والأطفال. كيان: اتأخرت كده ليه يا زعيم؟ بدر بعصبية: على ما الست أختك خلصت ولبست البهوات. نادين سلمت على هاجر ورودينا جت، وكلهم كانوا واقفين مع نافين لحد ما الفرح خلص. زين شايل نافين لحد باب الشقة بتاعتهم.

زين بحب: نورتي بيتك يا عروسة. نافين بابتسامة حب: شكراً يا زين. زين قرب منها: لا شكراً بتتقال كده، وبوست وووووووووو. بعد مرور خمس سنين، في فيلا بدر، كانوا عاملين حفلة لعيد ميلاد أيان وإياد. إياد كان قاعد مع بنت كيان الصغيرة. إياد بحب: خلاص يا تيا، متزعليش مني، أنا مش هزعلك تاني. تيا بنت كيان: ماثي يا إياد، بس هتسلحني بشوكولاته. إياد طلع شوكولاتة من جيبه: امسكي يا تيا، بس متزعليش مني. وباسها من خدها.

كيان مسكه من قفاه: إنت ياض بتعمل إيه لبنتي؟ إيان جه من وراه كيان: خالو متزعقش لأخويا. وقرب من إياد: متزعليش يا إياد، أنا أزوجهالك. بدر جه على كيان: مالك بالعيال يا كيان؟ كيان بعصبية: تعالي شوف ابنك المحترم قاعد بيبوس في البت، والتاني، وكان بيشاور على إيان: بيقوله متزعقش لأخويا وأنا هجوزهالك. تيا ببراءة: أيوه يا بابي، أنا اتجوز إياد أهو، يحبني وأنا كمان. كيان واقف مصدوم، بنت لسه مكملتش أربع سنين وبتقول بتحب.

جاسر جه وكان معاه ولد صغير ورودينا. جاسر قرب من كيان وبدر: عاملين إيه يا رجالة؟ كيان: خلي بالك يا إمبراطور على الطفل اللي جايلك، في واحد هنا بيخطب البنات. جاسر باستغراب: مش فاهم تقصد إيه. كيان بيشاور لجاسر على بنت تيا وإياد: ده بيحب بنتي، فاخلي بالك على بنتك. إياد مسك إيد تيا: تعالي بره أسرحك بطريقتي. كيان بعصبية جري ورا إياد: تعالي هنا ياض، إنت عايز تضحك على بنتي؟ جاسر وبدر ضحكوا على غيرة كيان.

في نفس الوقت جت نافين وزين. سلموا على بعض والكل بيحتفل بعيد ميلاد عيال بدر ونادين. نافين بابتسامة: عايزة أقولكم على حاجة. الكل انتبه ليها. نافين: أنا حامل. كلهم فرحوا لنافين عشان بقالها خمس سنين مخلفتش، والكل باركلها. نادين قربت من بدر: بدوره، عايزة أقولك على حاجة. بدر قرب منها: قولي يا حبيبي. نادين: أنا حامل. بدر افتكر كل حاجة نادين عملتها معاه ساعة الحمل. نادين بعدت عنه بدموع: إنت مش عايز عيال تاني مني يا بدر؟

بدر حضنها بحب: مين قالك إن مش عايز عيال منك؟ أنا لو طولت أجيب منك خمسين عيل هعمل كده يا طفلتي. نادين باست خده: ماشي يا حبيبي. كيان بهزار: إيه؟ مفيش حد تاني هيقول إنه حامل؟ هاجر ضحكت: وأنا كمان حامل. كيان ضحك: صلاة النبي أحسن، إحنا كده هنكون متعادلين، يا زعيم، إنت هتجيب واحد يبقوا تلات عيال، وأنا كمان. جاسر قرب من رودينا ومسكها من وسطها: وإحنا يا حبيبتي مش هنجيب التالت؟

رودينا بعصبية خفيفة: لما ينزل التاني، نبقى نفكر في التالت يا إمبراطور. نادين لكيان: صورنا يا كيان، صورة جماعية. كيان بسعادة: إشطة، صورت الحوامل. يلا كله يقول أنا حامل. نادين بحب: لسه بتحبني يا زعيم؟ بدر بحب: دا إنتي حبك عش جوه القلب يا طفلتي، بحبك. نادين بعشق: وأنا بموت فيك. قيل إن المحب يفعل المستحيل، أما الحب فيصنع المعجزات. إلى اللقاء مع معجزة الحب. تمت بحمد الله.

يارب تكون الرواية عجبتكم وقدرت أرسم البسمة على وجهكم. متنسوش تقولوا رأيكم في التعليقات يا حبابي.